ସ୍ୱେଚ୍ଛାକୃତ ରକ୍ତଦାନ ଶିବିର ଏବଂ ବିବେକାନନ୍ଦଙ୍କ ଜୟନ୍ତୀ ପାଳିତ

ଅନୁଗୋଳ, ୧୪/୧(ଓଡ଼ିଆ ପୁଅ/ଅଜିତ କୁମାର ବେହେରା): ଗତ ୧୨ତାରିଖ ଦିନ ଜାତୀୟ ଯୁବ ଦିବସ ପାଳନ ଅବସରରେ ଆଠମଲ୍ଲିକ ସ୍ଥିତ ମାଁ ମାଉଳୀ ଯୁବକ ସଂଘ, ବେଲାଦୁଲା ଏବଂ ନେହେରୁ ଯୁବ କେନ୍ଦ୍ର, ଅନୁଗୋଳର ମିଳିତ ଆନୁକୂଲ୍ୟରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଏବଂ ବିବେକାନନ୍ଦ ଜୟନ୍ତୀ ପାଳିତ ହୋଇଯାଇଛି। ବେଲାଦୁଲା ଉ.ପ୍ରା ସ୍କୁଲରେ ଅନୁଷ୍ଠିତ ଏହି ଶିବିରରେ ମୁଖ୍ୟ ଅତିଥିଭାବେ ଆଠମଲ୍ଲିକ, ଡି.ଏଫ୍.ଓ ସମ୍ୟକ ସାମନ୍ତରା ଯୋଗଦାନ କରିଥିଲେ। ମୁଖ୍ୟ ଅତିଥିଙ୍କ ସମେତ ମାଁ ମାଉଳୀ ଯୁବକ ସଂଘର ସଦସ୍ୟ, ବନ ବିଭାଗ କର୍ମଚାରୀ, ବେଲାଦୁଲା ଗ୍ରାମର ଯୁବଗୋଷ୍ଠୀ, ମହିଳା, ବାବା ସିଦ୍ଦେଶ୍ୱର କ୍ଲବ, ଗୈାତମପୁର, ବେଲାଦୁଲା ବିଦ୍ୟାଳୟ ଏବଂ ଅର୍ଜୁନ ବିଦ୍ୟାଳୟର ଶିକ୍ଷକମାନେ ଶିବିରରେ ରକ୍ତଦାନ କରିଥିଲେ। ମୋଟ ୪୩ ୟୁନିଟ୍ ରକ୍ତ ସଂଗ୍ରୁହିତ ହୋଇଥିଲା। ଡ.ଆଦିତ୍ୟ ପ୍ରସାଦ ପଣ୍ଡା ରକ୍ତଦାତାଙ୍କର ସ୍ୱାସ୍ଥ୍ୟ ପରୀକ୍ଷା କରିଥିଲେ। ମାଁ ମାଉଳୀ ଯୁବକ ସଂଘର ସଭାପତି ପ୍ରଦୀପ ମେହେର, ସଦସ୍ୟ କୈାଶିକ ମେହେର, ଦୁଃଖୀଶ୍ୟାମ ମେହେର, କରୁଣାକର ମେହେର, ପ୍ରତାପ ମେହେର, ସନାତନ ମେହେର, ରାଜୀବ ମେହେର, ଧର୍ମୁଧର ମେହେର, ଭୁବନ ମେହେର, ଅକ୍ରୁର ମେହେରଙ୍କ ସମେତ ଅନ୍ୟମାନେ ଉପସ୍ଥିତ ରହି ସହଯୋଗ କରିଥିଲେ। ସେହିପରି ଆୟୋଜିତ ବକ୍ତୃତା ପ୍ରତିଯୋଗିତାରେ ପଂଚାୟତରାଜ ଉଚ୍ଚ ବିଦ୍ୟାଳୟର ୧ମ ହୋଇଥିବା ଛାତ୍ରୀ ଅଞ୍ଜନା ମହାପାତ୍ର, ୨ୟ ରଚନା ମେହେର ଏବଂ ୩ୟ ସ୍ଥାନ ଅଧିକାର କରିଥିବା ପୂର୍ଣ୍ଣଚନ୍ଦ୍ର ମେହେରଙ୍କୁ ପୁରସ୍କୃତ କରାଯାଇଥିଲା।

Leave a Reply

Your email address will not be published. Required fields are marked *