Home ଓଡ଼ିଶା ଦୁର୍ନୀତି ଭଷ୍ଟ୍ରାଚାରରେ ଲିପ୍ତଥିବା ରାଜ୍ୟ ସରକାର ବଦଳିବା ଦରକାର : ରାଜନାଥ ସିଂହ

ଦୁର୍ନୀତି ଭଷ୍ଟ୍ରାଚାରରେ ଲିପ୍ତଥିବା ରାଜ୍ୟ ସରକାର ବଦଳିବା ଦରକାର : ରାଜନାଥ ସିଂହ

518

ବିଜୟ ସଂକଳ୍ପ ସମାବେଶରେ ଯୋଗ ଦେଲେ କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂହ
– ରାଜ୍ୟରେ ବିଜେପି ସରକାର ଆସିଲେ କରଞ୍ଜିଆକୁ ରେଲ ଲାଇନ ସଂଯୋଗ କରାଯିବ
– ମୟୁରଭଂଜର ଛଉ ନୃତ୍ୟକୁ ଦେଶ ବିଦେଶରେ ଏକ ସ୍ୱତନ୍ତ୍ର ସ୍ଥାନ ଦିଆଯିବ
– ମୋଦିଙ୍କର ୫ ବର୍ଷ ଶାସନରେ ଦେଶରେ କମିଛି ଗରିବ ସଂଖ୍ୟା। ୧୨.୫ କୋଟିରୁ ଗରୀବ ସଂଖ୍ୟା କମି ୫ କୋଟିରେ ପହଂଚିଛି
– ରାଜ୍ୟରେ ବିଜେପି ସରକାର ଆସିଲେ ସମସ୍ତ ଚାଷୀଙ୍କୁ ୧ ଲକ୍ଷ ପର୍ଯ୍ୟନ୍ତ ସୁଧମୁକ୍ତ ଋଣ ୫ ବର୍ଷ ପାଇଁ ଯୋଗାଇ ଦିଆଯିବ
– ପୁରୀ ଲୋକସଭା ବିଜେପି ପ୍ରାର୍ଥୀ ସମ୍ବିତ ପାତ୍ର ଓଡିଶା ପାଇଁ ଚମକୁଥିବା ତାରା ଏବଂ ପୂରା ୨୪ କ୍ୟାରେଟ
– ନୟାଗଡରେ ବନ୍ଦ ପଡିଥିବା ଚିନି କଳ ଖୋଲିବା ସହ ଖୋଲିବ ନୂଆ ଚିନିକଳ

କରଞ୍ଜିଆ/ନୟାଗଡ/ଭୁବନେଶ୍ୱର, ତା ୧୯/୦୪ (ଓଡ଼ିଆ ପୁଅ) : ଓଡିଆ ଭାଷାର ଏକ ଭିନ୍ନ ପରିଚୟ ରହିଛି। କେନ୍ଦ୍ର ସରକାର ସବୁ ସମୟରେ ଓଡିଆ ଭାଷା ଓ ସଂସ୍କୃତିକୁ ଗୁରୁତ୍ୱ ଦେଇଛନ୍ତି। ମୟୁରଭଂଜର ଲୋକ ନୃତ୍ୟୁ ଛଉ ନୃତ୍ୟକୁ କେବଳ ଦେଶ ନୁହେଁ ବରଂ ଦେଶ ବାହାରେ ଏକ ସ୍ୱତନ୍ତ୍ର ପରିଚୟ ଦିଆଯିବ। ଛଉ ନୃତ୍ୟର ପ୍ରଚାର ପ୍ରସାର କରିବା ପାଇଁ କେନ୍ଦ୍ର ସରକାର ଉଦ୍ୟମ କରିବେ। ସେହିପରି ଓଡିଶାରେ ବିଜେପି ସରକାର ଆସିଲେ କରଞ୍ଜିଆ ସମେତ ମୟୁରଭଂଜର ଅନ୍ୟାନ୍ୟ ସ୍ଥାନକୁ ରେଳ ଲାଇନ ସଂଯୋଗ କରାଯିବ। ରାଜ୍ୟରେ ଦୁର୍ନୀତି ଏବଂ ଭଷ୍ଟ୍ରଚାରରେ ଲିପ୍ତଥିବା ବିଜୁ ଜନତା ଦଳର ସରକାରକୁ ବଦାଳାଇବା ସହ ରାଜ୍ୟ ଏବଂ କେନ୍ଦ୍ରରେ ବିଜେପି ସରକାର ଆଣିବା ପାଇଁ କରଞ୍ଜିଆଠାରେ ଅନୁଷ୍ଠିତ ବିଜୟ ସଂକଳ୍ପ ସମାବେଶରେ ଆହ୍ୱାନ ଦେଇଛନ୍ତି କେନ୍ଦ୍ର ଗୃହ ମନ୍ତ୍ରୀ ଶ୍ରୀ ରାଜନାଥ ସିଂହ।

ପୁଲୱାମା ଆକ୍ରମଣରେ ପାକିସ୍ତାନର ଆତଙ୍କବାଦକୁ ମୁହଁତୋଡ ଜବାବ ଦିଆଯାଇଛି। ମୋଦୀ ସରକାରଙ୍କ ନେତୃତ୍ୱରେ ଭାରତର ସେନା ପାକିସ୍ତାନର ଘରେ ପଶି ଆତଙ୍କୀ କ୍ୟାମ୍ପକୁ ଧ୍ୱସଂ କରିଛନ୍ତି। ୧୯୭୧ ମସିହାରେ ପାକିସ୍ତାନକୁ ହରାଇଥିବାରୁ ଭାରତର ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କୁ ପ୍ରଶଂସା କରାଯାଇଥିଲା। ଆଉ ଏବେ ବାଲକୋଟ ଆକ୍ରମଣ ପାଇଁ ମୋଦିଙ୍କୁ କାହିଁକି ପ୍ରଶଂସା କରାଯିବନି ବୋଲି ଶ୍ରୀ ସିଂହ ପ୍ରଶ୍ନ କରଛନ୍ତି।

୨୦୦୮ ମୁମ୍ବାଇ ଆକ୍ରମଣ ପରେ କେନ୍ଦ୍ରରେ କଂଗ୍ରେସ ସରକାର ଥାଇ ମଧ୍ୟ ପାକିସ୍ତାନ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନିଥିଲା। ହେଲେ ମୋଦି ସରକାର କଂଗ୍ରେସର ଭୁଲକୁ ଆଉ ନଦୋହରାଇ ସେନାକୁ ପୁର୍ଣ୍ଣ ସ୍ୱାତନ୍ତ୍ରତା ଦେବା ସହ ଆତଙ୍କିମାନକୁ ଦମନ କରିବାରେ ସଫଳ ହୋଇଛନ୍ତି। ମୋଦି ସରକାରଙ୍କରେ ଦେଶରୁ ଗରିବ ସଂଖ୍ୟା ହ୍ରାସ ପାଇଛି। ୫ ବର୍ଷ ତଳେ ଦେଶରେ ୧୨.୫ କୋଟି ଗରିବ ଥିଲେ। ଏବେ ଏହି ସଂଖ୍ୟା କମ ହୋଇ ୫ କୋଟିକୁ ହ୍ରାସ ପାଇଛି।

ପ୍ରଧାନମନ୍ତ୍ରୀ କିଷାନ ଯୋଜନାରେ ଓଡିଶା ରାଜ୍ୟ ସରକାର ଚାଷୀମାନଙ୍କ ସଂପୂର୍ଣ୍ଣ ତାଲିକା କେନ୍ଦ୍ରକୁ ପଠାଇ ନାହାଁନ୍ତି। ରାଜ୍ୟରେ ବିଜେପି ସରକାର ଆସିଲେ ସମସ୍ତ ଚାଷୀଙ୍କୁ ୧ ଲକ୍ଷ ପର୍ଯ୍ୟନ୍ତ ସୁଧମୁକ୍ତ ଋଣ ୫ ବର୍ଷ ପାଇଁ ଯୋଗାଇ ଦିଆଯିବ ବୋଲି ଶ୍ରୀ ସିଂହ କହିଛନ୍ତି।

ସେହିପରି ନୟାଗଡଠାରେ ଆୟୋଜିତ ବିଜୟ ସଂକଳ୍ପ ସମାବେଶରେ ଯୋଗ ଦେଇ ରାଜନାଥ କହିଛନ୍ତି ଯେ, ପୁରୀ ଲୋକସଭା ପାଇଁ ବିଜେପି ପ୍ରାର୍ଥୀ ସମ୍ବିତ ପାତ୍ର ହେଉଛନ୍ତି ଓଡିଶା ପାଇଁ ଚମକୁଥିବା ତାରା ଏବଂ ପୂରା ୨୪ କ୍ୟାରେଟ। ୨୦ ବର୍ଷ ଧରି ବିଜେଡି ସରକାର ରହିଥିବା ବେଳେ ମୌଳିକ ସୁବିଧା ଲୋକମାନଙ୍କ ପାଖରେ ପହଂଚାଇ ପାରିନାହିଁ। ଜମିକୁ ଜଳସେଚିତ କରିପାରି ନାହିଁ। ନିର୍ବାଚନ ପରେ କେନ୍ଦ୍ର ସରକାର ପକ୍ଷରୁ ସମସ୍ତ ସାହାଯ୍ୟ ଯୋଗାଇ ଦିଆଯିବ। ବନ୍ଦ ପଡିଥିବା ଚିନି କଳ ଖୋଲିବ ସହ ନୟାଗଡରେ ନୂଆ ଚିନିକଳ ଖୋଲାଯିବ ବୋଲି ଶ୍ରୀ ସିଂହ କହିଛନ୍ତି।

ପୂର୍ବରୁ କଂଗ୍ରେସ ସରକାର ତ୍ରୟୋଦଶ ଅର୍ଥ କମିଶନରେ ବିଜେଡି ସରକାରକୁ କେବଳ ୭୯ ହଜାର କୋଟି ଦେବା ସମୟରେ ଏବେ ମୋଦି ସରକାର ଆସିବା ପରେ ରାଜ୍ୟକୁ ୨ ଲକ୍ଷ କୋଟିରୁ ଉର୍ଦ୍ଧ୍ୱ ଟଙ୍କା ଅନୁଦାନ ଦେଇଛନ୍ତି। ରାଜ୍ୟରେ ବିଜେପି ସରକାର ଆସିଲେ ପୁରୀକୁ ଦେଶର ଆଧ୍ୟାତ୍ମିକ ରାଜଧାନୀ ଭାବେ ଗଢି ତୋଳାଯିବ ବୋଲି ଶ୍ରୀ ସିଂହ କହିଛନ୍ତି। ପୁରୀ ଲୋକସଭା ପ୍ରାର୍ଥୀ ସମ୍ବିତ ପାତ୍ର ଏବଂ ନୟାଗଡ ବିଧାନସଭା ପ୍ରାର୍ଥୀନୀ ଇରାନୀ ରାୟଙ୍କୁ ବହୁଳ ଭାବରେ ଭୋଟ ଦେଇ ବିଜୟୀ କରିବା ପାଇଁ ଶ୍ରୀ ଅନୁରୋଧ କରିଛନ୍ତି।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.