Category: କେନ୍ଦ୍ରାପଡ଼ା

କେନ୍ଦ୍ରାପଡା ୩୧/୭ (ଓଡିଆ ପୁଅ ଚିତ୍ତରଞ୍ଜନ ଦାସ)- ଜିଲାର ୯ଟି ବ୍ଲକ ମଧ୍ୟରୁ କେନ୍ଦ୍ରାପଡା, ଆଳି, ରାଜକନିକା ଓ ମହାକାଳପଡା ବ୍ଲକରେ ବ୍ଲକ ଶିକ୍ଷା ଅଧିକାରୀଙ୍କ ପଦ ଖାଲି ପଡିଥିବାବେଳେ ଜିଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ଅତିରିକ୍ତ ଜିଲା ଶିକ୍ଷା ଅଧିକାରୀ ଏବଂ ସର୍ବଶିକ୍ଷା ଅଭିଯାନର ପ୍ରକଳ୍ପ ସଂଯୋଜକଙ୍କ ପଦ ବର୍ଷବର୍ଷ ଧରି ଖାଲି ପଡିଛି । ଏହାବ୍ୟତୀତ ଜିଲାର ୧୯୨ଟି ସରକାରୀ ହାଇସ୍କୁଲ ମଧ୍ୟରୁ ୧୦୧ଟି ସରକାରୀ ହାଇସ୍କୁଲରେ ପ୍ରଧାନଶିକ୍ଷକ ପଦ, ୨ଶହରୁ ଅଧିକ ସହକାରୀ ଶିକ୍ଷକଙ୍କ ପଦ, ୬୪ଟି ହାଇସ୍କୁଲର କିରାଣୀ ପଦ ଏବଂ ୧୪୭ ଚତୁର୍ଥଶ୍ରେଣୀ କର୍ମଚାରୀ (ପିଅନ ଓ ରାତ୍ରି ଜଗୁଆଳି) ପଦ ଖାଲି ପଡିଛି । ଏହାଦ୍ୱାରା ଜିଲାର…

କେନ୍ଦ୍ରାପଡା ୩୧/୭(ଓଡିଆ ପୁଅ ଚିତ୍ତରଞ୍ଜନ ଦାସ)- ଗୁପ୍ତକ୍ଷେତ୍ର ସଖିବଟରେ ହେମନ୍ତ କୁମାର ସେନାପତିଙ୍କ ତତ୍ତ୍ୱାବଧାନରେ ସଦ୍ଗୁରୁ ଅନୁକୁଳ ଚନ୍ଦ୍ରଙ୍କ ସତ୍ସଙ୍ଗର ଆୟୋଜନ କରାଯାଇଥିଲା । ଭକ୍ତମାନେ ବିନତି ପ୍ରାର୍ଥନା କରିସାରିବାପରେ ଏହି କାର୍ଯ୍ୟକ୍ରମ ସଂପର୍କରେ ଗୈାରାଙ୍ଗ ଚରଣ ସାହୁ ପ୍ରାରମ୍ଭିକ ସୂଚନା ଦେଇଥିଲେ । କେନ୍ଦ୍ରାପଡା ସତ୍ସଙ୍ଗ ବିହାର କେନ୍ଦ୍ରର ସଭାପତି ଗୁରୁଚରଣ ପରିଡାଙ୍କ ଅଧ୍ୟକ୍ଷତାରେ ସତ୍ସଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଭୁବନେଶ୍ୱରର ଚିନ୍ତାମଣି ବାରିକ ଉଦ୍ବୋଧନ ଦେଇ ଅନୁକୁଳ ଚନ୍ଦ୍ରଙ୍କ ଜୀବନାଦର୍ଶ ସଂପର୍କରେ ଆଲୋଚନା କରିଥିଲେ । ପଣ୍ଡିତ ହୃଷିକେଶ ରଥ, ସଖିବଟ ଉନ୍ନୟନ ପରିଷଦର ସଭାପତି ନିରଞ୍ଜନ ସାହୁ ପ୍ରମୁଖ ଉତ୍ସବ ପରିଚାଳନା କରିଥିଲେ ।

କେନ୍ଦ୍ରାପଡା ୩୧/୭(ଓଡିଆ ପୁଅ ଚିତ୍ତରଞ୍ଜନ ଦାସ)- କେନ୍ଦ୍ରାପଡା ବ୍ଲକ ଅନ୍ତର୍ଗତ ନିକିରାଇ ପଞ୍ଚାୟତର ହରିନବାବି ପାଟଣା ଗ୍ରାମର ପଦ୍ମଲୋଚନ ସାହୁ ଓ ତାଙ୍କ ଗ୍ରାମର ଶତାଧିକ ଲୋକ ଗୁରୁବାର ଉପଜିଲାପାଳଙ୍କୁ ଭେଟି ଅଭିଯୋଗ କରିଥିଲେ ଯେ ତାଙ୍କ ଗ୍ରାମର କିଛି ଅଯୋଗ୍ୟ ହିତାଧିକାରୀ ଖାଦ୍ୟ ସୁରକ୍ଷା ଯୋଜନାରେ ବେଆଇନଭାବେ ପଡିକାର୍ଡ ହାତେଇ ନେଇଛନ୍ତି । ଉପଜିଲାପାଳ ଏ ସଂପର୍କରେ ତଦନ୍ତ କରି ଆବଶ୍ୟକ ପଦକ୍ଷେପ ନେବାପାଇଁ କେନ୍ଦ୍ରାପଡା ବିଡିଓଙ୍କୁ ନିଦେ୍ର୍ଦଶ ଦେଇଥିଲେ ।

କେନ୍ଦ୍ରାପଡା ୩୧/୭(ଓଡିଆ ପୁଅ ଚିତ୍ତରଞ୍ଜନ ଦାସ)- ମହାକାଳପଡା ବ୍ଲକ ଅନ୍ତର୍ଗତ ଜୟଚନ୍ଦ୍ରପୁର ଗ୍ରାମର କୁଞ୍ଜବିହାରୀ ସ୍ୱାଇଁଙ୍କ ପନ୍ôୀ ଅଞ୍ଜଳୀ ସ୍ୱାଇଁ ଗୁରୁବାର ଜିଲାପାଳଙ୍କୁ ଭେଟି ନିବେଦନ କରିଥିଲେ ଯେ ସେ ଦାରିଦ୍ର୍ୟ ସୀମାରେଖାତଳେ ଥିବା ଜଣେ ଦିନମଜୁରିଆ ହୋଇଥିଲେ ସୁଦ୍ଧା ତାଙ୍କୁ ଏପର୍ଯ୍ୟନ୍ତ ପ୍ରଧାନମନ୍ତ୍ରୀ ଆବାସ ଯୋଜନାରେ ଗୃହଟିଏ ଯୋଗାଇ ଦିଆଯାଉନାହିଁ । ଏ ସଂପର୍କରେ ଅଞ୍ଜଳି ମହାକାଳପଡା ବିଡିଓଙ୍କୁ ବାରମ୍ବାର ଗୁହାରି କରୁଥିଲେ ସୁଦ୍ଧା ତାଙ୍କ କଥା ବିଚାରକୁ ନିଆଯାଉନାହିଁ । ଜିଲାପାଳ ଏ ସଂପର୍କରେ ଆବଶ୍ୟକ ପଦକ୍ଷେପ ନେବାପାଇଁ ମହାକାଳପଡା ବିଡିଓଙ୍କୁ ନିଦେ୍ର୍ଦଶ ଦେଇଥିଲେ ।

କେନ୍ଦ୍ରାପଡା ୩୧/୭(ଓଡିଆ ପୁଅ ଚିତ୍ତରଞ୍ଜନ ଦାସ) – କେନ୍ଦ୍ରାପଡାରେ କେବଲୁ ଟିଭି କମ୍ପାନୀ ଟାଟା ସ୍କାଏ ପୈାରସଂସ୍ଥା ଅନ୍ତର୍ଗତ କଜଳାର ଜଣେ ଗ୍ରାହକଙ୍କୁ କେବୁଲ୍ ଟିଭି ଲାଇନ୍ ପ୍ରଦାନରେ ହଇରାଣ ହରକତ କରିବାରୁ ଏବଂ ଅଧିକ ଅର୍ଥ ଆଦାୟ କରିବାରୁ ସେ ତାହାର ପ୍ରତିବାଦ କରିଥିଲେ । ଏହାଦ୍ୱାରା ତାଙ୍କ କେବୁଲ୍ ଟିଭି ସଂଯୋଗକୁ କାଟିଦିଆଯାଇଥିଲା । ଏହା ବିରୋଧରେ କଜଳାର ଗ୍ରାହକ ମନୋଜ ଶତପଥିଙ୍କ ପନ୍ôୀ ପ୍ରଣତି ଶତପଥି ଜିଲା ଖାଉଟି ଅଦାଲତରେ ସଂପୃକ୍ତ କମ୍ପାନୀ ବିରୋଧରେ ଏକ ମାମଲା ଦାୟର କରିଥିଲେ । ଏହି ମାମଲାର ବିଚାର କରି ଖାଉଟି ଅଦାଲତର ଜଜ୍ ବିଜୟ କୁମାର ଦାସ ଟାଟା ଟିଭି କମ୍ପାନୀର କେନ୍ଦ୍ରାପଡା…

କେନ୍ଦ୍ରାପଡା ୩୧/୭(ଓଡିଆ ପୁଅ ଚିତ୍ତରଞ୍ଜନ ଦାସ) – ସଦରଥାନା ପୁଲିସ ବଗଡା ପଞ୍ଚାୟତର ତୁଣୁପୁର ଗ୍ରାମର ଯୋଗେନ୍ଦ୍ର ପ୍ରଧାନଙ୍କ ପୁଅ ଅବୁଆ ଓରଫ ରାଜେନ୍ଦ୍ର ପ୍ରଧାନ (୩୩)କୁ ବୁଧବାର ଭୁବନେଶ୍ୱରରୁ ଗିରଫ କରି ଥାନାକୁ ଆଣି ଅଟକ ରଖି ପଚରାଉଚରା କରୁଛି । ସେ କେନ୍ଦ୍ରାପଡା ଓ ବାହାର ଜିଲାର ବହୁ ଗୁରୁତର ଅପରାଧରେ ସଂପୃକ୍ତ ଥିବା ପୁଲିସ ଆଗରେ ସ୍ୱୀକାର କରିଥିବା ସଦର ଥାନା ପୁଲିସ ସୁତ୍ରରୁ ପ୍ରକାଶ ।

କେନ୍ଦ୍ରାପଡା ୩୧/୭(ଓଡିଆ ପୁଅ ଚିତ୍ତରଞ୍ଜନ ଦାସ) – କେନ୍ଦ୍ରାପଡା ଭିଜିଲାନ୍ସ ୟୁନିଟର ଡିଏସ୍ପି ଶରତ ଚନ୍ଦ୍ର ସାହୁଙ୍କର ୫୬ ବର୍ଷ ବୟସରେ ଯକୃତ ଜନିତ ରୋଗରେ ବୁଧବାର ଭୁବନେଶ୍ୱର ଆପୋଲ ହସ୍ପିଟାଲରେ ଅକାଳ ବିୟୋଗ ଘଟିଛି । ସ୍ୱର୍ଗତଃ ସାହୁ ପ୍ରାୟ ଏକମାସ ହେବ କେନ୍ଦ୍ରାପଡାରେ ଭିଜିଲାନ୍ସ ଡିଏସ୍ପି ଭାବେ ଯୋଗ ଦେଇଥିଲେ । ତାଙ୍କ ଜନ୍ମସ୍ଥାନ ଖୋର୍ଦ୍ଦା ଜିଲାର ବାଲିଅନ୍ତା ଗ୍ରାମରେ ।