ad
ଜିଲ୍ଲା ପରିକ୍ରମା

ଶିକ୍ଷାବିତ୍ ମଧୁସୂଦନ ଜେନାଙ୍କ ଶ୍ରାଦ୍ଧ ଦିବସ ପାଳିତ

ଭଦ୍ରକ, ୨୦ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ପୁରୁଣାବଜାର ନାରାୟଣ ଚନ୍ଦ୍ର ହାଇସ୍କୁଲ ପ୍ରାଙ୍ଗଣରେ ଉକ୍ତ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ତଥା ଶିକ୍ଷାବିତ୍ ମଧୁସୂଦନ ଜେନାଙ୍କ ୨୭ତମ ଶ୍ରାଦ୍ଧ ବାର୍ଷିକ ସହିତ ପତ୍ନୀ ସେବତୀ ଜେନାଙ୍କ ତ୍ରୟୋଦଶାହ ଉତ୍ସବ ପାଳିତ ହୋଇ ଯାଇଛି । ଉକ୍ତ ଉତ୍ସବରେ ଭଦ୍ରକର ବହୁ ବିଶିଷ୍ଟ ବ୍ୟକ୍ତି ଛାତ୍ରଛାତ୍ରୀ ତଥା ଶିକ୍ଷକ ଶିକ୍ଷୟିତ୍ରୀ ଯୋଗ ଦେଇଥିଲେ । ମଧୁସୂଦନ ଜେନା ସ୍ମୃତି କମିଟିର ଅଧ୍ୟକ୍ଷ ସମାଜସେବୀ ହାଜି ମହମ୍ମଦ ଅବଦୁଲ ବାରି ସଭାପତିତ୍ୱ କରିଥିଲେ । ପ୍ରାରମ୍ଭରେ ଜାତୀୟ ସଂଗୀତ ଗାନ କରାଯିବା ପରେ ବରିଷ୍ଠ ଅଧିବକ୍ତା ନିରାକାର ଜେନା ବକ୍ତବ୍ୟ ରଖି ସ୍ୱର୍ଗତ ଜେନା ଏବଂ ତାଙ୍କ ପତ୍ନୀଙ୍କ ଗୁଣାବଳୀର ସ୍ମୃତି ଚାରଣ କରିଥିଲେ । ଶିକ୍ଷକ ମଧୁସୂଦନ ଜେନାଙ୍କର ଉକ୍ତ ବିଦ୍ୟାଳୟ ପ୍ରତି ରହିଥିବା ଅବଦାନ ଏବଂ ତାଙ୍କ ଶିକ୍ଷାଦାନ, ଛାତ୍ରବତ୍ସଳତାର ବିଭିନ୍ନ ଉଦାହରଣ ଦେଇ ବକ୍ତବ୍ୟ ରଖିଥିଲେ । ଏହି ଅବସରରେ ଉକ୍ତ ବିଦ୍ୟାଳୟର ପୂର୍ବତନ ଶିକ୍ଷକ  ହରେକୃଷ୍ଣ ସାହୁ ଏବଂ ହରିହର ସାହୁଙ୍କୁ ସମ୍ବର୍ଦ୍ଧିତ କରାଯାଇଥିଲା । ଗତବର୍ଷ ମାଟି୍ରକ ପରୀକ୍ଷାରେ ବିଦ୍ୟାଳୟର ସର୍ବୋଚ୍ଚ ନମ୍ବର ରଖି ପାସ୍ କରିଥିବା ନସ୍ରିନ ବାନୋଙ୍କୁ ସମ୍ମାନିତ କରାଯାଇଥିଲା । ଏହି ଅବସରରେ ଅନ୍ୟ ଅତିଥିମାନଙ୍କ ମଧ୍ୟରେ େଦେବନେ୍ଦ୍ର ସ୍ୱାଇଁ, ଶାନ୍ତନୁ କୁମାର ରାଉତ, ଲଲାଟେନ୍ଦୁ ମହାନ୍ତି, ସମାଜସେବୀ ଅଜୟ ନାୟକ, କମଳାକାନ୍ତ ସ୍ୱାଇଁ ପ୍ରମୁଖ ଯୋଗ ଦେଇ ଶିକ୍ଷକ ମଧୁସୂଦନ ଜେନା ଓ ତାଙ୍କ ପତ୍ନୀ ସେବତୀ ଜେନାଙ୍କ ସ୍ମୃତିଚାରଣ କରିଥିଲେ । ଉକ୍ତ ସଭାକୁ ପରମାନନ୍ଦ ଦାସ ଓ ସୁଧାକର ରାଉତ ପରିଚାଳନା କରିଥିବା ବେଳେ ସେକ୍ ଫାରୁକ୍ ଧନ୍ୟବାଦ ଅର୍ପଣ କରିଥିଲେ ।

Loading...
ad
Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top