ଭଦ୍ରକ, ୨୨ା୯ (ଓଡ଼ିଆ ପୁଅ / ସ୍ନିଗ୍ଧା ରାୟ) – କରୋନା କାଳରେ ବଦଳିଯାଇଛି ଜୀବନର ପରିଭାଷା । ଭାଇରସ ଭୟରେ ସମସ୍ତେ ରୁନ୍ଧି ହୋଇଗଲେଣି । ସବୁ ସ୍ଥାନରେ ଏବେ ମଣିଷଙ୍କ ବ୍ୟତୀତ କୋଭିଡ୍ ଟୀକା ନିଜର ଉପସ୍ଥିତ ଜାହିର କରୁଛି । କାରଣ ଏହା ମହାମାରୀ କାଳରେ ଜୀବନ ରକ୍ଷା କରିବା ପାଇଁ ଏହା କେବଳ ମାତ୍ର ପ୍ରତିଷେଧକ । ହେଲେ ଏହାର ସଂରକ୍ଷଣ ପାଇଁ ଉଦ୍ଦିଷ୍ଟ ତାପମାତ୍ରା ବିଭିନ୍ନ ଅପଞ୍ଚ ସ୍ଥାନରେ ପ୍ରତିବନ୍ଧକ ସୃଷ୍ଟି କରୁଛି । ହେଲେ ଏହି ସମସ୍ୟାର ସମାଧାନ ହୋଇପାରିବ । କମ୍ ଟଙ୍କାରେ ସ୍ମଲେସଟ ଫଙ୍କସନାଲ ରେଫ୍ରିଜେଟର ତିଆରି କରି ଏବେ ଚର୍ଚ୍ଚାରେ ଭଦ୍ରକ ଜିଲାର ଓଡ଼ିଆ ପୁଅ କମଳ କିଶୋର ମାଝୀ । ଭଦ୍ରକ ସହରାଞ୍ଚଳ ଅନ୍ତର୍ଗତ ଜଗନ୍ନାଥପୁର ଅଂଚଳର କୃଷ୍ଣଚନ୍ଦ୍ର ମାଝୀ ଓ କୁନ୍ତଳା ମାଝୀଙ୍କ ବଡପୁଅ କମଳ କିଶୋର ମାଝୀ । ବର୍ତ୍ତମାନ ସେ ବିଟେକ୍ ଦ୍ୱିତୀୟ ବର୍ଷର ଛାତ୍ର । ତେବେ ସଂପ୍ରତି କରୋନା କାଳରେ ଜୀବନ ରକ୍ଷା ପାଇଁ ଜାରି ରହିଥିବା ଟୀକାକରଣରେ ମୁଖ୍ୟ ସମସ୍ୟା ଏହାର ସଂରକ୍ଷଣ । ଏହାକୁ ଦୃଷ୍ଟିରେ ରଖି କମଳ ଆରମ୍ଭ କରିଥିଲେ ସମାଧାନର ସୂତ୍ର । ଯାହାକି ଏବେ ସଫଳ ହୋଇଛି । ସେତିକି ନୁହେଁ, ଏଥିସହ ଯୋଗଡି ହୋଇଯାଇଛି ଭାରତର ସର୍ବ କ୍ଷୁଦ୍ର ଶୀତଳୀକରଣ ପ୍ରକ୍ରିୟାକରଣର ଉଦ୍ଭାବନ । ଏଥିପାଇଁ ଇଣ୍ଡିଆ ବୁକ୍ ଅଫ୍ ରେକର୍ଡସ୍ରେ ସ୍ଥାନିତ ହୋଇଛନ୍ତି କମଳ କିଶୋର । ମେସିନ୍ଟି ଅତ୍ୟନ୍ତ ଛୋଟ ହୋଇଥିବାରୁ ଏହା ବ୍ୟବହାର, ପରିବହନ ଓ ରକ୍ଷଣାବେକ୍ଷଣ ପାଇଁ ସହଜ । ଏହା ଅପହଞ୍ଚ ତଥା ବିଦ୍ୟୁତ୍ ଯୋଗାଣ ନଥିବା ଅଂଚଳରେ ବ୍ୟାଟେରୀ ମାଧ୍ୟମରେ ମଧ୍ୟ ଚାର୍ଜ କରି ହେବ । ଯାହାକି କୋଭିଡ୍ ଟୀକାକୁ ଉଦ୍ଦିଷ୍ଟ ତାପମାତ୍ରା ସହ ଅପହଞ୍ଚ ଅଂଚଳରେ ସଂରକ୍ଷଣ କରିବା ପାଇଁ ଏକ ଉତ୍କୃଷ୍ଟ ମାଧ୍ୟମ ହୋଇପାରିବ । ମାତ୍ର ହଜାରେରୁ ପନ୍ଦର ଶହ ଟଙ୍କାରେ ଉପଲବ୍ଧ ହୋଇପାରିବ ଏହି ସ୍ମଲେସଟ୍ ଫଙ୍କସନାଲ ରେଫ୍ରିଜେଟର । ଯାହାକୁ ପ୍ରସ୍ତୁତ କରିବା ପାଇଁ ଆଲୁମିନିୟମ୍ ସିଟ୍, ଥର୍ମେକୋଲ, ହିଟ୍ ସିଙ୍କ୍, ୧୨ ଭୋଲ୍ଟ ଏମ୍ପଲିଫାୟାର, ଥର୍ମ ଇଲେକ୍ଟ୍ରିକାଲ, ମଡ୍ୟୁଲ, ବ୍ରସଲେସ୍ କୁଲିଙ୍ଗ୍ ଫ୍ୟାନ୍, ସେଫଟି ଗ୍ରୀଲ, ସକେଟ୍, ଡବଲ ସାଇଡ୍ ଟେପ୍, ଏଲିଡି ଆଦି ଉପକରଣ ।
ଭାଇର ଏହି କାର୍ଯ୍ୟ ତାଙ୍କୁ ବେଶ୍ ପ୍ରଭାବିତ କରିଛି ଏବଂ ସେ ବେଶ୍ ଖୁସି ବୋଲି କହିଛନ୍ତି କମଲଙ୍କ ଭାଇ ଭଦ୍ରକ କେନ୍ଦ୍ରୀୟ ବିଦ୍ୟାଳୟର ନବମ ଶ୍ରେଣୀର ଛାତ୍ର କାନୁନ୍ କୁମାର ମାଝୀ । ଲକଡାଉନ୍ କାଳରେ ଜୀବନ ସଟଡାଉନ୍ । ହେଲେ ପ୍ରତିଭାମାନଙ୍କ ପାଇଁ ନେଇଆସିଛି ସୁଯୋଗର ସମ୍ଭାର । ପୁଅର ଏହି ପ୍ରୟାସରେ ବାପା ଓ ମା ମଧ୍ୟ ବେଶ୍ ଖୁସି । ବଡ ପୁଅ ବିଟେକ୍ ଦ୍ୱିତୀୟ ବର୍ଷର ଛାତ୍ର କମଲ କିଶୋର ମାଝୀ ପୂର୍ବରୁ ମିନି ଭାକ୍ୟୁମ୍ କ୍ଲିନର, ଫୁଯ୍ ସାନିଟାଇଜର ଆଦି ସାମଗ୍ରୀର ପ୍ରସ୍ତୁତ କରିଛନ୍ତି । ତେବେ ପୁଅ ଯେଉଁ ନୂଆ ନୂଆ ଡିଭାଇସ୍ ତିଆରି କରୁଛି, ତାହାର ବିଜ୍ଞାପନ ସମ୍ମତ କାରଣକୁ ନଜରରେ ରଖି କରୁଛି । ଯାହାକି ତୁଳସୀ ଦୁଇପତ୍ରରୁ ବାସିବା ପରି । ଏହି ମେସିନ୍ ମାଧ୍ୟମରେ ତ୍ୱରିତ ଏବଂ ନିରାପଦ ଭାବେ କୋଭିଡ୍ ଟୀକାକରଣ ସହ ବିଭିନ୍ନ ଆବଶ୍ୟକ କାର୍ଯ୍ୟ କ୍ଷେତ୍ରରେ ବ୍ୟବହାର କରିହେବ । କେବଳ ସରକାର ଏଥିପ୍ରତି ଗୁରୁତ୍ୱ ଦେଲେ ତାହା ସର୍ବ ଆଦୃତ ହୋଇପାରିବ ବୋଲି କମଲଙ୍କ ମା’ କହିଛନ୍ତି । ଏଥିସହ ତାଙ୍କ ସାଙ୍ଗସାଥୀ ଓ ପଡୋଶୀ ମାନେ ମଧ୍ୟ ଏନେଇ ବେଶ୍ ପ୍ରଶଂସା କରିଛନ୍ତି । କେବଳ ସରକାର ଏଥିପ୍ରତି ଗୁରୁତ୍ୱ ପ୍ରଦାନ କଲେ ତାହା ସର୍ବ ଆଦୃତ ହୋଇପାରିବ ବୋଲି କମଲଙ୍କ ପଡୋଶୀ ମଧ୍ୟ କହିଛନ୍ତି । ଘରେ ରହି ସମୟକୁ ଅପଚୟ ନକରି ଛାତ୍ର ଜଣଙ୍କର ଏହିପରି ପ୍ରୟାସ ନିଶ୍ଚିତ ଭାବେ ସ୍ୱାଗତ ଯୋଗ୍ୟ । ବିଜ୍ଞାନ ସମ୍ମତ ଏହି ମେସିନ୍କୁ ତର୍ଜମା କରି ବହୁଳ ଭାବରେ ବ୍ୟବହାର ହୋଇପାରିବ । ଏନେଇ ସରକାରୀ ସ୍ତରରେ ପ୍ରୋତ୍ସାହନ ମିଳିଲେ, ଏହିପରି ପ୍ରତିଭା ଆହୁରି ବିକଶିତ ହୁଅନ୍ତା ବୋଲି ସାଧାରଣରେ ମତପ୍ରକାଶ ପାଇଛି ।
