ଓଡ଼ିଶା

ସୂର୍ଯ୍ୟ ଫାଉଣ୍ଡେସନ ଦିଲ୍ଲୀ ତରଫରୁ ତିନିଦିନିଆ ପ୍ରଶିକ୍ଷଣ ଶିବିର

ଭୁବନେଶ୍ୱର ୨୮-୩ (ଓଡ଼ିଆ ପୁଅ) ସୂର୍ଯ୍ୟ ଫାଉଣ୍ଡେସନ ଦିଲ୍ଲୀ ତରଫରୁ ତିନିଦିନିଆ ପ୍ରଶିକ୍ଷଣ ଶିବିର ଭୁବନେଶ୍ୱରସ୍ଥିତ ନିଳାଦ୍ରୀ ବିହାର ଶିଶୁମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି। ଏହି ଶିବିରକୁ ରାଷ୍ଟ୍ରୀୟ ସ୍ୱୟଂସେବକ ସଂଘର ପ୍ରାନ୍ତ ପ୍ରଚାରକ ଶ୍ରୀ ବିପିନ ବିହାରୀ ନନ୍ଦ ପ୍ରଦୀପ ପ୍ରଜ୍ୱଳନ କରି ଉଦ୍ଘାଟନ କରିଥିଲେ। ଏହି କାର୍ଯ୍ୟକ୍ରମରେ ସିନର୍ଜି ଇଂଜିନିୟରିଂ କଲେଜର ଚେୟାରମେନ ଶ୍ରୀ ବିନୋଦ ଦାଶ ମୁଖ୍ୟ ଅତିଥି ରୂପେ ଯୋଗ ଦେଇଥିଲେ। ପ୍ରଶିକ୍ଷଣର ଦ୍ୱିତୀୟ ଦିନ କେନ୍ଦ୍ର ଆଦିବାସୀ କଲ୍ୟାଣମନ୍ତ୍ରୀ ଶ୍ରୀ ଜୁଏଲ ଓରାମ ମୁଖ୍ୟ ଅତିଥି ଓ ମୁଖ୍ୟବକ୍ତା ରୂପେ ବିଜେପି ରାଜ୍ୟ ସଂଗଠନ ସଂପାଦକ ଶ୍ରୀ ସାରଦା ପ୍ରସାଦ ଶତପଥି ଯୋଗଦେଇ ମାର୍ଗଦର୍ଶନ କରିଥିଲେ। ସଂଧ୍ୟା କାର୍ଯ୍ୟକ୍ରମରେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର ଉପସଭାପତି ଶ୍ରୀ ପ୍ରଶାନ୍ତ ରାଉତ ଯୋଗଦେଇ ପ୍ରଶିକ୍ଷଣ ପ୍ରଦାନ କରିଥିଲେ। କାର୍ଯ୍ୟକ୍ରମର ସମାରୋପ ଉତ୍ସବରେ ରାଷ୍ଟ୍ରୀୟ ସ୍ୱୟଂସେବକ ସଂଘ, ଓଡିଶା ପୂର୍ବର ପ୍ରାନ୍ତ ସଂଘଚାଳକ ଶ୍ରୀ ସମୀର କୁମାର ମହାନ୍ତି ଏବଂ ପୂର୍ବତନ ବିଧାୟକ ଶ୍ରୀ ପ୍ରତାପ ଷଡଙ୍ଗୀ ଯୋଗଦେଇ ମାର୍ଗ ଦର୍ଶନ କରିଥିଲେ। ଦିଲ୍ଲୀ ସୂର୍ଯ୍ୟ ଫାଉଣ୍ଡେସନର ପ୍ରମୁଖ ଭରତରାଜଜୀ ଯୋଗଦେଇ ଏଥିରେ ପ୍ରଶିକ୍ଷଣ ପ୍ରଦାନ କରିଥିଲେ। ଏଥିରେ ଉପସ୍ଥିତ ଶିବିରର୍ଥୀମାନଙ୍କୁ ବାଲ ବିକାଶ କ୍ଷେତ୍ରରେ ଅଧ୍ୟୟନ, ଆଦର୍ଶଗ୍ରାମ ଯୋଜନାରେ ଯୁବକମାନଙ୍କ ଭୂମିକା ସମ୍ପର୍କୀୟ ପ୍ରଶିକ୍ଷଣ, ଭାରତୀୟ ଖେଳ ମାଧ୍ୟମରେ ଯୁବବିକାଶ ଯୁବ ସମ୍ବର୍ନ୍ଧନ ବିଷୟରେ ପ୍ରଶିକ୍ଷଣ ଦିଆଯାଇଥିଲା। ଆସନ୍ତା ଜୁନ୍ ୨୧ ତାରିଖର ବିଶ୍ୱ ଯୋଗ ଦିବସ କିପରି ହେବା ଦରକାର ତାର ପ୍ରଶିକ୍ଷଣ ଓ ଆଗାମୀ ବର୍ଷାରିତୁରେ ଏହି ପ୍ରଶିକ୍ଷିତ କାର୍ଯ୍ୟକର୍ତ୍ତାମାନେ କିପରି ପ୍ରତି ଗ୍ରାମରେ ୫୦ ଲକ୍ଷ ବୃକ୍ଷରୋପଣ କରିବେ ତାର ଲକ୍ଷ୍ୟ ନେଇଥିଲେ। ଏହି କାର୍ଯ୍ୟକୁ ଓଡିଶା ରାଜ୍ୟ ସଂଯୋଜକ ଶ୍ରୀ ପର୍ଶୁରାମ ବିଶୋଇ ସଂଚାଳନ କରିଥିବା ବେଳେ ସହ ପ୍ରମୁଖ ଗୌରୀପ୍ରସାଦ ପଟ୍ଟନାୟକ ଧନ୍ୟବାଦ ପ୍ରଦାନ କରିଥିଲେ ଏଥିରେ ୧୮ ଟି ଜିଲ୍ଲାରୁ ୬୦ ଜଣ ବଛା ବଛା ସେବକମାନଙ୍କୁ ପ୍ରଶିକ୍ଷିତ କରାଯାଇଥିଲା।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top