ଓଡ଼ିଶା

ଗୁଗୁଲ ଡୁଡୁଲ ବନାଇ ମୀନା କୁମାରୀଙ୍କୁ ଦେଲା ଶ୍ରଦ୍ଧାଞ୍ଜଳି: ମା’-ବାପା ମୀନା କୁମାରୀଙ୍କୁ ଛାଡ଼ି ଦେଇଥିଲେ ଅନାଥ ଆଶ୍ରମର ବାହରେ, ଏହି କାରଣରୁ କୁହାଯାଇଥାଏ ‘ଟ୍ରାଜେଡ଼ି କ୍ଵୀନ’

ବଲିଉଡ଼୍ ର ଖ୍ୟାତନାମା ଅଭିନେତ୍ରୀ ମୀନା କୁମାରୀଙ୍କର ଆଜି ୮୫ ତମ ଜୟନ୍ତୀ ପାଳନ କରାଯାଉଛି। ସେ ଫିଲ୍ମ ଦୁନିଆରେ ମୀନା କୁମାରୀ ନାମରେ ପରିଚୟ ବନାଇ ପାରିଥିଲେ, କିନ୍ତୁ ତାଙ୍କର ଅସଲ ନାମ ମହଜବୀନ ବେଗମ ଥିଲା।

ମୁଖ୍ୟ କଥା:

ମୀନା କୁମାରୀଙ୍କର ୮୫ତମ ଜନ୍ମଦିନ
ଅସଲ ନାମ ଥିଲା ‘ମହଜବୀନ ବେଗମ’
କୁହାଯାଏ ‘ଟ୍ରାଜେଡ଼ି କ୍ଵୀନ’

ନୂଆଦିଲ୍ଲୀ ୧-୮ (ଓଡ଼ିଆ ପୁଅ): ବଲିଉଡ଼୍ ର ଖ୍ୟାତନାମା ଅଭିନେତ୍ରୀ ମୀନା କୁମାରୀଙ୍କର ଆଜି ୮୫ ତମ ଜୟନ୍ତୀ ପାଳନ କରାଯାଉଛି। ସେ ଫିଲ୍ମ ଦୁନିଆରେ ମୀନା କୁମାରୀ ନାମରେ ପରିଚୟ ବନାଇ ପାରିଥିଲେ, କିନ୍ତୁ ତାଙ୍କର ଅସଲ ନାମ ମହଜବୀନ ବେଗମଥିଲା। ତାଙ୍କର ଜନ୍ମ ୧ ଅଗଷ୍ଟ ୧୯୩୨ରେ ହୋଇଥିଲା। ହିନ୍ଦୀ ସିନେମାର ପରଦା ଉପରେ ଦେଖାଯାଇଥିବା ଆଜି ପର୍ଯ୍ୟନ୍ତ ସବୁଠାରୁ ଶ୍ରେଷ୍ଠ ଅଭିନେତ୍ରୀମାନଙ୍କ ମଧ୍ୟରେ ମୀନା କୁମାରୀଙ୍କର ନାମ ମଧ୍ୟ ଆସିଥାଏ। ନିଜର ୩୦ ବର୍ଷର ସମ୍ପୂର୍ଣ୍ଣ ଫିଲ୍ମ ଯାତ୍ରାରେ ମୀନା କୁମାରୀ ୯୦ରୁ ଅଧିକ ସିନେମାରେ କାମ କରିଛନ୍ତି। ତାଙ୍କ ଫିଲ୍ମକୁ ଆଜି କ୍ଲାସିକ ଶ୍ରେଣୀରେ ରଖା ଯାଉଛି ଏବଂ ଅନେକ ଫିଲ୍ମକୁ ଆଜି ମଧ୍ୟ ତାଙ୍କର ପ୍ରଶଂସକ ଶ୍ରଦ୍ଧା ଭାବରେ ଦେଖୁଛନ୍ତି। ମୀନା କୁମାରୀଙ୍କୁ ଦୁଖିଆରୀ ମହିଳାଙ୍କର ଭୂମିକା ବହୁତ କରିବାକୁ ମିଳିଥାଏ, ତାଙ୍କୁ ଫିଲ୍ମରେ କାନ୍ଦୁଥିବା ଦେଖିକରି ତାଙ୍କର ପ୍ରଶଂସକଙ୍କର ଆଖିରୁ ମଧ୍ୟ ଲୂହ ଆସିଯାଉଥିଲା। ହୁଏତ ଏହି କାରଣ ଥିଲା କି ମୀନା କୁମାରୀଙ୍କୁ ହିନ୍ଦୀ ସିନେମା ଜଗତର ‘ଟ୍ରାଜେଡି କ୍ଵୀନ’ ନାମରେ ପରିଚୟ ମିଳିଥିଲା।

ଅବଶ୍ୟ ତାଙ୍କ ବ୍ୟକ୍ତିଗତ ଜୀବନରେ ମଧ୍ୟ ଦୁଃଖ କମ ନଥିଲା ଏବଂ ଜନ୍ମରୁ ନେଇ କରି ମୃତ୍ୟୁ ପର୍ଯ୍ୟନ୍ତ ସେ ପ୍ରତ୍ୟେକ ସମୟରେ ଦୁଃଖର ସାମନା କରୁଥିଲେ। ଏଥିପାଇଁ ତାଙ୍କୁ ‘ଟ୍ରାଜେଡ଼ି କ୍ଵୀନ’ ର ଏହା ଟ୍ୟାଗ ବିଲ୍କୁଲ ଠିକ ଫିଟ ହେଉଥିଲା।

ବର୍ଷ ୧୯୬୨ ରେ ରିଲିଜ ହୋଇଥିବା ତାଙ୍କ ଫିଲ୍ମ ‘ସାହିବ ବୀବୀ ଔର ଗୁଲାମ’ ରେ ‘ଛୋଟୀ ବୋହୂ’ ର ଭୂମିକାରେ ମୀନା କୁମାରୀ ଅସଲ ଜୀବନରେ ମଧ୍ୟ ବହୁତ ଅଧିକ ମଦ୍ୟ ପାନ କରିବା ଆରମ୍ଭ କରି ଦେଲେଥିଲେ। ଅସଫଳ ବିବାହ ସଂପର୍କ ଏବଂ ପିତାଙ୍କ ସହ ମଧ୍ୟ ଖରାପ ସମ୍ପର୍କର କାରଣରୁ ସେ ଅଧିକ ମଦ ପିଇବାକୁ ଲାଗିଲେ ଏବଂ ଏହା ତାଙ୍କ ସ୍ୱାସ୍ଥ୍ୟ କ୍ରମାଗତଭାବେ ବିଗିଡ଼ିବାରେ ଲାଗିଲା। ଶେଷରେ ୩୧ ମାର୍ଚ୍ଚ ୧୯୭୨ରେ ଲିଭର ସିରୋସିସ କାରଣରୁ ତାଙ୍କର ମୃତ୍ୟୁ ହୋଇଥିଲା।

ମୀନା କୁମାରୀଙ୍କର ପ୍ରାରମ୍ଭିକ ଜୀବନ

ମୀନା କୁମାରୀ ନିଜର ମାତା-ପିତା ଇକବାଲ ବେଗମ ଏବଂ ଅଲୀ ବକ୍ଶଙ୍କର ତୃତୀୟ ଝିଅ ଥିଲେ। ଇରଶାଦ ଏବଂ ମଧୁ ନାମରେ ତାଙ୍କର ଦୁଇଜଣ ବଡ଼ ଭଉଣୀ ମଧ୍ୟ ଥିଲେ। କୁହା ଯାଉଛି କି ଯେତେବେଳେ ମୀନା କୁମାରୀଙ୍କର ଜନ୍ମ ହେଲା ସେହି ସମୟରେ ତାଙ୍କର ପିତାଙ୍କ ପାଖରେ ଡାକ୍ତରଙ୍କର ଫିସ ଦେବାକୁ ମଧ୍ୟ ପଇସା ନଥିଲା। ସେଥିପାଇଁ ମାତା-ପିତା ନିର୍ଣ୍ଣୟ କଲେକି ଶିଶୁ କନ୍ୟାକୁ କୌଣସି ମୁସ୍ଲିମ ଅନାଥାଳୟ ବାହରେ ଛାଡ଼ି ଦେବାକୁ ଏବଂ ସେମାନେ ତାହା ମଧ୍ୟ କଲେ। କିନ୍ତୁ ପରେ ମନ ନମାନିବାରୁ ଶିଶୁକନ୍ୟାକୁ କିଛି ଘଣ୍ଟା ପରେ ସେଠାରୁ ଉଠାଇ ନେଲେ।

ମୀନା କୁମାରୀଙ୍କର ପିତା ଏକ ପାରସୀ ଥିଏଟରରେ ହାର୍ମୋନିୟମ ବଜାଉଥିଲେ। ମ୍ୟୁଜିକ ଶିଖାଉଥିଲେ ଏବଂ ଉର୍ଦ୍ଦୁ ଶାୟରୀ ମଧ୍ୟ ଲେଖୁ ଥିଲେ। ପିତା ଅଲୀ ବକ୍ଶ ‘ଈଦ କା ଚାଂଦ’ ପରି କିଛି ଛୋଟ ବଜେଟର ଫିଲ୍ମରେ ଆକ୍ଟିଙ୍ଗ କରିଛନ୍ତି ଏବଂ ‘ଶାହୀ ଲୁଟେରେ’ ପରି ଫିଲ୍ମରେ ସଂଗୀତ ମଧ୍ୟ ଦେଇଛନ୍ତି। ମୀନା କୁମାରୀଙ୍କର ମା’ ତାଙ୍କର ପିତାଙ୍କର ଦ୍ୱିତୀୟ ପତ୍ନୀ ଥିଲେ ଏବଂ ସେ ଷ୍ଟେଜ ଡାନ୍ସର ଥିଲେ।

କୁହା ଯାଉଛି କି ମୀନା କୁମାରୀ ସ୍କୁଲ ଯିବାକୁ ଚାହୁଁଥିଲେ, କିନ୍ତୁ ତାଙ୍କର ପିତା ତାଙ୍କୁ ପିଲାଟି ବେଳରୁ ହିଁ ଫିଲ୍ମ ଦୁନିଆରେ ପ୍ରବେଶ କରାଇଥିଲେ। କୁହାଯାଉଛି କି ଛୋଟ ବୟସରୁ ନିଜର ପିତାଙ୍କୁ କହିଥିଲେ, ‘ମୁଁ ଫିଲ୍ମରେ କାମ କରିବାକୁ ଚାହୁଁନାହିଁ, ମୁଁ ସ୍କୁଲ ଯିବାକୁ ଚାହୁଁଛି ଏବଂ ଅନ୍ୟ ପିଲାଙ୍କ ପରି ପାଠ ପଢ଼ିବାକୁ ଚାହୁଁଛି।’ କିନ୍ତୁ ତାଙ୍କୁ ୭ ବର୍ଷର ବୟସରେ ହିଁ ଫିଲ୍ମରେ କାମ କରିବାକୁ ପଡ଼ିଥିଲା ଏବଂ ସେହି ସମୟରେ ସେ “ମହଜବୀନ”ରେ ବେବୀ ମୀନା ବନିଥିଲେ। ମୀନା କୁମାରୀଙ୍କର ପ୍ରଥମ ଫିଲ୍ମ ‘ଫରଜଂଦ-ଏ-ବତନ’ ନାମରେ ୧୯୩୯ରେ ରିଲିଜ ହୋଇଥିଲା। ବଡ଼ ହେବା ପରେ ତାଙ୍କ ପ୍ରଥମ ଫିଲ୍ମ ଯେଉଁଥିରେ ସେ ମୀନା କୁମାରୀ ନାମରେ ଆକ୍ଟିଙ୍ଗ କରିଥିଲେ ୧୯୪୯ ରେ ରିଲିଜ ହେଇଥିଲା ଫିଲ୍ମ ‘ବୀର ଘଟୋତ୍କଚ’।

୧୯୫୨ ରେ ରିଲିଜ ହୋଇଥିବା ଫିଲ୍ମ ‘ବୈଜୂ ବାବରା’ରେ ମୀନା କୁମାରୀଙ୍କୁ ହିରୋଇନ ରୂପରେ ପରିଚୟ ମିଳିଥିଲା। ତା’ ପରେ ୧୯୫୩ ରେ ‘ପରିଣୀତା’, ୧୯୫୫ ରେ ‘ଆଜାଦ’, ୧୯୫୬ ରେ ‘ଏକ ହୀ ରାସ୍ତା’, ୧୯୫୭ ରେ ‘ମିସ ମୈରୀ’, ୧୯୫୭ ରେ ‘ଶାରଦା’, ୧୯୬୦ ରେ ‘କୋହିନୂର’ ଏବଂ ୧୯୬୦ ରେ ‘ଦିଲ ନିଜର ଏବଂ ପ୍ରୀତ ପରାଈ’ ରେ ପରିଚୟ ମିଳିଥିଲା।

୧୯୬୨ ରେ ରିଲିଜ ହୋଇଥିଲା ଫିଲ୍ମ ‘ସାହେବ ବୀବୀ ଔର ଗୁଲାମ’ ରେ ଛୋଟ ବୋହୂର ଭୂମିକା ପାଇଁ ତାଙ୍କୁ ଖୁବ ପରିଚୟ ଏବଂ ପ୍ରଶଂସା ମିଳିଥିଲା। ସେହି ବର୍ଷ ସେ ଇତିହାସ ରଚିଥିଲେ ଏବଂ ଫିଲ୍ମଫେୟାର ବେଷ୍ଟ ଆକ୍ଟ୍ରେସର ଆୱାର୍ଡ ପାଇଁ ତୀନୋଟି ଫିଲ୍ମରେ ନୋମିନେଟେଡ୍ (ଫିଲ୍ମ ‘ଆରତୀ’, ‘ମୈଂ ଚୁପ ରହୂଂଗୀ’ ଏବଂ ‘ସାହେବ ବୀବୀ ଔର ଗୁଲାମ’) ମୀନା କୁମାରୀ ହିଁ ହୋଇଥିଲେ। ଛୋଟ ବୋହୂର ଭୂମିକା ପାଇଁ ତାଙ୍କୁ ବେଷ୍ଟ ଆକ୍ଟ୍ରେସ ରୂପେ ଚୟନ କରାଯାଇଥିଲା।

‘ଦିଲ ଏକ ମନ୍ଦିର’ (୧୯୬୩), ‘କାଜଲ’ (୧୯୬୫), ‘ଫୁଲ ଏବଂ ପତ୍ଥର’ (୧୯୬୬) ମଧ୍ୟ ତାଙ୍କ ନିର୍ଦ୍ଧାରିତ ସଫଳ ଫିଲ୍ମ। ୧୯୬୪ ରେ ପତି କମାଲ ଅମରୋହୀଙ୍କଠାରୁ ତଲାକ ପରେ ତାଙ୍କର ମଦ୍ୟ ପାନର ଅଭ୍ୟାସ ପଡ଼ିଯାଇଥିଲା। ମଦ କାରଣରୁ ୧୯୬୮ ରେ ମୀନା କୁମାରୀ ଅଧିକ ରୋଗାକ୍ରନ୍ତ ହେଲେ ଏବଂ ତାଙ୍କୁ ଚିକିତ୍ସା ପାଇଁ ଲଣ୍ଡନ ଏବଂ ସ୍ଵିଟଜରଲ୍ୟାଣ୍ଡ ନିଆଯାଇଥିଲା। ପରେ ଠିକ ହୋଇକରି ଆସିବା ପରେ ସେ କ୍ୟାରେକ୍ଟର ରୋଲ କରିଥିଲେ।

ମୀନା କୁମାରୀଙ୍କର ପୂର୍ବ ପତି କମାଲ ଅମରୋହୀଙ୍କର ଫିଲ୍ମ ‘ପାକୀଜା’ କୁ ବନି କର ରିଲିଜ ହେବାପାଇଁ ୧୪ ବର୍ଷର ଲମ୍ବା ସମୟ ଲାଗିଥିଲା। ପ୍ରଥମ ଥର ଫିଲ୍ମ ୧୯୫୮ ରେ ପ୍ଲାନିଙ୍ଗ କାରଯାଇଥିଲା ଏବଂ ୧୯୬୪ ରେ ଫିଲ୍ମ ନିର୍ମାଣ ଆରମ୍ଭ ହେଲା, କିନ୍ତୁ ୧୯୬୪ ରେ ଦୁଇଜଣଙ୍କର ତଲାକ କାରଣରୁ ଅଧାରୁ ଅଧିକ ବନିସାରିଥିବା ଫିଲ୍ମ ରୋକିଯାଇଥିଲା। ୧୯୬୯ ରେ ସୁନୀଲ ଦତ୍ତ ଏବଂ ନର୍ଗିସ ଫିଲ୍ମର କିଛି ଦୃଶ୍ୟ ଦେଖିଲେ ଏବଂ ସେ କମାଲ ଅମରୋହୀ ଏବଂ ମୀନା କୁମାରୀକୁ ଫିଲ୍ମ ସମ୍ପୂର୍ଣ୍ଣ କରିବା ପାଇଁ ମନାଇଥିଲେ।

ଶେଷରେ ‘ପାକୀଜା’ ଫେବ୍ରୁଆରୀ ୧୯୭୨ ରେ ରିଲିଜ ହୋଇଥିଲା ଏବଂ ବକ୍ସ ଅଫିସ୍ ରେ ଦର୍ଶକଙ୍କର ସ୍ନେହ ମିଳିଲା ନାହିଁ, କିନ୍ତୁ ୩୧ ମାର୍ଚ୍ଚ ୧୯୭୨ରେ ମୀନା କୁମାରୀଙ୍କର ଅଚାନକ ମୃତ୍ୟୁ ପରେ ଫିଲ୍ମ ସୁପରହିଟ ପ୍ରମାଣିତ ହୋଇଥିଲା। ସିନେମାରେ କାମ କରିବା ସତ୍ତ୍ୱେ ମୀନା କୁମାରୀଙ୍କର ଫିଲ୍ମ ସହିତ ସଂପର୍କ ସବୁବେଳେ ଲଭ-ହେଟ ର ରହିଥିଲା। ଅଭିନେତ୍ରୀମାନଙ୍କ ମଧ୍ୟରେ ସେ ଜଣେ ଭଲ ଉର୍ଦ୍ଦୁ ଶାୟେରୀ ଥିଲେ।

ଫିଲ୍ମ ଦୁନିଆରେ ଏତେ ନାମ କମାଇବା ପରେ ମୀନା କୁମାରୀ ନିଜର ମୃତ୍ୟୁ ପୂର୍ବରୁ ପୁଣି ଥରେ ସେହି ଅବସ୍ଥାରେ ପହଁଞ୍ଚିଥିଲେ, ଯେଉଁ ଅବସ୍ଥାରେ ତାଙ୍କର ଜନ୍ମ ହୋଇଥିଲା। କୁହାଯାଉଛି କି ଯେତେବେଳେ ମୀନା କୁମାରୀଙ୍କର ଏକ ନର୍ସିଂଗ ହୋମରେ ମୃତ୍ୟୁ ହୋଇଥିଲା ସେହି ହସ୍ପିଟାଲର ବିଲ ଦେବା ପାଇଁ ପଇସା ନଥିଲା।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top