କରିଥାନ୍ତି ପ୍ରେମନିବେଦନ

– ଲଲାଟେନ୍ଦୁ କବି ସୁଦୂରବାସିନୀ ମୄଦୁଳହାସିନୀ ପ୍ରେମପିପାସିନୀ ଶୁଣ, କି ଲାଗି ଅନ୍ତରେ ଜାଗିଲା ସତ୍ୱରେ ପ୍ରେମରଙ୍ଗ ନବାରୁଣ ?୧॥ ନହୁଲୀ ବୟସେ ମହୁଲୀ ମନସେ ଚହଲିଲା ପ୍ରୀତିସର, କିଏ ପରଦେଶୀ ହୄଦୟେ ପ୍ରବେଶି ସଂବେଶିଲା ବାସଘର ।୨॥ କଜ୍ଜଳ-ଲେପିତ କିଞ୍ଜଳ-ପ୍ରତୀତ ଦୄଗ୍ଜଳ-ପ୍ରସିକ୍ତ-ଦୄଷା କୁଞ୍ଚିତ କୁନ୍ତଳ ଲୁଣ୍ଠିତ ଅଞ୍ଚଳ ତୄଷିତ-ବାଗ୍ଦଳ-ଭୂଷା; ୩॥ କାନନ-ମୁଦିରା ଆନନ-ରୁଚିରା ଗାୟନ-ସୁଗିରା ଧୀରା, ଶୂନ୍ୟ-ଆଲୋକିନୀ ପୁଣ୍ୟ-ପଲ୍ଲବିନୀ ଦୈନ୍ୟ-ବିଲୋପିନୀ ହୀରା !୪॥ କା ମନୋହାରିଣୀ ଏ ବନଚାରିଣୀ ପ୍ରେମପୂଜାରିଣୀ ତୁମେ ? ତୁମ ଆଶେ ସାରା ଆଶାର ଇସାରା ଈପ୍ସିତ ପସରା ଝୁମେ ।୫॥ ତୁମେ କା ପୂଜାର ଅର୍ଘ୍ୟ ଉପଚାର, ଉପହାର ଉପାସନେ, କା ହୄଦୟରାଣୀ, ଇନ୍ଦ୍ରବଜ୍ରା ବାଣୀ ମଣିରତ୍ନ ସିଂହାସନେ…

"କରିଥାନ୍ତି ପ୍ରେମନିବେଦନ"

ସେଦିନ ସଞ୍ଜ

– ମାନସ ରଂଜନ ପଣ୍ଡା ସେଦିନ ସଞ୍ଜ ସରିଗଲା ସିନା ସଜେଇଲା ରାତି ସପନ, ସୁଅହୀନ ମୋର ଜୀବନ ଯମୁନା ପାଇଲା ଜିଇଁବା କାରଣ। ରିକ୍ତ ରାତିର ଶୂନ୍ଯ ଶେଯକୁ ଚଂପକ ବାସ ଛୁଇଁଲା, କାହା ଆଖିପତା କଜଳରେ ପୁଣି ଏ ହାତ କବିତା ଲେଖିଲା । ହେଲା ମତୁଆଲା ମନ ମଧୁଶାଳା ସେ ହେଲା ରାଧା ମୁଁ ମୋହନ । ସୁଅହୀନ ମୋର       ଜୀବନ ଯମୁନା ପାଇଲା ଜିଇଁବା କାରଣ । ପୁଣି ସେଇ ସଞ୍ଜ ଫେରିବନି କେବେ ଏଇ ଜୀବନେ ମୁଁ ଜାଣେ, ହଜାରେ ହେନାର ଓଠ ପାଖୁଡାରେ ଫୁଟିବନି ହସ ଜାଣେ, ତଥାପି ସେଦିନ ସଞ୍ଜକୁ ନେଇ ଭୁଲିଯିବି ଯେତେ ଦହନ । ସେଦିନ ସଞ୍ଜ.          ସରିଗଲା…

"ସେଦିନ ସଞ୍ଜ"

ଲୁହର ଗଜରା

– ଯୋଗାନନ୍ଦ ସାହୁ ଲିଖିତଂ ରସିଦ ଏହି କି ଯେ ଆମ୍ଭେ ତୁମ୍ଭଙ୍କୁ ଆମ୍ଭ ହୃଦୟ ବିକିଛୁ, ବିକ୍ରି ବାବଦକୁ ଉଚିତ ମୂଲ୍ୟ ପାଇଛୁ ବୋଲି ଏହି ରସିଦ ଦେଉଛୁ ।।୦।। କୋହ ବି ପାଇଛୁ, ଓହୋ ବି ପାଇଛୁ ଦ୍ରୋହ ବି ପାଇଛୁ କେତେ ଗୋଟି ଗୋଟି କରି ଗଣି କି ନେଇଛୁ ଛଳନା ପାଇଛୁ ଯେତେ ଲିଖିତଂ ରସିଦ ଏହି କି ଯେ ସ୍ଥିର ଚିତ୍ତରେ ଆମ୍ଭେ ହୃଦୟ ବିକିଛୁ କାଳେ କିଏ କେବେ ପ୍ରମାଣ ମାଗିବ, ତେଣୁ ଏ ରସିଦ ଲେଖି କି ଦେଉଛୁ ।।୧।। ନିନ୍ଦାର ସୁନ୍ଦର କଣ୍ଟାର ଚାଦର, ଲୁହର ଗଜ଼ରା ହାର କପଟ ସ୍ନେହର ମଧୁର ଜହର,…

"ଲୁହର ଗଜରା"

ଲୋକହସା ହେବା କଥା – ଏଥୁ ନାହିଁ ଅନ୍ୟଥା

(କବିସୂର୍ଯ୍ୟ ବଳଦେବ ରଥଙ୍କୁ ସର୍ମପିତ) – ବିନୟ ଭୂଷଣ ମହାପାତ୍ର ବରଜି ବିହଙ୍ଗ ମୀନ ଭକ୍ଷଣ, ସରସୀ ମଧ୍ୟରେ କଲେ ଭ୍ରମଣ, ବାରିଜ ନାଡକୁ କରିଲେ ପାକ, ହଂସରେ ଗଣାକି ହୋଇବ ବକ ! ଲୋକହସା ହେବା କଥା ଏଥୁ ନାହିଁ ଅନ୍ୟଥା ॥୧॥ ଚୂତ ତରୁଡାଳେ କଲେ କୁଜନ, ମଢ ଖାଇବାରେ ନ ଦେଲେ ମନ, ଶାବକ ଜନ୍ମାଇ ବସାରେ ଆନ, କାକ କି କରିବ କୋକିଳ ଗାନ ! ଲୋକହସା ହେବା କଥା ଏଥୁ ନାହିଁ ଅନ୍ୟଥା ॥୨॥ ହଳାହଳ ବିଷ ସେବନ କରି, ସର୍ପର ସାଙ୍ଗରେ କଲେ ବଇରୀ, ଛାଡିଲେ ଘଡିଏ ମୁଣ୍ଡ ଟୁଙ୍ଗାରି, ସରଟ ନକୁଳେ ହେବ କି ସରି…

"ଲୋକହସା ହେବା କଥା – ଏଥୁ ନାହିଁ ଅନ୍ୟଥା"

ମୁହୂର୍ତ୍ତର ସ୍ୱପ୍ନ

ସିପ୍ରା ନାମତା (ନମ୍ରତା) ଚାଲ, ଅସହାୟ ମୁହୂର୍ତ୍ତକୁ ସାଉଁଟି ଆଣିବା ବାର ହାତ ଶାଢ଼ୀ ପଣତ ଓ ଦଶ ହାତ ଧୋତିର ଧଡିରେ ବାସ୍ତବିକତାର ମଧୁର ବନ୍ଧନରେ କେବେ ନ ଫିଟିବାର ଗଣ୍ଠି ଟିଏ ଦେବା , ହୃଦୟର ଅଳିନ୍ଦ ନୀଳୟର ସୁକ୍ଷ୍ମ ଧମନୀ ଓ ଅସଂଖ୍ୟସ୍ନାୟୁ କୋଷିକାର ଶିରା ପ୍ରଶିରାରେ , ଲାଲ ସମ୍ପର୍କର ଅଣୁ ପରମାଣୁ ତିଆରି କରିବା ॥ ଚାଲ, ଆକାଶର ଅଗଣାରେ ଗଢ଼ିଦେବା ବଉଦର ଭସା ବାଲିରେ, ବେଦନାର ସିମେଣ୍ଟ ଦେଇ ବିଶ୍ୱାସର ମାଟିରେ ଦୁଇହାତ ଆଙ୍ଗୁଳି ମିଶାଇ କାନ୍ଥ ପରେ କାନ୍ଥ ଯୋଡି ଅଭଙ୍ଗା ଘର ଟିଏ ତୋଳି ହଜିଯାଇଥିବା ଦିନ ସବୁ ଖୋଜି ଆଣିବା , ପ୍ରେମ…

"ମୁହୂର୍ତ୍ତର ସ୍ୱପ୍ନ"

ନଦୀ ଓ ନାରୀ !

ପୂର୍ଣ୍ଣଚନ୍ଦ୍ର ମହାକୁଡ ଝର ଝର ଝରିପଡେ ଶୈଶବରେ ଗିରିକନ୍ଦରରୁ ଶୁଭ୍ର ସ୍ପଟିକର ରଙ୍ଗ ଆହ୍ଲାଦିତ ମନ ମା ଗର୍ଭୁ ଜନ୍ମ ନିଏ ଅଭିଷ୍ଟ ସନ୍ତାନ। ସମତଳ ମାଟି ଛୁଇଁ ଖସିଯାଏ ଖସଡା ପଥରେ ଯୌବନରେ ପାଦ ଦେଲେ ବେଗବତି ଖରସ୍ରୋତା ହୁଏ। ମାନେ ନାହିଁ ବନ୍ଧ ବାଡ ତିବ୍ର ହୁଏ ପ୍ରଖର ପ୍ରବାହ ଫୁଲି ଉଠେ ସ୍ରୋତସିନୀ ଛାତି ଉଗ୍ର ରୂପ ଧରେ କେବେ ପୁଣି କେବେ ହୁଏ ସ୍ଥିର ଚିତ୍ତ। ନାରୀ ବି ତ ନଦୀ ପରି ଗତିଶିଳ ଉନ୍ମୁକ୍ତ ଅବାଧ ସ୍ନେହ, ପ୍ରେମ, ମମତାର ଉତ୍ସ ନଦୀସମ ଜୀବନଦାୟିନୀ ନାରୀ ଅଛି ବୋଲି ତ କବି ଲେଖେ ପ୍ରଣୟ ସଙ୍ଗୀତ। ସା/ପୋ :…

"ନଦୀ ଓ ନାରୀ !"

ରାଜା ଝିଅ ସାଥେ ରଜ

ଶୈବାଳିନୀ ସାହୁ ରାଜା ଝିଅ ତମେ ରାଜି ହେବ ଯଦି ରଜ ଦିନ ଚାଲ ବସିବା ମିତ ତୁମ ପାଇଁ ଦୋଳି ବାନ୍ଧୁଥିବି ମୁହିଁ ତୁମେ ମୋତେ ନେଇ ବାନ୍ଧିବ ଗୀତ । ବଢ଼ିଲା ନଈର ସୁଅ ପରି ଥରେ ଏସନ ରଜରେ ଆସିବ ଧାଇଁ ମୋ ଛୋଟ ପଲ୍ଲୀର ପାଣି ଓ ପବନ ତୁମ ଆସିବାକୁ ଅଛି ଅନେଇ । ପାଣିକାଚ ଚୁଡ଼ି ରୂପାର ପାଉଁଜି ନାଲି ବିନ୍ଦି ରଖିଥିବି ସାଇତି ସାତ ସପନ ମୋ ଏ ଛୋଟ ପଲ୍ଲୀରେ ହୀରା ନୀଳା ଅବା ମାଣିକ ମୋତି । ଆଦ୍ୟ ଆଷାଢର ଟୋପି ଟୋପି ବର୍ଷା ମିତ ବସିବାରେ ଦେବ କି ବାଧା ରାଜା…

"ରାଜା ଝିଅ ସାଥେ ରଜ"

ତଥାପି ମୋ ଗାଁ ହସୁଛି

ପ୍ରଶାନ୍ତ କୁମାର ନାଥ ବଳଦ ପାଇଁକି ଗୁହାଳ ନାହିଁ ଲଙ୍ଗଳ ପାଇଁକି ଓଲିଟେ ନାହିଁ ଅମଳ ପାଇଁକି ଖଳାଟେ ନାହିଁ ରଖିବା ପାଇଁକି ଅମ୍ଭାର ନାହିଁ ସବୁତ ବଦଳି ଯାଇଛି ତଥାପି ମୋ ଗାଁ ହସୁଛି। ସକାଳ ହୋଇଲେ ରାବୁନି କାଉ ପିଢ଼ା ନାହିଁ ଆଉ ମାଡିବ ଲାଉ ଚାଷ ହେଉନାହିଁ ଭଲରେ ଆଉ ଖାଆନ୍ତି ନି କେହି ମାଣ୍ଡିଆ ଯାଉ ସେସବୁ ପୁରୁଣା ହେଇଛି ତଥାପି ମୋ ଗାଁ ହସୁଛି। ଓଷା ପରବରେ ଚିତା ପଡୁନି ନୂଆବୋହୂ ଆଉ ଲାଜ କରୁନି ପଖାଳ ଖାଇଲେ ଦେହେ ଯାଉନି ବାଡ଼ିରେ ବି ଛତୁ ଆଉ ଫୁଟୁନି ସନ୍ଧ୍ୟାରେ ବିଲୁଆ ଜମା ଭୁକୁନି ସବୁତ ବଦଳି ଯାଇଛି…

"ତଥାପି ମୋ ଗାଁ ହସୁଛି"

ପାରୁଛ ଯଦି ଫେରିଆସ…..

-ପ୍ରଶାନ୍ତ କୁମାର ବେହେରା ତୁମର ସବୁ ଛଳନାରେ ହରାଇଛି ମୋର ନୀତି ଓ ଆଦର୍ଶ॥ ସବୁ ବାହାନା ଆଗରେ ତୁମର ଜଳାଞ୍ଜଳି ଦେଇଛି ସବୁ ମହତ୍ତ୍ୱକୁ ମୋର॥ ଆଉ ତୁମ ପ୍ରତାରଣା ଆଗରେ ସମର୍ପି ଦେଇଛି ମୋର ସବୁ ମର୍ଯ୍ୟାଦାକୁ॥ ତୁମର ସବୁ ଛଳନା, ବାହାନା ଓ ପ୍ରତାରଣାରେ ହୋଇଛି ମୁଁ ପଥଭ୍ରଷ୍ଟ, ଉଦଭ୍ରାନ୍ତ ଓ ବିଶୃଙ୍ଖଳ॥ ହରାଇ ଦେଇଛି ତୁମ ମିଛ ସାନ୍ନିଧ୍ୟରେ ମୋ ନିଜର ସମସ୍ତ ମାନବୀୟ ଗୁଣବତ୍ତା॥ ତୁମର ମୋହାବିଷ୍ଚ ଚେନାଏ ହସରେ ପାଇଥିଲି ଶାନ୍ତି, ତୃପ୍ତି ଆଉ ସବୁକିଛି॥ ଏମିତି କ’ଣ ଦିଆଯାଏ ବିଷ ମୋ ପରି ଅସହାୟ, ନିରୁପାୟ ଆଉ ସରଳ ଲୋକଟିକୁ ? କୁହାଯାଏ ପରା ପ୍ରେମରେ…

"ପାରୁଛ ଯଦି ଫେରିଆସ….."

ଲାଜ ରହିବା କଥା

କୃତିବାସ ନାୟକ ଟଂକାରେ କେଜିଏ ଚାଉଳ ମିଳୁଛି ପାଞ୍ଚଟି ଟଂକାରେ ଆହାର କାହାପାଇଁ ଏହି ଯୋଜନା ହେଇଛି ମନେ ପଡୁନାହିଁ ମୋହର। ଜମିବାଡି ଅଛି ଫସଲ ଫଳୁଛି ପୁଅ ବି କରୁଛି ଚାକିରି ମହିଳା ଗୋଷ୍ଠୀରେ କାମକରେ ବୋହୁ ତଥାପି ମନଟା ଭିକାରି। ପେନସନ ମିଳେ ପ୍ରାସାଦ ତୋଳିଛି ସେକଥାକୁ କିଏ ଜାଣୁଛି ? ଗରିବ ଯୋଜନା ସୁବିଧା ନେବାକୁ ବାବୁଙ୍କର ମନ କିଣୁଛି. ଇନ୍ଦିରା ଆବାସ ବୁଢ଼ୀକୁ ମିଳିଛି ତାକୁ ମୁଁ ଭଡ଼ାରେ ଦେଇଛି ବିପି ଏଲ କାର୍ଡ଼ ଯୋଗାଡ଼ କରିଛି ଦୋକାନୀ ପାଖରେ ଥୋଇଛି।

"ଲାଜ ରହିବା କଥା"