Home ଜିଲ୍ଲା ପରିକ୍ରମା ୨୮ଡେସିମିଲ ପୁରୁଣା ପୋଖରୀର ପଙ୍କ ଉଦ୍ଧାର ପାଇଁ ଅଟକଳ ୯ଲକ୍ଷ ଟଙ୍କା, ମନରେଗା ଅର୍ଥ ଲୁଟପାଟ...

୨୮ଡେସିମିଲ ପୁରୁଣା ପୋଖରୀର ପଙ୍କ ଉଦ୍ଧାର ପାଇଁ ଅଟକଳ ୯ଲକ୍ଷ ଟଙ୍କା, ମନରେଗା ଅର୍ଥ ଲୁଟପାଟ ଅଭିଯୋଗ

244

ଭଦ୍ରକ, ୧୦ା୬ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଣ୍ଡାରିପୋଖରୀ ବ୍ଲକ ରାଜେନ୍ଦ୍ରପୁର ପଞ୍ଚାୟତ ଅନ୍ତର୍ଗତ ଦେଓପଦା ଗ୍ରାମର ‘ମୋରଡା ମଝିସାହି ପୋଖରୀ’ ମାତ୍ର ୪୪ଡେସିମିଲ ପରିମିତ ଜମି ଉପରେ ଅବସ୍ଥିତ । ବହୁ ପୁରୁଣା ଏହି ପୋଖରୀ ନିଜସ୍ୱ ଜମିରୁ ପ୍ରାୟ ଆଠ ଡେସିମିଲ ଜବରଦଖଲରେ ରହିଛି । ଆଡିକୁ ବାଦ ଦେଲେ ପୋଖରୀର ଜଳ ମାତ୍ର ୨୮ ଡେସିମିଲ ଜମିରେ ରହିଛି । ଏହି ପଞ୍ଚାୟତ ପୋଖରୀର ପଙ୍କ ଉଦ୍ଧାର ପାଇଁ ୨୦୨୦-୨୧ ଆର୍ଥୀକ ବର୍ଷରେ ମହାତ୍ମାଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାରେ ନଅଲକ୍ଷ ଟଙ୍କାର ପ୍ରକଳ୍ପ ପ୍ରସ୍ତୁତ କରାଯାଇଛି । ପ୍ରକଳ୍ପର ମାଟି କାମ ପାଇଁ ବ୍ୟୟବରାଦ ହୋଇଛି ୮,୬୨,୯୫୨.୪୮ଟଙ୍କା । ଇତିମଧ୍ୟରେ ପ୍ରକଳ୍ପ କାର୍ଯ୍ୟ ଆଗ୍ରଗତି ହୋଇ ଶ୍ରମିକଙ୍କୁ ମଷ୍ଟର ରୋଲ ମାଧ୍ୟମରେ ପୈଠ ହୋଇଛି ୫,୫୬,୭୭୧.୨୪ଟଙ୍କା । ପୁନଶ୍ଚ ସତୁରୀ ଜଣ ଶ୍ରମିକଙ୍କ ପାଇଁ ମଷ୍ଟର ରୋଲ ପ୍ରସ୍ତୁତ କରାଯାଇ ଅବଶିଷ୍ଟ ଅର୍ଥ ଉଠାଣ ପାଇଁ କାଗଜପତ୍ର ପ୍ରସ୍ତୁତ କରାଯାଇଛି । ଏଭଳି ବ୍ୟବବହୁଳ କାର୍ଯ୍ୟର ବାସ୍ତବତାକୁ ପ୍ରଶ୍ନ କରିଛନ୍ତି ଗ୍ରାମବାସୀ । ଏ ସମ୍ପର୍କରେ ବିଡିଓ, ଜିଲ୍ଲାପାଳ ଓ ଜିଲ୍ଲା ପ୍ରକଳ୍ପ ନିର୍ଦ୍ଦେଶକଙ୍କ ନିକଟରେ ଅଭିଯୋଗ କରାଯାଇଛି । ମାତ୍ର ଦଶ, ବାର ଜଣ ଶ୍ରମିକ କୋଡିଏ ଦିନ କାର୍ଯ୍ୟ କରିଛନ୍ତି । କନିଷ୍ଠ ଯନ୍ତ୍ରୀ କାର୍ଯ୍ୟକ୍ଷେତ୍ରକୁ ନଆସି ବିଲ ଉଠାଣ କରିଛନ୍ତି ବୋଲି ତରଣୀସେନ ପଣ୍ଡା, ଭାସ୍କର ଖଣ୍ଡାଇ, ନାରାୟଣ ଚନ୍ଦ୍ର ପଣ୍ଡା, ଦୁର୍ଯ୍ୟୋଧନ ବାରିକ, ବିଦ୍ୟାଧର ଖଣ୍ଡାଇ, ଶାନ୍ତିଲତା ଖଣ୍ଡାଇ ପ୍ରମୁଖ ଶତାଧିକ ଗ୍ରାମବାସୀ ଅଭିଯୋଗରେ ଦର୍ଶାଇ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଏହି ପୋଖରୀ ମଧ୍ୟରେ ଜନୈକ ବ୍ୟକ୍ତିର ନିଜସ୍ୱ ଗମି ରହିଥିବା ନେଇ ଅଭିଯୋଗ ହେବା ପରେ ମାପଚୁପ କରାଯାଇ କେବଳ ପୋଖରୀ ପାଇଁ ନୂତନ ଭାବେ ଆଡି ନିର୍ମାଣ କରାଯାଇଛି । ପୋଖରୀର ଜଳ ୧୪୫ ମିଟର ଲମ୍ବ ଓ ପ୍ରସ୍ଥ ୮୫ ମିଟର ରହିଛି । କାର୍ଯ୍ୟ ଅନୁଯାୟୀ ବିଲ ପୈଠ ହୋଇଛି । ଅତିରିକ୍ତ ବିଲ୍ ପୈଠ ହେବ ।ହିଁ ବୋଳି ସଂପୃକ୍ତ କନିଷ୍ଠ ଯନ୍ତ୍ରୀ ସଫେଇ ଦେଇଛନ୍ତି । ଏ ସମ୍ପର୍କରେ ଅନୁଧ୍ୟାନ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବିଡିଓ କହିଛନ୍ତି ।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.