Home ଜିଲ୍ଲା ପରିକ୍ରମା ଦୁର୍ଗାପୂଜା ପ୍ରସ୍ତୁତି ବୈଠକ – ସର୍ବସାଧାରଣ ଦର୍ଶନ ଲାଗି କଟକଣା

ଦୁର୍ଗାପୂଜା ପ୍ରସ୍ତୁତି ବୈଠକ – ସର୍ବସାଧାରଣ ଦର୍ଶନ ଲାଗି କଟକଣା

198

ପୁରୀ, ୧୨ା୯(ଓଡ଼ିଆ ପୁଅ/ବିଜୟ ପଟ୍ଟନାୟକ) : ସ୍ଥାନୀୟ ସଦ୍ଭାବନାଗୃହଠାରେ ଦୁର୍ଗାପୂଜା ଲାଗି ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଉପଜିଲ୍ଲାପାଳ ଭବତାରଣ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଦୁର୍ଗାପୂଜା ପାଳନ ନିମନ୍ତେ ରାଜ୍ୟ ସରକାରଙ୍କ ପକ୍ଷରୁ ଜାରି କୋଭିଡ଼ିଗାଇଡ଼ ଲାଇନ୍କୁ କଡ଼ାକଡ଼ିଭାବେ ପାଳନ କରାଯିବାକୁ ନିଷ୍ପତ୍ତିହୋଇଛି। ମୂତ୍ତିିର ଉଚ୍ଚତା ଚାରି ଫୁଟରୁ ଅଧିକହେବନାହିଁ ଏବଂ କୌଣସି ପରିସ୍ଥିରେ ପୂଜାମଣ୍ଡପ ନିକଟରେ ୭ଜଣରୁ ଅଧିକ ବ୍ୟକ୍ତି ଉପସ୍ଥି୍ତ ରହିବେ ନାହିଁ। ମଣ୍ଡପରେ ପୂଜା ଆୟୋଜନ ଲାଗି ଜିଲ୍ଲାପାଳଙ୍କ ଠାରୁ ଆବଶ୍ୟକୀୟ ଅନୁମତି ନେବାକୁ ହେବ। ମନୋରଞ୍ଜନ କାର୍ଯ୍ୟକ୍ରମ, ଡ଼ାକବାଜି ଯନ୍ତ୍ର, ସର୍ବସାଧାରଣ ଦର୍ଶନ ଉପରେ କଟକଣା ଜାରି କରାଯାଇଛି। ପ୍ରତି କ୍ଷେତ୍ରରେ ସାମାଜିକ ଦୂରତ୍ୱ ବଜାୟ ରଖିବା ସହିତ ମାସ୍କ ବ୍ୟବହାରକୁ ବାଧ୍ୟତାମୂଳକ କରାଯାଇଛି। ଗାଇଡ଼୍ଲାଇନ ଉଲଂଘନ କଲେ ସମ୍ପୃକ୍ତ ମଣ୍ଡପ କର୍ମକର୍ତ୍ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସିଟିଡ଼ିଏସ୍ପି କ୍ଷୀରସାଗର ନାୟକ ବୈଠକରେ ସ୍ପଷ୍ଟ କରିଦେଇଛନ୍ତି। ଭସାଣି ସମୟରେ କୌଣସି ଶୋଭାଯାତ୍ରା ହେବନାହିଁ, ପ୍ରଶାସନ ପକ୍ଷରୁ ଚିହ୍ନିତ ନିର୍ଦ୍ଦଷ୍ଟ ସ୍ଥାନରେ ମୂର୍ତ୍ତି ବିସର୍ଜନ କରାଯିବ। ଏଥିପାଇଁ ପ୍ରଶାସନ ପକ୍ଷରୁ ଆବଶ୍ୟକୀୟ ପଦକ୍ଷେପ ଗ୍ରହଣ କରାଯିବ।ବୈଠକରେ ଡ଼େପୁଟିକଲେକ୍ଟର ପ୍ରଶାନ୍ତ କୁମାର ଜେନା, ବିଭିନ୍ନଥାନାଅଧିକାରୀ ଓ ସହରର ବିଭିନ୍ନ ପୂଜାକମିଟି କର୍ମକର୍ତ୍ତା ମାନେ ଉପସ୍ଥିତଥିଲେ।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.