ଅଫୁଟା ବାଣ ସଂସ୍ପର୍ଶରେ ଆସି ୨ଭଉଣୀ ଗୁରୁତର

ଭଦ୍ରକ, ୧୦ା୫ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲ୍ଲା ତିହିଡି଼ ଥାନା କାଁପଡ଼ା ପଂଚାୟତ ଅଧୀନ ଦପା ଗ୍ରାମରେ ରବିବାର ଅଫୁଟା ବାଣ ସଂସ୍ପର୍ଶରେ ଆସି ୨ଭଉଣୀ ଗୁରୁତର ଆହତ ହୋଇଛନ୍ତି । ସେମାନେ ହେଉଛନ୍ତି ଫକୀର ଦାସଙ୍କ ଝିଅ ଲଷ୍ମୀ (୮) ଏବଂ ସଖୀ (୫) । ଜଣାଯାଇଛି ଯେ, ଶନିବାର ରାତିରେ ଗ୍ରାମରେ ଏକ ବିବାହ ଶୋଭାଯାତ୍ରାରେ ରୋଷଣୀ ଜଳାଯିବା ସହିତ ବାଣ ଫୁଟା ଯାଇଥିଲା । ତେବେ ବାଣ ଭିତରୁ କିଛି ଅଫୁଟା ରହି ଯାଇଥିଲା । ଲଷ୍ମୀ ଓ ସଖୀ ସେହି ବାଣରେ ନିଆଁ ଲଗାଇ ଫୁଟାଉ ଥିବାବେଳେ ହଠାତ ନିଆଁ ଉଠି ୨ଭଉଣୀଙ୍କ ମୁହଁ ଜଳି ଯାଇଥିଲା । ଯାହାଫଳରେ ସେମାନେ ଗୁରୁତର ହେବାରୁ ୨ଭଉଣୀଙ୍କୁ ଚିକିତ୍ସା ନିମନ୍ତେ ତିହିଡି଼ ଡାକ୍ତରଖାନାରେ ଭର୍ତି କରାଯାଇଥିଲା । ସେଠାରୁ ତାଙ୍କୁ ଭଦ୍ରକ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିବା ଜଣାଯାଇଛି ।