ଆଦାନୀ ପୋର୍ଟର ଦ୍ୱିତୀୟ ତ୍ରୈମାସିକ ଫଳାଫଳ ପ୍ରକାଶିତ

ଭଦ୍ରକ, ୪ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଦାନୀ ପୋର୍ଟ ଓ ସ୍ପେଶାଲ ଇକୋନୋମିକ୍ ଜୋନ୍ ଲିମିଟେଡ୍ ଚଳିତ ଆର୍ଥିକ ବର୍ଷରେ ଏହାର ଦ୍ୱିତୀୟ ତ୍ରୈମାସିକ ଫଳାଫଳ ପ୍ରକାଶ କରିଛି । ଲକ୍‌ଡାଉନ କୋହଳ ହେବା ପରେ ଅର୍ଥନୀତିର ପୁନଃଅଭିବୃଦ୍ଧି ସହ କମ୍ପାନୀର କାର୍ଗୋ ଥ୍ରୋପୁଟ୍ ପୁନର୍ବାର ବୃଦ୍ଧି ପାଇଛି । ଦ୍ୱିତୀୟ ତ୍ରୈମାସିକରେ କମ୍ପାନୀର ଏକତ୍ରିକ ଲାଭରେ ୩୧.୫୭ ପ୍ରତିଶତ ବୃଦ୍ଧି ଘଟି ୧,୩୯୩.୬୯ କୋଟି ଟଙ୍କା ରିପୋର୍ଟ କରାଯାଇଛି । କୃଷ୍ଣପାଟନମ୍ ବନ୍ଦରକୁ ଛାଡି ସମସ୍ତ ବନ୍ଦରଗୁଡିକ ୨୨ଏମଏମଟି କାର୍ଗୋ ଭଲ୍ୟୁମ୍ ପରିଚାଳନା କରିଥିଲେ, ଯାହାକି ବର୍ଷକୁ ୨୧ପ୍ରତିଶତ ଅଭିବୃଦ୍ଧି ଅଟେ । ଆଦାନୀ ପୋର୍ଟ ଓ ସ୍ପେଶାଲ ଇକୋନୋମିକ୍ ଜୋନ୍ ଲିମିଟେଡ୍‌ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ତଥା ପୂର୍ଣ୍ଣକାଳୀନ ନିର୍ଦ୍ଦେଶକ ଶ୍ରୀ କରଣ ଆଦାନୀ କହିଛନ୍ତି, ଆଦାନୀ ପୋର୍ଟ ଓ ସ୍ପେଶାଲ ଇକୋନୋମିକ୍ ଜୋନ୍ ଭାରତରେ ଏହାର ବଜାର ଅଂଶକୁ ସାମଗ୍ରିକ କୋର୍ଗୋ କ୍ଷେତ୍ରରେ ୨୪ପ୍ରତିଶତକୁ ବୃଦ୍ଧି କରି ଏହାର ସମ୍ପତ୍ତିର ପୋର୍ଟଫୋଲିଓର ଉପଯୋଗିତା ପ୍ରମାଣ କରିଛି । ପର୍ଯ୍ୟାୟକ୍ରମେ ଅର୍ଥନୀତି ପୁନଃଖୋଲିବା ସହ କମ୍ପାନୀ ୩୬ ପ୍ରତିଶତ କାର୍ଗୋ ଭଲ୍ୟୁମ ବୃଦ୍ଧି ସହ ଅଭିବୃଦ୍ଧି ପଥକୁ ଫେରିଛି । କାର୍ଯ୍ୟଦକ୍ଷତା ଉପରେ କ୍ରମାଗତ ଧ୍ୟାନ ହେତୁ ଇବିଆଇଟିଡିଏ ୭୧ ପ୍ରତିଶତକୁ ବୃଦ୍ଧି ହୋଇଛି । ୨୦୨୫ ଆର୍ଥିକ ବର୍ଷ ବେଳକୁ କମ୍ପାନୀ ୫୦୦ ଏମଏମଟି କାର୍ଗୋ ଥ୍ରୋପୁଟ୍ ହାସଲ କରିବା ସ୍ଥିତିରେ ରହିଛି । ଆମର ସମସ୍ତ ପୋର୍ଟଗୁଡିକର ମାଗଣା ନଗଦ ଉତ୍ପାଦନ ଏବଂ ନିଯୁକ୍ତି ପୁଞ୍ଜି ଉପରେ ଫେରସ୍ତକୁ ୧୬ ପ୍ରତିଶତରୁ ଅଧିକ କରିବା ଉପରେ ଧ୍ୟାନ ଦିଆଯାଉଛି । ୨୦୨୧ ଆର୍ଥିକ ବର୍ଷ ଶେଷକୁ ଆମର କାର୍ଗୋ ଭଲ୍ୟୁମ୍ ୨୪୫ରୁ ୨୫୦ଏମଏମଟି ହେବ ବୋଲି ଆଶା କରାଯାଉଛି ।