ଅଭିଜିତ୍ ଭଦ୍ରକ ରୋଟାରୀ କ୍ଲବର ସଭାପତି ନିର୍ବାଚିତ

ଭଦ୍ରକ, ୧୫ା୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ସୁପରିଚିତ ଯୁବ ସଂଗଠକ ଅଭିଜିତ୍ ନାୟକ ୨୦୨୨-୨୩ ବର୍ଷ ନିମନ୍ତେ ଐତିହ୍ୟ ସଂପନ୍ନ ଭଦ୍ରକ ରୋଟାରୀ କ୍ଲବର ସଭାପତି ଭାବେ ବିନା ପ୍ରତିଦ୍ୱନ୍ଦିତାରେ ନିର୍ବାଚିତ ହୋଇଥିବାରୁ କ୍ଳବ ସଦସ୍ୟଙ୍କ ମଧ୍ୟରେ ଆନନ୍ଦ ପ୍ରକାଶ ପାଇଛି । ରୋଟାରୀ ଭବନ ଠାରେ ଆୟୋଜିତ ଏକ ସଭାରେ କ୍ଳବର ନିର୍ବାଚନ ଅଧିକାରୀ ଇଂ. ଅମ୍ବିକାବଲ୍ଲଭ ସ୍ୱାଇଁ ଶ୍ରୀ ନାୟକଙ୍କୁ ନିର୍ବାଚିତ ସଭାପତି ଓ ରୋ. ମାଙ୍ଗିଲାଲ ବଳଦେବାଙ୍କୁ ନିର୍ବାଚିତ ସଂପାଦକ ଭାବେ ଘୋଷଣା କରିଥିଲେ । ତାଙ୍କର ଏହି ସାଫଲ୍ୟ ପାଇଁ ବର୍ତମାନର ସଭାପତି ରୋ.ଇନ୍ଦ୍ରଜିତ ସାହୁ, ରୋ.ବସନ୍ତ ପାଣିଗ୍ରାହୀ, ସାହିତ୍ୟିକ ପବିତ୍ର ପାଣିଗ୍ରାହୀ, ରୋ. ଅତିଶ କୁମାର ବେହେରା, ରୋ. ପ୍ରମୋଦ ଜେନା, ରୋ. ବିଚିତ୍ରାନନ୍ଦ ଦାସ, ଅଧ୍ୟାପକ ନାସିର ବକ୍ସ, ରୋ.ସୀତାକାନ୍ତ ଦାସ, ରୋ. ଶିଶିର ମିଶ୍ର, ରୋ.ସନ୍ତୋଷ କୁମାର ନାୟକ ପ୍ରମୁଖ ତାଙ୍କୁ ଅଭିନନ୍ଦନ ଜଣାଇଛନ୍ତି । ଏକ ବିବୃତିରେ ଶ୍ରୀ ନାୟକ ଭଦ୍ରକ ରୋଟାରୀ କ୍ଲବର ସମସ୍ତ ସଦସ୍ୟଙ୍କୁ କୃତଜ୍ଞତା ଜଣାଇବା ସହ ସମାଜସେବା ଓ ସାମାଜିକ ସୌହାର୍ଦ୍ଦ୍ୟ ବୃଦ୍ଧି ଦିଗରେ ରୋଟାରୀର ପ୍ରତିବଦ୍ଧତା ଅବ୍ୟାହତ ରହିବ ବୋଲି କହିଛନ୍ତି । ପ୍ରକାଶ ଥାଉକି, ରୋ. ଅଭିଜିତ୍ ସାଳନ୍ଦୀ ବହିମେଳାର ସଂପାଦକ,ଫକୀରମୋହନ ଜୟନ୍ତୀ କମିଟିର ଆବାହକ ତଥା “ସାଳନ୍ଦୀକା” ଓ ରମାକାନ୍ତ ରଥଙ୍କ ଶ୍ରେଷ୍ଠ କବିତାର ଅନ୍ୟତମ ସଂପାଦକ ଭାବେ ଭଦ୍ରକର ବୁଦ୍ଧିଜୀବୀ ମହଲରେ ସୁପରିଚିତ ।