ad
କେନ୍ଦୁଝର

ନିମ୍ନମାନର ରାସ୍ତା କାର୍ଯ୍ୟ ବର୍ଷାରେ ଧୋଇହୋଇ ଏକର ଏକର ଚାଷ ଜମି ସହ ଫସଲ ନଷ୍ଟ

ହରିଚନ୍ଦନପୁର,ତା ୧୮ ସେପ୍ଟେମ୍ବର (ଓଡ଼ିଆ ପୁଅ/ପ୍ରେମାନନ୍ଦ ଦାସ)କେନ୍ଦୁଝର ଜିଲ୍ଲା ହରିଚନ୍ଦନପୁର ବ୍ଲକ ଚକ୍ରଧରପୁର ଗ୍ରାମରେ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ଦ୍ୱାରା ଲକ୍ଷାଧିକ ଟଙ୍କା ଖର୍ଚ୍ଚରେ ନିର୍ମିତ ରାସ୍ତା ସହ ପୋଲ ଧୋଇ ହୋଇଗଲା, ଏକର ଏକର ଚାଷ ଜମି ନଷ୍ଟ । ଖବର ଅନୁଯାୟୀ ଚକ୍ରଧରପୁର ଠାରୁ ପାରାଭାଡି ସାହିକୁ ପୂର୍ବରୁ ମହାତ୍ମାଗାନ୍ଧୀ ନିଶ୍ଚିତ କର୍ମ ନିଯୁକ୍ତି ଯୋଜନାରେ ୫ଲକ୍ଷ ଟଙ୍କାର ଅନୁଦାନ ପରେ ଓଡ଼ିଶା ଖଣିଜ ବିଓରିଙ୍ଗ ଏରିଆ ଡେଭଲପମେଣ୍ଟ କର୍ପୋରେସନ ତରଫରୁ ୯୧ ଲକ୍ଷ ଟଙ୍କା ଅନୁଦାନ ଦିଆଯାଇଛି । ଏତେ ଟଙ୍କା ପ୍ରଦାନ ହୋଇଥିବା ବେଳେ ଏହି ରାସ୍ତା ସହ ରାସ୍ତାର ମଧ୍ୟଭାଗରେ ଥିବା ନଳର ପୋଲ ନିର୍ମାଣ କାର୍ଯ୍ୟ ନିମ୍ନମାନର ହେଉଥିବା ନେଇ ଗ୍ରାମବାସୀଙ୍କ ଅଭିଯୋଗ ରହିଥିଲା । ୩ଟି ଗ୍ରାମ ତଥା କାଳିମାଟି, ଦୁଧିଆନାଳି, ଚକ୍ରଧରପୁର ଗ୍ରାମ ନିକଟରେ ଥିବା ସମସ୍ତ ଜମିର ପାଣି ଏହି ନାଳରେ ଆସୁଥିବା ବେଳେ ପୋଲ ନିର୍ମାଣରେ ଅନିୟମିତତା । ଏହାକୁ ବିରୋଧ କରି ଗ୍ରାମବାସୀ ବିଭାଗୀୟ କନିଷ୍ଠଯନ୍ତ୍ରୀଙ୍କୁ ଅଭିଯୋଗ କରିଥିଲେ । ହେଲେ ଠିକାଦାର ସହ ସଲାସୁତୁରା ହୋଇ ଲୋକମାନଙ୍କ ଅଭିଯୋଗକୁ କର୍ଣ୍ଣପାତ କରିନଥିବା ଗ୍ରାମବାସୀ ଅଭିଯୋଗ କରିଛନ୍ତି । ଲୋକମାନଙ୍କ ଅଭିଯୋଗକୁ କର୍ଣ୍ଣପାତ ନକରିବା କାରଣରୁ ବର୍ଷା ପାଣିରେ ପୋଲ ନିକଟରେ ଥିବା ଜତିନ୍ଦ୍ର ନାଏକ, ପଟିଆ ନାଏକ, ଗୋପି ନାଏକ, ରଥିଆ ନାଏକ ଭଳି ଅନେକଙ୍କ ଚାଷ ଜମିର ଫସଲ ନଷ୍ଟ ସହ ରାସ୍ତାର ମାଟି ଜମି ମଧ୍ୟକୁ ଚଢିଯାଇଛି । ଏଥିସହ ପୋଲ ନିର୍ମାଣରେ ଲୁହାଛଡ଼ ନଦେଇ କେବଳ ମେଣ୍ଟାଲ, ବାଲି ଓ ଅଳ୍ପ ପରିମାଣର ସିମେଣ୍ଟ ଭାଗ ଦେଇ ପୋଲଟି ନିର୍ମାଣ କରାଯାଇଥିବା ନେଇ ପୋଲଟିର ଓ୍ବାଲ ଗୁଡ଼ିକ ଫାଟିବା ଆରମ୍ଭ କଲାଣି । ତେଣୁ ବେଳ ଥାଉ ଥାଉ ସଠିକ୍ ତଦନ୍ତ କରି ଠିକ୍ ଭାବରେ ପୋଲ ସହ ରାସ୍ତା ନିର୍ମାଣ କାର୍ଯ୍ୟ ନକରାଇଲେ ଆଗାମୀ ଦିନରେ ବିଭିନ୍ନ ବିପଦକୁ ଏଡ଼ାଇ ହେବନାହିଁ । ଏଥିପ୍ରତି ଜିଲ୍ଲା ପ୍ରଶାସନ ଦୃଷ୍ଟି ଦେଇ ଯଥାଶୀଘ୍ର ଘଟଣାର ସଠିକ୍ ତଦନ୍ତ କରାଇ ଠିକ୍ ଭାବରେ ରାସ୍ତା କାର୍ଯ୍ୟ କରାଇବାକୁ ଜନସାଧାରଣରେ ଦାବି ହୋଇଛି ।

Loading...
ad
Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

To Top