ଅଗ୍ନି ବିପନ୍ନଙ୍କୁ ସହାୟତା ଦାବୀ କଲା ବ୍ଲକ କଂଗ୍ରେସ

ଭଦ୍ରକ, ୫ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ବାଂଶଡା ଥାନା ଅଧିନସ୍ଥ ଜଳଧରପୁର ଗ୍ରାମରେ ବିଦ୍ୟୁତ ସର୍ଟ ସର୍କିଟରୁ ଅଗ୍ନିକାଣ୍ଡ ଘଟି ଜଗନ୍ନାଥ ନାୟକଙ୍କ ଘର ସଂପୂର୍ଣ ପୋଡି ନଷ୍ଟ ହୋଇଯାଇଥିଲା । ଆଜି ଅଗ୍ନି ବିପନ୍ନ ଙ୍କ ଘରେ ଚାନ୍ଦବାଲି କଂଗ୍ରେସ ର ଏକ ଟିମ ପହଂଚି ଆର୍ଥିକ ସହାୟତା ରାଶି ପ୍ରଦାନ କରିଥିଲେ । ଏଥିସହ ଆଗାମୀ ଦିନରେ ସଂପୃକ୍ତ ବ୍ୟକ୍ତି ବିଶେଷଙ୍କୁ ଏକ ପ୍ରଧାନମନ୍ତ୍ରୀ ଆଓାସରେ ଏକ ଘର ଯୋଗାଇ ଦେବାକୁ ଚାନ୍ଦବାଲି ନିର୍ବାଚନ ମଣ୍ଡଳୀ ନେତା ଦିଗମ୍ବର ଦାସ ,ସତ୍ୟାନନ୍ଦ ରାଉତ ଏବଂ ମନୋଜ ବିଶ୍ୱାଳ ପ୍ରମୁଖ ଦାବୀ ଜଣାଇବା ସହ ଭଦ୍ରକ ଜିଲ୍ଲାପାଳଙ୍କ ନିକଟରେ ମଧ୍ୟ ଦାବୀ ରଖିଛନ୍ତି । ଆଜିର ଏହି ଟିମରେ ଚାନ୍ଦବାଲି ବ୍ଲକ କଂଗ୍ରେସ ସଭାପତି ବୈଲୋଚନ ପଣ୍ଡା, ରମେଶ ନାୟକ,ଟିକିନା ନାୟକ, ମନୋଜ ବିଶ୍ୱାଳ, ସତ୍ୟାନନ୍ଦ ରାଉତ ଏବଂ ଦିଗମ୍ବର ଦାସ ପ୍ରମୁଖ ସାମିଲ ଥିବା ବେଳେ ଆଗାମୀ ଦିନରେ ସଂପୃକ୍ତ ଜଗନ୍ନାଥ ନାୟକଙ୍କୁ ସହାୟତା ପାଇଁ ଭଦ୍ରକ ଜିଲ୍ଲାପାଳଙ୍କ ଉଦ୍ୱେଶରେ ଏକ ଦାବୀପତ୍ର ମଧ୍ୟ ପ୍ରଦାନ କରିଛନ୍ତି ।