ରୋଲାଣ୍ଡ ଫାର୍ମାସୀ କଲେଜରେ ଦୁଇଦିନିଆ କର୍ମଶାଳା ଉଦ୍‌ଘାଟିତ

ବ୍ରହ୍ମପୁର, ୪-୧୨-୨୦୧୭ (ଓଡ଼ିଆ ପୁଅ) : ୫୬ତମ ଜାତୀୟ ଫାର୍ମାସୀ ସପ୍ତାହ ପାଳନ ଅବସରରେ ବ୍ରହ୍ମପୁରସ୍ଥିତ ରୋଲାଣ୍ଡ ଫାର୍ମାସୀ କଲେଜଠାରେ ଏକ ଦୁଇଦିନିଆ କର୍ମଶାଳା ଉଦ୍‌ଘାଟିତ ହୋଇଯାଇଛି। ଏହି କାର୍ଯ୍ୟକ୍ରମରେ ଅନୁଷ୍ଠାନର ଚେୟାରପର୍ସନ୍ ଶ୍ରୀମତି ଜେ ଜୟଲକ୍ଷ୍ମୀ, ନିର୍ଦ୍ଦେଶକ ଡା ଜେ ସୂର୍ଯ୍ୟା ରାଓ, ଅଧ୍ୟକ୍ଷ ଡ: ଏମ୍ ଇ ଭାନୋଜୀ ରାଓ, ଉପାଧ୍ୟକ୍ଷ ଡ: ବି ଭି ଭି ରବିକୁମାର, ପ୍ରାଧ୍ୟାପକ ଡଃ ସିଏଚ୍ ନିରଞ୍ଜନ ପାତ୍ର ସମେତ ମୁଖ୍ୟ ଅତିଥି ଡ: ତପନ କୁମାର ଦାସ ପ୍ରମୁଖ ଉପସ୍ଥିତ ଥିଲେ। ଉଦ୍‌ଘାଟନୀ ଉତ୍ସବକୁ ଅଧ୍ୟାପିକା ସୌମ୍ୟାସ୍ତୁତି ପଟ୍ଟନାୟକ ପରିଚାଳନା କରିଥିଲେ ଏବଂ ଅଧ୍ୟାପିକା ଜେ ଶ୍ରୁତି ଅତିଥି ପରିଚୟ ପ୍ରଦାନ କରିଥିଲେ। କର୍ମଶାଳା ୪ ଏବଂ ୫ ତାରିଖରେ ଅନୁଷ୍ଠାନର ସେମିନାର୍ ହଲରେ ଆୟୋଜିତ ହେଉଛି। ଅନୁଷ୍ଠାନର ଫାର୍ମାସ୍ୟୁଟିକ୍‌ସ ବିଭାଗ ତରଫରୁ ଆୟୋଜିତ ଏହି କର୍ମଶାଳାରେ କୋଲକାତାର ଭାରତୀୟ ବିଜ୍ଞାନ, ଶିକ୍ଷା ଏବଂ ଗବେଷଣା (ଆଇଜର୍) ପ୍ରତିଷ୍ଠାନର ପୋଷ୍ଟ ଡକ୍ତରାଲ ଗବେଷକ ଡା ତପନ କୁମାର ଦାସ, କଲଇଡ଼ାଲ ଡ୍ରଗ୍ ଡେଲିଭେରୀ ସିଷ୍ଟମ ସନ୍ଦର୍ଭରେ ତାଲିମ ଦେବେ। ଏଥିରେ ସ୍ନାତକ ଏବଂ ସ୍ନାତକୋତ୍ତର ଛାତ୍ରଛାତ୍ରୀ ସମେତ ଅଧ୍ୟାପକ ଓ ଅଧ୍ୟାପିକାମାନେ ଅଂଶ ଗ୍ରହଣ କରୁଛନ୍ତି।

Leave a Reply

Your email address will not be published. Required fields are marked *