ଟିଟିଲାଗଡ଼ ୨୯-୧୦ (ଓଡ଼ିଆ ପୁଅ/ସନ୍ତୋଷ ନାୟକ) ଟିଟିଲାଗଡ଼ ସବଡିଭିଜନ ଅନ୍ତର୍ଗତ ଗଂଜିଆ ପଡ଼ା ଗ୍ରାମର ଦୁଇ ଜଣ ଯୁବକ ନିଜ ଘରକୁ ଫେରିବା ବାଟରେ ଏକ ଅଜଣା ଗାଡି ଧକ୍କାରେ ଗୁରୁତର ଆହତ ହୋଇଛନ୍ତି। ପ୍ରକାଶଯେ, ଚାନ୍ଦୁତରାରୁ ଭବାନୀପାଟଣା ଜାତୀୟ ରାଜପଥ ରେ ମେଘନାଦ ଭୋଇ(୩୨) ଓ ସାନ ସିଂ ଭୋଇ(୩୫) ସିଂଧେକେଲାରେ ନିଜ କାମ ସାରି ନିଜ ଗ୍ରାମକୁ ଫେରିବା ବାଟରେ ଭୁର୍ଷାଗୁଡା ଗ୍ରାମ ନିକଟରେ ସମ୍ନାପଟୁ ଦ୍ରୁତ ଗତିରେ ଆସୁଥିବା ଏକ ବୁଲେରୋ ଗାଡି ଧକ୍କା ଦେଇଥିଲା। ତେବେ ଉକ୍ତ ଗାଡି ଫେରାର ହୋଇଯାଇଥିବା ବେଳେ ସ୍ଥାନୀୟ ଲୋକମାନେ ଆମ୍ବୁଲେନ୍ସ ଯୋଗେ ଟିଟିଲାଗଡକୁ ଗୁରୁତର ଅବସ୍ଥାରେ ପଠେଇଥିଲେ। ଉକ୍ତ ଦୁଇ ଜଣଙ୍କ ଅବସ୍ଥା ସଙ୍କଟାପନ୍ନ ଥିବାରୁ ପ୍ରାରମ୍ଭିକ ଚିକିତ୍ସା କରି ବଲାଙ୍ଗୀର ମେଡିକାଲ କଲେଜ ଡାକ୍ତର ଖାନାକୁ ସ୍ଥାନାନ୍ତର କରାଯାଇଛି।
