ଆଫଗାନିସ୍ତାନରେ ବଡ଼ ଭୂମିକମ୍ପ, ୨୫୫ ଜଣଙ୍କର ମୃତ୍ୟୁ, ସଂଖ୍ୟା ବୃଦ୍ଧି ହୋଇପାରେ

ନୂଆ ଦିଲ୍ଲୀ ୨୨-୬ (ଓଡ଼ିଆ ପୁଅ) ଆଫଗାନିସ୍ତାନରେ ଏକ ବଡ଼ ଧରଣର ଭୂମିକମ୍ପ ଘଟିଛି। ଯେଉଁଥିରେ ୨୫୫ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଏହି ସଂଖ୍ୟା ଅଧିକ ହୋଇପାରେ। ରିଚ୍ଟର ସ୍କେଲରେ ଭୂକମ୍ପର ମାତ୍ରା ୬.୧।
ଆଫଗାନିସ୍ତାନ କର୍ତ୍ତୃପକ୍ଷଙ୍କ ଅନୁଯାୟୀ, ଏହି ଭୂକମ୍ପରେ ଦେଶରେ ବ୍ୟାପକ ଘର ଭୁଶୁଡି ପଡିଛି ଏବଂ ଆବର୍ଜନା ଯୋଗୁଁ ଅତି କମରେ ୨୫୫ ଜଣଙ୍କର ମୃତ୍ୟୁ ହୋଇଛି। ଉଦ୍ଧାର କାର୍ଯ୍ୟ ଆରମ୍ଭ ହୋଇଛି ଏବଂ ମୃତ୍ୟୁ ସଂଖ୍ୟା ଆହୁରି ବଢ଼ିପାରେ। ଆଫଗାନିସ୍ତାନର ସରକାରୀ ସମ୍ବାଦ ଏଜେନ୍ସି ରିପୋର୍ଟରେ ୨୫୫ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଏଜେନ୍ସି କହିଛି ଯେ ଘଟଣାସ୍ଥଳରେ ହେଲିକପ୍ଟର ପଠାଯାଇଛି ଏବଂ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି।