ଅଗ୍ନିକାଣ୍ଡରେ ମା’ ପୁଅ ଗୁରୁତର, ୪ଗୋରୁ ଆହତ

ଭଦ୍ରକ, ୮ା୯ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଧାମନଗର ବ୍ଲକ ଅନ୍ତର୍ଗତ ଦଳାଙ୍ଗ ପଂଚାୟତର ରାମେଶ୍ୱରପୁର ଗ୍ରାମର ଗତକାଲି ବଳମ୍ବିତ ରାତ୍ରୀରେ ଏକ ଗୁହାଳଘରେ ଅଗ୍ନିକାଣ୍ଡ ଘଟି ମା’ ପୁଅ ଗୁରୁତର ହେବା ସହ ୪ଗୋରୁ ମଧ୍ୟ ଆହତ ହୋଇଛନ୍ତି । ଘଟଣାରୁ ପ୍ରକାଶଯେ ରାମେଶ୍ୱରପୁର ଗ୍ରାମର ପୁରସ୍ତମ ସାହୁଙ୍କ ଗୁହାଳ ଘରେ ଗତକାଲି ରାତିରେ ନିଆଁଲାଗିଯାଇଥିଲା । ଏହି ଗୁହାଳଘରେ ନିଆଁ ଲାଗିବା ଦ୍ୱାରା ପୁରସ୍ତମଙ୍କ ସ୍ତ୍ରୀ ମନୋରମା ସାହୁ ଗୋରୁଙ୍କୁ ଉଦ୍ଧାର କରିବାକୁ ଯାଇ ସେ ଗୁରୁତର ଆହତ ହୋଇଥିଲେ । ପରେ ମନୋରମାଙ୍କ ପୁଅ ହୃଦାନନ୍ଦ ମଧ୍ୟ ଏହି ନିଆଁରେ ଗୁରୁତର ଆହତ ହୋଇଥିଲେ । ଖବରପାଇ ଧାମନଗର ଦମକଳକେନ୍ଦ୍ର କର୍ମଚାରୀ ଓ ପୋଲିସ ଘଟଣାସ୍ଥଳରେ ପହଂଚିଥିଲେ । ଆହତ ମା’ ପୁଅଙ୍କୁ ଧାମନଗର ଡ଼ାକ୍ତରଖାନାକୁ ନିଆଯାଇଥିଲା ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଭଦ୍ରକ ପରେ କଟକ ବଡ଼ ଡ଼ାକ୍ତରଖାନାକୁ ପଠାଯାଇଥିଲା । ଏହି ଅଗ୍ନିକାଣ୍ଡରେ ୪ଟି ଗୋରୁ ମଧ୍ୟ ଆହତ ହୋଇଛନ୍ତି । ତେବେ ଗୁହାଳେ ଧୂଆଁ ଦିଆଯାଇଥିବାରୁ ଏପରି ଅଗ୍ନିକାଣ୍ଡ ଘଟିଛିବୋଲି ପରିବାର ପକ୍ଷରୁ କୁହାଯାଇଛି ।