Home ଜିଲ୍ଲା ପରିକ୍ରମା ମହାସରସ୍ୱତୀ ବେଶରେ ପୂଜା ପାଇଲେ ମା’ ଭଦ୍ରକାଳୀ, ଶନିବାର ମହାଲକ୍ଷ୍ମୀ ବେଶ ସହିତ ସମ୍ପନ୍ନ ହେବ...

ମହାସରସ୍ୱତୀ ବେଶରେ ପୂଜା ପାଇଲେ ମା’ ଭଦ୍ରକାଳୀ, ଶନିବାର ମହାଲକ୍ଷ୍ମୀ ବେଶ ସହିତ ସମ୍ପନ୍ନ ହେବ ମହାଯଜ୍ଞ ପୂର୍ଣ୍ଣାହୁତି

11

ଭଦ୍ରକ, ୧୭ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ମା’ ଭଦ୍ରକାଳୀଙ୍କ ସପ୍ତମାତୃକା ବେଶର ଆଜି ଷଷ୍ଠ ଦିନରେ ମା’ ମହାସରସ୍ୱତୀ ବେଶରେ ଭକ୍ତଙ୍କୁ ଦର୍ଶନ ଦେଇଛନ୍ତି । ଏହି ବେଶରେ ମା’ଙ୍କୁୁ ଦର୍ଶନ କରିବା ପାଇଁ ପୀଠ ଭକ୍ତମୟ ହୋଇଥିଲା । ମହାସରସ୍ୱତୀ ବେଶରେ ମା’ଙ୍କ ମୁଖମଣ୍ଡଳ ଶ୍ୱେତବର୍ଣ୍ଣ ଥିବା ବେଳେ ହଂସ ଥିଲା ମା’ଙ୍କର ବାହନ । ଶ୍ୱେତବସ୍ତ୍ର ପରିଧାନ କରି ମା’ ପଦ୍ମ ଆସନରେ ଆସୀନ ହୋଇଥିଲେ । ବୀଣା ବାଦନରତା ଥିବା ବେଳେ ମା’ଙ୍କ ହସ୍ତରେ ବେଦ, ଜପାମାଳି ଓ ବୀଣା ଧାରଣ କରିଛନ୍ତି । ଏହି ବେଶରେ ମା’ଙ୍କୁ ଦର୍ଶନ କଲେ ବିଦ୍ୟା, ବୁଦ୍ଧି, ଜ୍ଞାନ ପ୍ରାପ୍ତ ହୋଇଥାଏ । ସପ୍ତମାତୃକା ବେଶର ଆସନ୍ତାକାଲି ଶେଷ ଦିସବ । ଏହି ଦିବସରେ ମାଆ ମହାଲକ୍ଷ୍ମୀ ବେଶରେ ପୂଜା ପାଇବେ । ସେହିପରି ବିଶ୍ୱଶାନ୍ତି ମହାଯଜ୍ଞର ଆସନ୍ତାକାଲି ଅନ୍ତମ ଦିବସ । ସପ୍ତ ଦିବସ ବ୍ୟାପୀ ଚାଲିଥିବା ମହାଯଜ୍ଞ, ଚଣ୍ଡୀ ପାଠ, ଗୀତା ପାଠ ଆଦି ସମାପ୍ତି ଘଟିବ । ମହାଯଜ୍ଞର ପୂର୍ଣ୍ଣାହୁତି ସହିତ ୨୦ ହଜାର ଭକ୍ତଙ୍କ ଲାଗି ପ୍ରସାଦର ବନ୍ଦୋବସ୍ତ କରାଯାଇଛି । ଏଥି ନିମନ୍ତେ ସମସ୍ତ ପ୍ରକାରର ପ୍ରଶାସନିକ ପ୍ରସ୍ତୁତି ଚୂଡାନ୍ତ ହୋଇଛି ।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.