ପାଳଲହଡ଼ା,୧୪/୯(ଓଡ଼ିଆ ପୁଅ/ନିହାର ରଞ୍ଜନ ସାମଲ): ଅନୁଗୋଳ ଜିଲ୍ଲା ପାଳଲହଡା ଥାନା ଅନ୍ତର୍ଗତ ୧୪୯ ତମ ଜାତୀୟ ରାଜପଥ ୪୯ତମ ଜାତୀୟ ରାଜପଥକୁ ସଂଯୋଗ କରୁଥିବା ନୂତନ ବାଇପାସ ପୋଲ ନିକଟରେ ଦିନ ଦ୍ବିପହର ସମୟରେ ଜଣେ ଅଚିହ୍ନା ଯୁବକର ମୃତଦେହ ଦେଖିବାକୁ ମିଳିଛି। କୌଣସି ଅଜଣା ଗାଡ଼ି ଧକ୍କା ଦେବାରୁ ଯୁବକଙ୍କ ମୃତ ହୋଇଥିବା ସନ୍ଦେହ କରାଯାଉଛି। ଖବର ପାଇ ପାଳଲହଡା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି।ଏ ପର୍ଯ୍ୟନ୍ତ ମୃତକଙ୍କ କୌଣସି ପରିଚୟ ମିଳି ପାରିନାହିଁ।
