Home Top News ଆଫଗାନିସ୍ତାନ : କାବୁଲ ବିମାନବନ୍ଦରରେ ଗୁଳି ଚଳାଇଲେ ତାଲିବାନ ଆତଙ୍କୀ, ଦେଖନ୍ତୁ ଭିଡ଼ିଓ କିପରି ଲୋକେ...

ଆଫଗାନିସ୍ତାନ : କାବୁଲ ବିମାନବନ୍ଦରରେ ଗୁଳି ଚଳାଇଲେ ତାଲିବାନ ଆତଙ୍କୀ, ଦେଖନ୍ତୁ ଭିଡ଼ିଓ କିପରି ଲୋକେ ଚଳନ୍ତା ପ୍ଲେନ ଧରି ଦେଶ ଛାଡ଼ିବାକୁ ବାଧ୍ୟ ହେଉଛନ୍ତି

160

ନୂଆ ଦିଲ୍ଲୀ ୧୬-୮ (ଓଡ଼ିଆ ପୁଅ) ଆଫଗାନିସ୍ତାନରେ ତାଲିବାନ ଦଖଲ ପରେ ପରିସ୍ଥିତି ଆହୁରି ବିଗିଡି ଯାଇଛି। ରାଜଧାନୀ କାବୁଲର ବିମାନବନ୍ଦରରେ ଗୁଳି ଚାଳନା ହୋଇଥିବାର ଖବର ଆସୁଛି। ଏହି ଗୁଳି ବିନିମୟରେ ଅତି କମରେ ୫ ଜଣଙ୍କର ମୃତ୍ୟୁ ହୋଇଛି। ପ୍ରତ୍ୟେକ୍ଷଦର୍ଶୀମାନେ ରଏଟର୍ସ ନ୍ୟୁଜ୍ ଏଜେନ୍ସିକୁ କହିଛନ୍ତି ଯେ, ହଜାର ହଜାର ଲୋକ କାବୁଲ ବିମାନବନ୍ଦରରେ ବିମାନରେ ଚଢ଼ିବାକୁ ଚେଷ୍ଟା କରୁଥିଲେ। ଏହି ସମୟରେ ତାଲିବାନ ସେମାନଙ୍କ ଉପରକୁ ଗୁଳି ଚଳାଇଥିଲା।

ସୂଚନାଯୋଗ୍ୟଯେ, ତାଲିବାନ ଦେଶକୁ ନିଜ ଆୟତ୍ତକୁ ନେବାପରଠାରୁ ଆଫଗାନିସ୍ତାନର କାବୁଲ ବିମାନବନ୍ଦରରେ ଲୋକଙ୍କ ଭିଡ଼ ଜମା ହୋଇଛି। ଲୋକମାନେ ଭୟଭୀତ ହୋଇ ଦେଶ ଛାଡିବାକୁ ଚେଷ୍ଟା କରୁଛନ୍ତି। ଆଫଗାନିସ୍ତାନରୁ ବାହାରିବା ପାଇଁ କେବଳ ଗୋଟିଏ ବାଟ ଅଛି ଏବଂ ତାହା ହେଉଛି କାବୁଲ ବିମାନବନ୍ଦର। ଏଭଳି ପରିସ୍ଥିତିରେ ହଜାର ହଜାର ଲୋକ ବିମାନବନ୍ଦରରେ ପହଞ୍ଚିବା ପରେ ସେଠାରୁ ବାହାରକୁ ଯିବାକୁ ଚେଷ୍ଟା କରୁଛନ୍ତି। ଏହି କାରଣରୁ କାବୁଲ ବିମାନବନ୍ଦରରେ ବହୁ ସଂଖ୍ୟାରେ ଲୋକ ଜମା ହୋଇଛନ୍ତି।

ଦୁଇ ଦଶନ୍ଧି ପରେ ତାଲିବାନ ଶାସନ

ସୂଚନାଯୋଗ୍ୟଯେ, ଆଫଗାନିସ୍ତାନରେ ଦୁଇ ଦଶନ୍ଧିର ଦୀର୍ଘ ବ୍ୟବଧାନ ପରେ ତାଲିବାନ ପ୍ରତ୍ୟାବର୍ତ୍ତନ କରୁଥିବା ଦେଖାଯାଉଛି। ଇତି ମଧ୍ୟରେ ଚୀନ୍ ଆଫଗାନିସ୍ତାନରେ ତାଲିବାନକୁ ସ୍ୱୀକୃତି ଦେଇଥିବାର ଖବର ଆସୁଛି। ବେଜିଂରେ ସରକାରୀ ମୁଖପାତ୍ର ହୁଆ ଚୁନିଙ୍ଗ କହିଛନ୍ତି ଯେ “ଆଫଗାନିସ୍ତାନରେ ଚୀନ୍ ତାଲିବାନକୁ ଏକ ନୂତନ ଶକ୍ତି ଭାବରେ ସ୍ୱୀକୃତି ଦେଇଛି। ଆମେ ଆଫଗାନିସ୍ତାନର ଲୋକଙ୍କ ନିଷ୍ପତ୍ତିକୁ ସମ୍ମାନ କରୁଛୁ।”

ମୁଲ୍ଲା ଅବଦୁଲ ବରାଦର ଘାନି ଆଫଗାନିସ୍ତାନର ନୂତନ ମୁଖ୍ୟ ହୋଇପାରନ୍ତି

ଆଫଗାନିସ୍ତାନ ରାଷ୍ଟ୍ରପତି ଆଶରଫ ଘାନି କାବୁଲ ଛାଡ଼ିବା ସହିତ ଦେଶ ଛାଡି ପଳାଇଛନ୍ତି। ଏହା ପରେ ତାଲିବାନ ଶୀଘ୍ର ଆଫଗାନିସ୍ତାନ ନିଜର ନୂତନ ରାଷ୍ଟ୍ରପତି ଘୋଷଣା କରିବ। ଗଣମାଧ୍ୟମ ରିପୋର୍ଟ ଅନୁଯାୟୀ ତାଲିବାନ ଆଫଗାନିସ୍ତାନର କମାଣ୍ଡ, ଏହାର ନେତା ମଲ୍ଲିକା ଅବଦୁଲ ଘାନି ବରାଦାରଙ୍କୁ ଦେଇପାରେ ବୋଲି ଆକଳନ କରାଯାଉଛି।

ଅନେକ ଦେଶ ତାଲିବାନ ସରକାରକୁ ସ୍ୱୀକୃତି ଦେଇପାରନ୍ତି
ତାଜିକିସ୍ତାନ, ତୁର୍କମେନିସ୍ତାନ, ପାକିସ୍ଥାନ ଏବଂ ଉଜବେକିସ୍ତାନ ଭଳି ଦେଶ ଆଫଗାନିସ୍ତାନରେ ତାଲିବାନ ସରକାରକୁ ସ୍ୱିକୃତୀ ଦେଇପାରନ୍ତି ବୋଲି ବିଶ୍ୱାସ କରାଯାଉଛି। ଏହି ଦେଶ ବ୍ୟତୀତ ସାଉଦି ଆରବ, ଇରାନ, କତାର ମଧ୍ୟ ତାଲିବାନ ସରକାରକୁ ସ୍ୱିକୃତି ଦେବେ ବୋଲି ବିଶ୍ୱାସ କରାଯାଉଛି। ତେବେ ତାଲିବାନ ସରକାରକୁ ସ୍ୱୀକୃତି ଦେବାକୁ ଆମେରିକା, ବ୍ରିଟେନ ମନା କରି ଦେଇଛନ୍ତି। ଏଥି ସହିତ ଭାରତ, ଋଷ, ଅଷ୍ଟ୍ରେଲିଆ, ଜର୍ମାନୀ ସମେତ ଅନେକ ଦେଶ ଏହି ପ୍ରସଙ୍ଗରେ ନିଜର ମତ ରଖି ନାହାଁନ୍ତି।

https://twitter.com/shen_shiwei/status/1427216129395671044

LEAVE A REPLY

Please enter your comment!
Please enter your name here

Solve this *Time limit exceeded. Please complete the captcha once again.