ଅଗ୍ନିଶମ ବିଭାଗ ଦ୍ୱାରା ଶୁଖିଲା ଖାଦ୍ୟ ସାମଗ୍ରୀ ପଠାଗଲା

ହାଟଡିହି -୨୮ । ୮ :(ଓଡିଆପୁଅ) ଚଳିତ ବନ୍ୟାରେ ହାଟଡିହି ବ୍ଲକର ୮ଟି ପଞ୍ଚାୟତର ୪୦ରୁ ଉର୍ଦ୍ଧ ଗ୍ରାମ ପାଣି ଘେରରେ ଥିବାବେଳେ ଏଠାକୁ ଓଡ୍ରାଫ୍ଟ ଟିମ ଆସିନଥିବାରୁ ଅଗ୍ନିଶମ ବିଭାଗ ଦ୍ୱାରା ଅଧିକାଶଂ ଗ୍ରାମକୁ ଶୁଖିଲାଖାଦ୍ୟ ଯୋଗାଣ କରାଯାଇଛି । ଗତକାଲି ରାଘବପୁର, ଆମ୍ବୋ, କରଗୋଳା, ନୁଆଗାଁ, ହାବଳେଶ୍ୱର ଆଦି ଗ୍ରାମକୁ ଚୁଡା, ଗୁଡ, ବିସ୍କୁଟ, ମହମବତୀ ଆଦି ଯୋଗାଇ ଦିଆଯାଇଥବବାବେଳେ ଆଜି ସମଣା ପଞ୍ଚାୟତର ସମଣା, କଦମ୍ବଡିହି, ଚାପୁଣ୍ଡିଆ, ଗୋବିନ୍ଦପୁର, ଆଗିରିଆ ପ୍ରଭୃତି ଗ୍ରାମକୁ ଶୁଖିଲା ଖାଦ୍ୟ ଯୋଗାଇ ଦିଆଯାଇଛି । ହାଟଡିହି ଦମକଳ କେନ୍ଦ୍ରର ଷ୍ଟେନ ଅଫିସର ସୁର୍ଯ୍ୟମଣି ନାୟକଙ୍କ ନେତୃତ୍ୱରେ କର୍ମଚାରୀ ମାନେ ଦୁଇଦିନ ହେଲା ଉଦ୍ଧାର କାର୍ଯ୍ୟ ସହିତ ଲୋକଙ୍କ ପାଖରେ ରିଲିଫ ସାମଗ୍ରୀ ପହଞ୍ଚାଇ ଚାଲିଛନ୍ତି ।