ଓଡ଼ିଶା

ସିପିଆଇର ସମ୍ବିଧାନ ସୁରକ୍ଷା ଦିବସ

ଭୁବନେଶ୍ୱର, ୨୭/୧– (ଓଡ଼ିଆ ପୁଅ) ସିପିଆଇ ଜାତୀୟ ପରିଷଦର ଆହ୍ୱାନକ୍ରମେ ଗତକାଲି ଜାନୁୟାରୀ ୨୬ ସାଧାରଣତନ୍ତ୍ର ଦିବସକୁ ଦେଶ ବ୍ୟାପୀ ସମ୍ବିଧାନ ସୁରକ୍ଷା ଦିବସ ରୂପେ ପାଳନ କରାଯାଇଛି।

ଏହି ଉପଲକ୍ଷେ ସିପିଆଇର ରାଜ୍ୟ ଦପ୍ତର ଭଗବତୀ ଭବନଠାରେ ରାଜ୍ୟ ସମ୍ପାଦକ ଦିବାକର ନାୟକଙ୍କ ଦ୍ୱାରା ଜାତୀୟ ପତାକା ଉତ୍ତୋଳନ କରାଯିବା ପରେ ସିପିଆଇ ଓ ବିକେଏମ୍ୟୁ ପକ୍ଷରୁ ଏକ ଶୋଭାଯାତ୍ରା ବାହାରିଥିଲା। ଶୋଭାଯାତ୍ରାକାରୀମାନେ ରାଜମହଲ ଛକ ଅତିକ୍ରମ କରି ଏଜି ଛକଠାରେ ଥିବା ଭାରତୀୟ ସମ୍ବିଧାନର ପ୍ରଣେତା ବାବା ସାହେବ ଭୀମରାଓ ଆମ୍ବେଦକରଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ।

ଏହାପରେ ସେଠାରେ ବିକେଏମ୍ୟୁ ରାଜ୍ୟ ସମ୍ପାଦକ ସୁର ଜେନାଙ୍କ ସଭାପତିତ୍ୱରେ ଅନୁଷ୍ଠିତ ସମାରୋହରେ ସିପିଆଇର ରାଜ୍ୟ ସମ୍ପାଦକ ଦିବାକର ନାୟକ, ସହସମ୍ପାଦକ ଆଶିଷ କାନୁନ୍ଗୋ, ଜାତୀୟ ପରିଷଦ ସଭ୍ୟ ରାମକୃଷ୍ଣ ପଣ୍ଡା ଓ ରାଜ୍ୟ ସମ୍ପାଦକ ମଣ୍ଡଳୀ ସଭ୍ୟ କ୍ଷୀରୋଦ ସିଂହଦେଓ ଉଦବୋଧନ ଦେଇ ମୋଦିଙ୍କ ନେତୃତ୍ୱରେ ପରିଚାଳିତ ବିଜେପି ସରକାରର ଛତ୍ରଛାୟା ତଳେ ସଂଘ ପରିବାର ନେତୃତ୍ୱରେ ସାମ୍ପ୍ରଦାୟିକ ଶକ୍ତିମାନେ ଭାରତୀୟ ସମ୍ବିଧାନର ମୂଳ ଭିତ୍ତି ଧର୍ମ ନିରପେକ୍ଷତା, ସଂସଦୀୟ ଗଣତନ୍ତ୍ର ଓ ସଙ୍ଘୀୟ ବ୍ୟବସ୍ଥାକୁ ବିପନ୍ନ କରି ଦେଶ ବ୍ୟାପୀ ଯେଉଁ ସାମ୍ପ୍ରଦାୟିକ ଅସହିଷ୍ଣୁତା, ଘୃଣା ଓ ହିଂସାର ବାତାବରଣ ସୃଷ୍ଟି କରିଚାଲିଛନ୍ତି, ତାହା ବିରୋଧରେ ଦେଶର ସମ୍ବିଧାନର ସୁରକ୍ଷା ପାଇଁ ବାମପନ୍ଥୀ, ଗଣତାନ୍ତ୍ରିକ ଓ ଧର୍ମନିରପେକ୍ଷ ଶକ୍ତିମାନେ ଐକ୍ୟବଦ୍ଧ ହେବା ପାଇଁ ଆହ୍ୱାନ ଦେଇଥିଲେ।

ଅନ୍ୟମାନଙ୍କ ମଧ୍ୟରେ ସିପିଆଇ ଖୋର୍ଦ୍ଧା ଜିଲ୍ଲା ସହସମ୍ପାଦକ ସତୀଶ ମିଶ୍ର, ଭୁବନେଶ୍ୱର ଜୋନ୍ ସହସମ୍ପାଦକ କୈଳାସ ଚନ୍ଦ୍ର ପୁହାଣ, ଯୁବସଂଘ ନେତା ନାରାୟଣ ଡାଳୁଆ ଓ ସିପିଆଇର ଛେତମ୍ବର ଭୋଇ, ଲୋକନାଥ ଭୋଇ, ବାସନ୍ତୀ ପ୍ରଧାନ, ରୀତା ସେଠୀ ଓ ପୂଜା ମିଶ୍ର ପ୍ରମୁଖ ଶୋଭାଯାତ୍ରାର ନେତୃତ୍ୱ ନେଇଥିଲେ।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top