ଭଦ୍ରକ, ୩୦ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭୟଙ୍କର ଅଗ୍ନିକାଣ୍ଡରେ ଜଳିଗଲା ୪ବଖରା ଘର । ନିଆଁର ପ୍ରକୋପ ଏତେ ଥିଲା ଯେ ନିମିଶେକ ମଧ୍ୟରେ ଘର ସମ୍ପୁର୍ଣ୍ଣ ପୋଡ଼ି ପାଉଁଶ ହୋଇଗଲା। ଏମିତି ଦୁର୍ଘଟଣା ଘଟିଛି ଚାନ୍ଦବାଲି ବ୍ଲକ ଧାମରା ଅଂଚଳରେ । ସୂଚନା ମୁତାବକ ଧାମରା ପଂଚାୟତ ଖମାର ସାହିର ଗଦାଧର ମଲ୍ଲିକ ଏବଂ ତାଙ୍କର ଭାଈ ମାନଙ୍କ ଘରେ କୌଣସି କାରଣରୁ ନିଆଁ ଲାଗିଯାଇଥିଲା । ନିଆଁର ପ୍ରକୋପ ଏତେ ଥିଲା ଯେ ନିମିଶେକ ମଧ୍ୟରେ ଏହା ଘର ଓ ଗାଈ ଗୁହାଳ ଚାରିଆଡକୁ ନିଆଁ ବ୍ୟାପି ଯାଇଥିଲା । ଘରେ ଥିବା ଧାନ ଚାଉଳ, ଲୁଗାପଟା, ଆସବାବପତ୍ର ଆଦି ପୋଡି ପାଉଁଶ ହୋଇଯାଇଥିଲା । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଁଚିବା ବେଳକୁ ଘରଟି ଧ୍ୱଂସସ୍ତୂପ ପାଲଟି ଯାଇଥିଲା। ଯଥାଶୀଘ୍ର ଅଗ୍ନି ବିପନ୍ନଙ୍କୁ ସରକାରୀ ସହାୟତା ଯୋଗାଇଦେବାକୁ ଗ୍ରାମବାସୀ ମାନେ ଦାବି କରିଛନ୍ତି ।
