Home ଓଡ଼ିଶା ସେବା ଓ ଦ୍ରବ୍ୟକର ପ୍ରାପ୍ୟରେ କେନ୍ଦ୍ର ସରକାର ରାଜ୍ୟକୁ ଠକିଛି

ସେବା ଓ ଦ୍ରବ୍ୟକର ପ୍ରାପ୍ୟରେ କେନ୍ଦ୍ର ସରକାର ରାଜ୍ୟକୁ ଠକିଛି

85

ଭବନେଶ୍ୱର – ୩୧-୦୭ (ଓଡ଼ିଆ ପୁଅ) : ଏକ ପ୍ରେସ୍ ବିଜ୍ଞପ୍ତିରେ କଂଗ୍ରେସ ନେତା ତଥା ପୂର୍ବତନ ଅର୍ଥମନ୍ତ୍ରୀ ପଞ୍ଚାନନ କାନୁନ୍ଗୋ ଭାଜପାକୁ ପ୍ରଶ୍ନ ପଚାରି କହିଛନ୍ତି ଯେ, ଦୁଃଖ ଓ ପରିତାପର ସହିତ କହିବାକୁ ହେଉଛି ଯେ ଭାରତୀୟ ଜନତାପାର୍ଟି ଓ ତା’ର ନେତାମାନେ ସମସ୍ତ ରାଜ୍ୟବାସୀଙ୍କୁ ମୁର୍ଖ ବିବେଚନା କରି ଅନେକ ସମୟରେ ଅସତ୍ୟ ଓ ବିଭ୍ରାନ୍ତିକର ତଥ୍ୟମାନ ଦେବାରେ ଲାଗିଛନ୍ତି। ନିଜ ଭିତରେ ଓ ଦଳୀୟ ଅଫିସ୍ ରେ ଉତ୍ସବ ମନାଉଥିବା ଦେଖାଯାଉଛି।

– ସେବା ଓ ଦ୍ରବ୍ୟକର ବାବଦରେ ଶ୍ରୀ କାନୁନ୍‌ଗୋ ପ୍ରଶ୍ନ ଉଠାଇଛନ୍ତି। କେନ୍ଦ୍ର ଦେଉଥିବା ଅର୍ଥ କ’ଣ ରାଜ୍ୟକୁ ଦାନ ଓ ରାଜ୍ୟର ଆଇନାନୁମୋଦିତ ପ୍ରାପ୍ୟ ନୁହେଁ । ସେବା ଓ ଦ୍ରବ୍ୟ କର ଆଇନାନୁସାରେ ଏହି ନେତାମାନେ କ’ଣ ଜାଣନ୍ତି ନାହିଁ ଯେ ରାଜ୍ୟକୁ ୨୦୧୫-୧୬ ବର୍ଷକୁ ମୂଳବର୍ଷକରି ପ୍ରତିବର୍ଷ ୧୪% ବର୍ଦ୍ଧିତ ଟିକସ ରେ ରାଜ୍ୟମାନଙ୍କୁ ୨୦୨୧-୨୨ ମସିହା ପର୍ଯ୍ୟନ୍ତ ଦେବାର ବ୍ୟବସ୍ଥା ଅଛି।

– ରାଜ୍ୟ ସରକାର ଓ ମୁଖ୍ୟମନ୍ତ୍ରୀ କେଉଁ ସ୍ୱାର୍ଥରେ କେଉଁ ସ୍ୱାଭିମାନରେ କେନ୍ଦ୍ର ସରକାରଙ୍କର ଅନୁଗୃହୀତ ଓ କାହା ସ୍ୱାର୍ଥରେ ଦାନୀ ପଣିଆକୁ ପ୍ରଶ୍ନ କରି ନାହାନ୍ତି ତାହା ତାଙ୍କୁ ଓ ତାଙ୍କ ଅଫିସରମାନଙ୍କୁ ଜଣା। ମାତ୍ର ୨୦୧୯-୨୦ ବର୍ଷପାଇଁ ରାଜ୍ୟର ଆଇନାନୁମୋଦିତ ପ୍ରାପ୍ୟ ୬୨୦୦ କୋଟି ଟଙ୍କା ଜିଏସଟି ରାଜସ୍ୱ କ୍ଷତିପୂରଣ ପାଇବା କଥା। ରାଜ୍ୟ ପାଇଛି ମୋଟ୍ ୫୧୨୨କୋଟି ଟଙ୍କା। ଏକଥା କ’ଣ ଭାଜପା ନେତାମାନେ ହିସାବ କରି ନାହାନ୍ତି କାରଣ ଗତବର୍ଷ (୨୦୧୯-୨୦) ପାଇଁ ରାଜ୍ୟର ଜିଏସଟି- ଆଦାୟ ୭.୮୬% ଥିଲା। ଅବଶିଷ୍ଟ ୬.୧୪% କେନ୍ଦ୍ର ଭରଣା କରିବା କଥା।

– ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମହାଶୟ କ’ଣ ଜାଣନ୍ତି ନାହିଁ ମହାମାରୀ ସାଙ୍ଗରେ ଏହି ପ୍ରାପ୍ୟର କୌଣସି ସଂପର୍କ ନାହିଁ ।

– ଶ୍ରୀ ପ୍ରଧାନ କ’ଣ ଜାଣନ୍ତି ନାହିଁ ଯେ କେନ୍ଦ୍ର ଅର୍ଥ ସଚୀବ ଶ୍ରୀଫାଡେ ଷ୍ଟାଣ୍ଡିଂ କମିଟି ଆଗରେ ପ୍ରାପ୍ୟ ଅର୍ଥ ଦେଇ ନ ପାରିବାର ଅକ୍ଷମତା ପ୍ରକାଶ କରିଛନ୍ତି। କାରଣ କେନ୍ଦ୍ର କ୍ଷତି ଭରଣା ପାଇଁ ଆଦାୟ କରୁଥିବା ସେସ୍ବହୁ ପରିମାଣରେ କମିବାରେ ଲାଗିଛି। କେନ୍ଦ୍ର ସରକାରର ଏହି ଅପରାଗତା ଓ ଅକ୍ଷମତା କ’ଣ ଭାଜପା ନେତା ଜାଣନ୍ତି ନାହିଁ ।

– ଯେଉଁମାନେ ଦିନେ “ଏକ ଦେଶ, ଏକ ଟିକସ” କଥା କହି ଜିଏସଟି ରାତିଅଧିଆ ଲାଗୁକଲେ ଉତ୍ସାହିତ ହୋଇ ଐତିହାସିକ ନିଷ୍ପତି କହୁଥିଲେ ସେମାନେ ହିଁ ଆଜି ରାଜ୍ୟ ଆର୍ଥିକ ସଂକଟର କାରଣ। ଏକଥା ଧର୍ମେନ୍ଦ୍ରବାବୁ ଓ ତାଙ୍କ ଦଳ ଲୁଚାଇଲେ କ’ଣ ଲୁଚିବ।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.