କେନ୍ଦ୍ରାପଡ଼ା

ସାରଙ୍ଗ ଜାଭିଅର ସ୍କୁଲର ବାର୍ଷିକ କ୍ରିଡା ଉତ୍ସବ ଅନୁଷ୍ଠିତ

କେନ୍ଦ୍ରାପଡା ୧୧/୧(ଓଡିଆପୁଅ/ଚିତ୍ତରଞ୍ଜନ ଦାସ )- କେନ୍ଦ୍ରାପଡା ବ୍ଲକ ଅନ୍ତର୍ଗତ ଓସ୍ତପୁର ପଂଚାୟତର ସାରଙ୍ଗ ଜାଭିଅର ସ୍କୁଲର ୪ର୍ଥ ବାର୍ଷିକ କ୍ରିଡା ଉତ୍ସବ ବିଦ୍ୟାଳୟର ଅଧ୍ୟକ୍ଷ ଡଃ. ଉପେନ୍ଦ୍ର ନାଥ ପ୍ରଧାନଙ୍କ ସଭାପତିତ୍ୱରେ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି। ଏହି କ୍ରିଡା ଉତ୍ସବକୁ ଅଧ୍ୟକ୍ଷ ଡଃ. ପ୍ରଧାନ ଉଦ୍ଘାଟନ କରି ଛାତ୍ରଛାତ୍ରୀମାନେ ଶିକ୍ଷାଲାଭ କରିବା ସହିତ କ୍ରିଡାକୁ ଏକ ଅଙ୍ଗ ରୂପେ ଗ୍ରହଣ କରିବାକୁ ପରାମର୍ଶ ଦେଇଥିଲେ। କ୍ରିଡା କସରତ ଦ୍ୱାରା ଶରୀର ସୁସ୍ଥ ଓ ନିରୋଗ ରହେବୋଲି ସେ କହିଥିଲେ। ଏହି ପ୍ରତିଯୋଗୀତାରେ ଛାତ୍ରଛାତ୍ରୀମାନଙ୍କ ମଧ୍ୟରେ କୁହୁକ ମେଜ, ଆଳୁଚାମଚ ଦୈାଡ, ୧୦୦ ମିଟର, ୨୦୦ ମିଟର ଦୈାଡ, ଗଣିତ ଦୈାଡ ଆଦି ଖେଳ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଏଥିରେ ପ୍ରାୟ ୧୫୦ ରୁ ଉର୍ଦ୍ଧ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। ବିଦ୍ୟାଳୟର ଶିକ୍ଷୟିତ୍ରୀ ପ୍ରତିମା ସାମଲ, ଗୀତାଞ୍ଜଳି କର, ଚିନ୍ମୟୀ ଷଡଙ୍ଗୀ, ଅନୁସୂୟା ନାୟକ ପ୍ରମୁଖ କ୍ରିଡା ପ୍ରତିଯୋଗୀତାକୁ ପରିଚାଳନା କରିଥିଲେ। ଅନ୍ୟମାନଙ୍କ ମଧ୍ୟରେ ସୁବେଦିତା ସ୍ୱାଇଁ, ତୃପ୍ତିରେଖା ଶତପଥି, ସ୍ୱର୍ଣ୍ଣମୟୀ ନାୟକ, ନୀର୍ମାନନ୍ଦ ସ୍ୱାଇଁ, ସନ୍ତୋଷ ରାଉତ, ଦେବେନ୍ଦ୍ର ବେହେରା, ମାନୀ ପ୍ରଧାନ, ମମତା ମଲ୍ଲିକ, ଅଭିରାମ ଖଟୁଆ, ବାସୁଦେବ ଦାସ ପ୍ରମୁଖ ସହଯୋଗ କରିଥିଲେ। କୃତୀ ପ୍ରତିଯୋଗୀ ମାନଙ୍କୁ ଅଧ୍ୟକ୍ଷ ଡଃ. ପ୍ରଧାନ ପ୍ରମାଣପତ୍ର ଓ ପୁରଷ୍କାର ପ୍ରଦାନ କରିଥିଲେ।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top