ଅବୈଧ ଗଞ୍ଜେଇ ଚାଲାଣ ବିରୋଧରେ ପୁରୁଣାବଜାର ପୋଲିସର କଡ଼ା କାର୍ଯ୍ୟାନୁଷ୍ଠାନ,୭ କିଲୋ ୪୮୫ ଗ୍ରାମ ଗଞ୍ଜେଇ ଜବତ, ମୋଟରସାଇକେଲ ଜବତ

ଭଦ୍ରକ, ୧୧ା୯ (ଓଡ଼ିଆ ପୁଅ / ସ୍ନିଗ୍ଧା ରାୟ) -ଅବୈଧ ଗଞ୍ଜେଇ ଚାଲାଣ ଓ କାରବାର ବିରୋଧରେ ଭଦ୍ରକ ପୁରୁଣାବଜାର ପୋଲିସ ପକ୍ଷରୁ ଚାଲିଥିବା ଅଭିଯାନରେ ଆଉ ଏକ ସଫଳତା ମିଳିଛି। ଏକ ମାମଲାରେ ପୋଲିସ ୭ କିଲୋ ୪୮୫ ଗ୍ରାମ ଗଞ୍ଜେଇ ସହ ଗୋଟିଏ ମୋଟରସାଇକେଲ ଜବତ କରିଛି। ଏହି ଘଟଣାକୁ ନେଇ ପୁରୁଣାବଜାର ଥାନାରେ ମାମଲା ରୁଜୁ କରାଯାଇ ଆଇନଗତ ପ୍ରକ୍ରିୟା ଆଗକୁ ବଢ଼ାଯାଇଛି। ସୂଚନା ଅନୁଯାୟୀ, ଭଦ୍ରକ ପୁରୁଣାବଜାର ପୋଲିସ ପକ୍ଷରୁ ଅବୈଧ ଗଞ୍ଜେଇ ଚାଲାଣ ଉପରେ ରୋକ ଲଗାଇବା ପାଇଁ ନିୟମିତ ଭାବେ ଯାଂଚ ଓ ଚଢ଼ାଉ ଜାରି ରହିଛି। ଏହି ଅଭିଯାନ ସମୟରେ ଗଞ୍ଜେଇ ଚାଲାଣ ସମ୍ପର୍କରେ ସୂଚନା ମିଳିବା ପରେ ପୋଲିସ ପକ୍ଷରୁ ଯାଂଚ କରାଯାଇଥିଲା। ଯାଂଚ ବେଳେ ୭ କିଲୋ ୪୮୫ ଗ୍ରାମ ଓଜନର ଗଞ୍ଜେଇ ଠାବ ହୋଇଥିଲା। ପୋଲିସ ଗଞ୍ଜେଇକୁ ଜବତ କରିବା ସହ ଏହାର ଚାଲାଣରେ ବ୍ୟବହୃତ ହୋଇଥିବା ଗୋଟିଏ ମୋଟରସାଇକେଲକୁ ମଧ୍ୟ ଜବତ କରିଛି। ଜବତ ଗଞ୍ଜେଇର ମୋଟ ଓଜନ ୭ କିଲୋ ୪୮୫ ଗ୍ରାମ ବୋଲି ପୋଲିସ ପକ୍ଷରୁ ସୂଚନା ମିଳିଛି। ଏହି ଘଟଣା ସମ୍ପର୍କରେ ପୁରୁଣାବଜାର ଥାନା ମାମଲା ନମ୍ବର ୨୩୪/୨୦୨୬ ରୁଜୁ ହୋଇଛି। ମାମଲାଟି ଏନଡିପିଏସ୍ ଆଇନର ଧାରା ୨୦(ବି)(ସସ)(ବି)/୨୯ ଅନୁଯାୟୀ ରୁଜୁ କରାଯାଇଥିବା ଜଣାପଡ଼ିଛି। ଅବୈଧ ନିଶାଦ୍ରବ୍ୟ ଚାଲାଣ ଓ କାରବାରକୁ ରୋକିବା ପାଇଁ ପୋଲିସ ପକ୍ଷରୁ ଏଭଳି ଯାଂଚ ଓ ଅଭିଯାନକୁ ଆହୁରି ଜୋରଦାର କରାଯିବ ବୋଲି ଜଣାପଡ଼ିଛି। ବିଶେଷକରି ଗଞ୍ଜେଇ ଚାଲାଣରେ ସମ୍ପୃକ୍ତ ବ୍ୟକ୍ତି, ଚାଲାଣର ଉତ୍ସ ଓ ଏହା ପଛରେ ଥିବା ନେଟୱର୍କ ସମ୍ପର୍କରେ ପୋଲିସ ତଦନ୍ତ ଜାରି ରଖିଛି। ଜବତ ଗଞ୍ଜେଇ ଓ ମୋଟରସାଇକେଲ ସମ୍ପର୍କରେ ଆବଶ୍ୟକ ଆଇନଗତ ପ୍ରକ୍ରିୟା ଚାଲିଥିବା ବେଳେ ଘଟଣାରେ ଆଉ କେହି ସମ୍ପୃକ୍ତ ଅଛନ୍ତି କି ନାହିଁ, ସେନେଇ ମଧ୍ୟ ତଦନ୍ତ କରାଯାଉଛି। ଅବୈଧ ଗଞ୍ଜେଇ ଚାଲାଣ ବିରୋଧରେ ପୁରୁଣାବଜାର ପୋଲିସର ଏହି କାର୍ଯ୍ୟାନୁଷ୍ଠାନକୁ ନେଇ ଅଂଚଳରେ ଚର୍ଚ୍ଚା ଜୋର ଧରିଛି। ଆଗାମୀ ଦିନରେ ମଧ୍ୟ ନିଶା କାରବାର ବିରୋଧରେ କଡ଼ା ଅଭିଯାନ ଜାରି ରହିବ ବୋଲି ପୋଲିସ ପକ୍ଷରୁ କୁହାଯାଇଛି।