Home Top News କେରଳରେ ପଦ୍ମ ଫୁଟାଇବା ଆଶାରେ ବିଜେପି: ମେଟ୍ରୋ ମ୍ୟାନଙ୍କ ପରେ ଏବେ ଦୌଡ଼ରାଣୀ ପି.ଟି ଉଷାଙ୍କ...

କେରଳରେ ପଦ୍ମ ଫୁଟାଇବା ଆଶାରେ ବିଜେପି: ମେଟ୍ରୋ ମ୍ୟାନଙ୍କ ପରେ ଏବେ ଦୌଡ଼ରାଣୀ ପି.ଟି ଉଷାଙ୍କ ଉପରେ ନଜର

144

ନୂଆ ଦିଲ୍ଲୀ ୨୨-୨ (ଓଡ଼ିଆ ପୁଅ) ଆସନ୍ତା କିଛି ମାସ ମଧ୍ୟରେ କେରଳରେ ହେବ ବିଧାନସଭା ନିର୍ବାଚନ। ଭାରତୀୟ ଜନତା ପାର୍ଟି (ବିଜେପି) କେରଳରେ ପ୍ରବେଶ କରିବା ପାଇଁ ଏକ ବଡ ମିଶନରେ ଦେଖାଯାଉଛି। କିଛି ଦିନ ପୂର୍ବେ କେରଳର ମେଟ୍ରୋ ମ୍ୟାନ୍ ଭାବରେ ଜଣାଶୁଣା ଇ ଶ୍ରୀଧରନ୍ ବିଜେପିରେ ଯୋଗ ଦେଇଛନ୍ତି। ବିଜେପି ପ୍ରସିଦ୍ଧ ଅଲିମ୍ପିଆନ୍ ତଥା ପୂର୍ବତନ ଆଥଲେଟ୍ ପି.ଟି ଉଷାଙ୍କ ଉପରେ ନଜର ରଖିଛି ବିଜେପି ବୋଲି ଏକ ରିପୋର୍ଟରୁ ଜଣାପଡ଼ିଛି।

ଇ ଶ୍ରୀଧରନଙ୍କ ପରେ ବିଜେପି ଦୌଡ଼ରାଣୀଙ୍କୁ ପ୍ରଲୋଭିତ କରୁଥିବା କେରଳବାସୀଙ୍କୁ ଆଶ୍ଚର୍ଯ୍ୟ ନ ଲାଗିପାରେ। କାରଣ ନିକଟରେ ପିଟି ଉଷା ବିଜେପି ଏବଂ କୃଷି ଆଇନ ଉପରେ କେନ୍ଦ୍ରକୁ ଦୃଢ଼ ସମର୍ଥନ କରିଥିଲେ। ସେ ଟ୍ୱିଟ କରି ମଧ୍ୟ ବିଜେପି ପାଇଁ ଏକ ନିର୍ଦ୍ଦିଷ୍ଟ ସ୍ତରରେ ସମର୍ଥନ ଦେଖାଇଥିଲେ। ଜଳବାୟୁ କାର୍ଯ୍ୟକର୍ତ୍ତା ଗ୍ରେଟା ଥନବର୍ଗ ଏବଂ ଗାୟକ ରିହାନାଙ୍କ ମନ୍ତବ୍ୟକୁ ନିନ୍ଦା କରିଥିଲେ ପିଟି ଉଷା।

ଏକ ଟୁଇଟ୍‌ରେ ପିଟି ଉଷା ଲେଖିଥିଲେଯେ, ‘ଆମେ ଆମର ସଂସ୍କୃତି ଏବଂ ଐତିହ୍ୟ ପାଇଁ ଗର୍ବିତ ଏବଂ ଆମେ ଗଣତନ୍ତ୍ରର ପ୍ରକୃତ ମଡେଲ। ଆମର ଆଭ୍ୟନ୍ତରୀଣ ବ୍ୟାପାରରେ ହସ୍ତକ୍ଷେପ କରନ୍ତୁ ନାହିଁ, ଆମେ ଜାଣୁ କିପରି ଆମେ ନିଜ ନିଜ ସମସ୍ୟାର ସମାଧାନ କରିପାରିବା।”

କେରଳ ବିଷୟରେ କହିଲେ, କେରଳରୁ ସଂସଦରେ ବିଜେପିର ପ୍ରତିନିଧିତ୍ୱ ରହିଛି, କିନ୍ତୁ ରାଜ୍ୟ ମୁଖ୍ୟତଃ ବାମପନ୍ଥୀ ଏବଂ କଂଗ୍ରେସ ମଧ୍ୟରେ ରହିଛି। ‘ମିଶନ୍ ଦକ୍ଷୀଣ’ର ଏକ ଅଂଶ ଭାବରେ ବିଜେପି ଏହି ରାଜ୍ୟରେ ନିଜର ଉପସ୍ଥିତି ଜାହିର୍ କରିବାକୁ ଚାହୁଁଛି। ବିଜେପି ଆଶା କରୁଛି ଯେ କେରଳର ଆଇକନ୍‌ଙ୍କ ସହି ବ୍ୟାଟିଂ କରି ଦଳ ନିଜର ମିଶନ ପୂରଣ କରିବାରେ ଲାଭବାନ ହେବ।

ବିଜେପିର ଦୁଇପଟରୁ ରଣନୀତି ରହିଛି। ପ୍ରଥମେ, ହିନ୍ଦୁ ଭୋଟରଙ୍କ ନିକଟରେ ପହଂଚିବା ଏବଂ ସେହି ମହିଳାମାନଙ୍କ ମଧ୍ୟରେ ସୀମିତ ରହିବା, ଯେଉଁମାନେ ତରଣାବସ୍ଥାରେ ପହଞ୍ଚିଛନ୍ତି କିମ୍ବା ସବରିମାଲା ସପକ୍ଷରେ ଯାଇ ନାହାଁନ୍ତି।

ଦ୍ୱିତୀୟରେ, କେରଳର ସହରାଞ୍ଚଳ ଯୁବ ଭୋଟରଙ୍କ ସହ ଏହି ପ୍ରତୀକ ଆଣିବାକୁ ବିଜେପି ଆଶା କରୁଛି।

ସୂତ୍ରରୁ ପ୍ରକାଶ ଯେ, ବିଜେପି ମଧ୍ୟ କେତେକ ଲୋକପ୍ରିୟ ଚଳଚ୍ଚିତ୍ର ତାରକା, ସାଂସ୍କୃତିକ ତଥା ସାମାଜିକ କ୍ଷେତ୍ରର ମାନ୍ୟଗଣ୍ୟ ବ୍ୟକ୍ତିଙ୍କୁ ଦଳରେ ସାମିଲ କରିବାକୁ ଆଶା କରୁଛି।

‘ମିଶନ୍ ଦକ୍ଷୀଣ’ ବ୍ୟତୀତ ସାଫ୍ରନ୍ ଦଳର ଅନ୍ୟ ଉଦ୍ଦେଶ୍ୟ ହେଉଛି ଆସନ୍ତା ନିର୍ବାଚନରେ ରାଜ୍ୟରେ ଫେରିବାକୁ ଆଶା ରଖିଥିବା କଂଗ୍ରେସର ଭୋଟ୍ କାଟିବା।

ଯଦି ବିଜେପି ଏହାର ଉଦ୍ଦେଶ୍ୟରେ ସଫଳ ହୁଏ, ତେବେ କଂଗ୍ରେସ ପାଇଁ ଏହା ଅତ୍ୟନ୍ତ ଲଜ୍ଜାଜନକ ହେବ; କାରଣ ରାହୁଲ ଗାନ୍ଧୀ କେରଳର ସାଂସଦ। ଆମେଠୀରେ ପରାଜୟ ପରେ ଏଠାରେ ପରାଜୟ କଂଗ୍ରେସ ଏବଂ ରାହୁଲ ଗାନ୍ଧୀଙ୍କ ପାଇଁ ଦ୍ୱିଗୁଣିତ ହେବ।

ତେବେ ବିଜେପିରେ ଯୋଗଦେବାକୁ ନେଇ କଳ୍ପନା ଜଳ୍ପନାର ବିଷୟ ଚାଲିଥିବା ବେଳେ ପିଟି ଉଷାଙ୍କ ନିକଟ ସୂତ୍ର କିଛି କହିବାକୁ ମନା କରି ଦେଇଛନ୍ତି। କିନ୍ତୁ ଖୁବ ଶୀଘ୍ର ସେ ଯୋଗଦେବେ ବିଜେପି ଆଶା କରୁଥିବା ଜଣାପଡ଼ିଛି। ତେବେ ଦେଖିବାକୁ ବାକି ରହିଲା ଯେ ପାର୍ଟି କିପରି ତାଙ୍କ ତରଫକୁ ପିଟି ଉଷା ପରି ଭେଟେରାନ ମାନଙ୍କୁ ଆଣିବାକୁ ସକ୍ଷମ ହେଉଛି।

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.