ଆଇଡିଆଲ ୟୁଥକ୍ଲବ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ, ଆଖୁଆପଦା ଚାମ୍ପିଅନ

ଭଦ୍ରକ, ୩ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକର ରଘୁନାଥପୁର କ୍ରିକେଟ ପଡିଆରେ ଅନୁଷ୍ଠିତ ଆଇଡିଆଲ ୟୁଥକ୍ଲବ କ୍ରିକେଟ ଟୁର୍ଣ୍ଣାମେଣ୍ଟ ରବିବାର ଉଦଯାପିତ ହୋଇଯାଇଛି । ଯାଜପୁର ଲାଲବାଗ ଆଇଡିଆଲ ୟୁଥ କ୍ଲବ କ୍ରିକେଟ କ୍ଲବ ଦ୍ୱାରା ଆୟୋଜିତ ୨୦-୨୦ ଟୁର୍ଣ୍ଣାମେଣ୍ଟରେ ମୋଟ ୮ଟି ଦଳ ଅଂଶଗ୍ରହଣ କରିଥିଲେ । କଲ୍ୟାଣପୁର କ୍ରିକେଟ ଦଳ ସହ ଆଖୁଆପଦା କ୍ରିକେଟ ଦଳର ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା । କଲ୍ୟାଣପୁର କ୍ରିକେଟ ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ସମସ୍ତ ଉଇକେଟ ହରାଇ ୧୮୪ ରନ ସ୍କୋର କରିଥିଲା । ଜବାବରେ ଆଖୁଆପଦା ଦଳ ୪ ଉଇକେଟ ହରାଇ ୨୦ ଔଭରରେ ୧୮୫ ରନ କରି ଚାମ୍ପିଅନ ହୋଇଥିଲା । ଖେଳ ଶେଷରେ ଅବସରପ୍ରାପ୍ତ ପ୍ରଶାସକ ରମେଶ ଚନ୍ଦ୍ର ରାଉତ ମୁଖ୍ୟଅତିଥି, ଯୁବନେତା ସତ୍ୟପ୍ରକାଶ ଦାସ, ସଞ୍ଜିବ ପରିଡା, ପୂର୍ବତନ ସମିତି ସଭ୍ୟ ରମଣୀରଞ୍ଜନ ରାଉତରାୟ, ପୂର୍ବତନ ଜିଲ୍ଲା ପରିଷଦ ସଦସ୍ୟ ଗଗନ ସେଠୀ ସମ୍ମାନିତ ଅତିଥି ଭାବେ ଯୋଗଦେଇ, ଚାମ୍ପିଅନ, ରନରସପ ଦଳ ସମେତ କୃତୀ ଖେଳାଳୀଙ୍କୁ ଟ୍ରଫି ଓ ପୁରସ୍କାର ପ୍ରଦାନ କରିଥିଲେ । ଆଇଡିଆଲ ୟୁଥ କ୍ଲବ ପରିଚାଳନ ତୁଷାରକାନ୍ତ ରାଉତରାୟ, ସମ୍ପାଦକ ଧର୍ମେନ୍ଦ୍ର ରାଉତରାୟ, ସୌମ୍ୟରଞ୍ଜନ, ଅନନ୍ତ, ଜୟଜବାନ, ଦିବାକର, ତାପସ, ଦିବେଶ, ସାଈସୁମନ, ତନ୍ମୟ, ସନାତନ, ବୃନ୍ଦାବନ, ରଜତ, ପର୍ଶୁରାମ, ବିଶ୍ୱଜିତ ପ୍ରମୁଖ ଟୁର୍ଣ୍ଣାମେଣ୍ଟପରିଚାଳନା କରିଥିଲେ ।