ଓଡ଼ିଶା

ରମଣ ସିଂହଙ୍କ ଔଦ୍ଧତ୍ୟପୂର୍ଣ୍ଣ ବକ୍ତବ୍ୟ ପ୍ରତିବାଦରେ ଯୁବ-ଛାତ୍ର ବିଜେଡିର ବିକ୍ଷୋଭ ଏବଂ କୁଶପୁତ୍ତଳିକା ଦାହ

ଭୁବନେଶ୍ୱର, ୩୦/୫/୨୦୧୮(ଓଡ଼ିଆ ପୁଅ): ଆନ୍ତଃରାଜ୍ୟ ନଦୀ ସଂକ୍ରାନ୍ତୀୟ ସମସ୍ତ ଆଇନ୍‌, କାନୁନ୍‌ବିଧିବିଧାନକୁ ଉଲ୍ଲଂଘନ କରି ଓଡ଼ିଶାରେ ମହାନଦୀର ଜଳଧାରାକୁ ପ୍ରତିହତ କରୁଥିବା ଛତିଶଗଡ଼ ମୁଖ୍ୟମନ୍ତ୍ରୀଙ୍କ ବକ୍ତବ୍ୟ ଓଡ଼ିଶାବାସୀଙ୍କ ପ୍ରତି କଟା ଘା’ରେ ଚୁନ ସଦୃଶ। ଏହାର ପ୍ରତିବାଦରେ ଆଜି ବିଜୁ ଯୁବ-ଛାତ୍ର ଜନତା ଦଳ ପକ୍ଷରୁ ଭୁବନେଶ୍ୱର ମାଷ୍ଟର କ୍ୟାଣ୍ଟିନ୍‌ଛକ ଠାରେ ଏକ ପଥପ୍ରାନ୍ତ ସଭାରେ ହଜାରେରୁ ଊର୍ଦ୍ଧ୍ୱ ଯୁବ-ଛାତ୍ର କର୍ମୀ ଏକଜୁଟ୍‌ହୋଇ ରମଣ ସିଂହଙ୍କ କୁଶ ପୁତ୍ତଳିକା ଦାହ କରିଥିଲେ। ବିଜୁ ଜନତା ଦଳ ସାଧାରଣ ସଂପାଦକ (ଯୁବ ବ୍ୟାପାର) ସଂଜୟ କୁମାର ଦାସବର୍ମା, ବିଧାୟକ ବିଜୟ ମହାନ୍ତି, ପ୍ରିୟଦର୍ଶୀ ମିଶ୍ର, ବିଜୁ ଯୁବ ଜନତା ଦଳ ସଭାପତି ଅମରେଶ ପତ୍ରୀ, ଛାତ୍ର ଜନତା ଦଳ ସଭାପତି ରାଣାପ୍ରତାପ ପାତ୍ରଙ୍କ ନେତୃତ୍ୱରେ ଯୁବ-ଛାତ୍ର କର୍ମୀମାନେ ଛତିଶଗଡ଼ ଓ କେନ୍ଦ୍ର ସରକାର ବିରୋଧୀ ପ୍ଲାକାର୍ଡମାନ ଧରି ବିକ୍ଷୋଭ ପ୍ରଦର୍ଶନ କରିବା ସହ ନାରାବାଜି କରିଥିଲେ।

ମହାନଦୀରୁ ଆମର ଜୀବନ, ଜୀବିକା ଓ ପରିବେଶ ପାଇଁ ତା’ର ନ୍ୟାଯ୍ୟ ପ୍ରାପ୍ୟରୁ କେହି ବଞ୍ଚିତ କରିପାରିବେ ନାହିଁ। ଏହି ଓଡ଼ିଶା ବିରୋଧୀ ଷଡ଼ଯନ୍ତ୍ର ସଂପର୍କରେ ଦଳ, ମତ ନିର୍ବିଶେଷରେ ଜନସାଧାରଣ ସଚେତନ ହେଲେଣି। ରମଣ ସିଂହଙ୍କ ଔଦ୍ଧତ୍ୟପୂର୍ଣ୍ଣ ମନ୍ତବ୍ୟ ଏବଂ କେନ୍ଦ୍ରର ପକ୍ଷପାତିତାର ଦୃଢ଼ ନିନ୍ଦା କରିବା ସହ ରମଣ ସିଂହଙ୍କ ଓଡ଼ିଶା ବିରୋଧୀ ମନ୍ତବ୍ୟ ପାଇଁ ରାଜ୍ୟବାସୀଙ୍କ ପାଖରେ କ୍ଷମା ମାଗନ୍ତୁ ଏବଂ ରାଜ୍ୟର ଦୁଇ କେନ୍ଦ୍ରମନ୍ତ୍ରୀ ଓ ବିଜେପି ମଧ୍ୟ ରମଣ ସିଂହଙ୍କ ବକ୍ତବ୍ୟ ଉପରେ ଆଭିମୁଖ୍ୟ ସ୍ପଷ୍ଟ କରନ୍ତୁ ବୋଲି ଶ୍ରୀ ଦାସବର୍ମା କହିଥିଲେ। ଏହି ବିକ୍ଷୋଭ ଓ ପଥପ୍ରାନ୍ତ ସଭାରେ ବିଜୁ ଜନତା ଦଳ ରାଜ୍ୟ ସଂପାଦକ ବିଜୟ ନାୟକ, ଜିଲ୍ଲା କାର୍ଯ୍ୟକାରୀ ସଭାପତି ବାବୁ ସିଂହ, ଯୁବ ବିଜେଡି ମହାସଚିବ ଶିଶିର ପରିଜା, ଉପଦେଷ୍ଟା ଅମରେଶ ଜେନା, ସଂଜୟ ବାବୁ, ସୁନୀଲ ପ୍ରଧାନ, ଉପ-ସଭାପତି ଦୁର୍ଗା ସାମନ୍ତରାୟ, ସନ୍ତୋଷ ବେଜ, ସାଧାରଣ ସଂପାଦକ ଜ୍ୟୋତିରଞ୍ଜନ ଜେନା, ଏଲିନା ଦାଶ, ଧୃତୀରଞ୍ଜନ ମାର୍ଥା, ସୁନୀଲ ପଣ୍ଡା, ନରେଶ ପାତ୍ର, ତନ୍ମୟ ସ୍ୱାଇଁ, ସଂପାଦକ ମଳୟ ରଞ୍ଜନ ପତି, ଜିଲ୍ଲା ସଭାପତି ଅମରଜିତ୍‌ସେନାପତି, ସୁଜିତ ସ୍ୱାଇଁ, ଛାତ୍ର ବିଜେଡି ଉପଦେଷ୍ଟା ଚିନ୍ମୟ ସାହୁ, ଉପ-ସଭାପତି କନିଷ୍କ ଜେନା, ସୌଭିକ୍‌ବିଶ୍ୱାଳ, ସାଧାରଣ ସଂପାଦକ ପ୍ରଦୋଷ ପରିଡ଼ା, ବିଶ୍ୱପ୍ରତାପ ସାହୁ, ସୁଜିତ ପାଲ୍‌ଟାସିଂହ, ମିକୁ ପ୍ରଧାନ, ପ୍ରମୋଦ ପାତ୍ର, ଜ୍ୟୋତି ରଞ୍ଜନ ସାମଲ, ଜୋନ୍‌ସଭାପତି ଅଜିତ ବେହେରା, ମହିଳା ବିଜେଡି ଉପ-ସଭାପତି ସଂଯୁକ୍ତା ମହଲ, ଜିଲ୍ଲା ସଭାପତି ଭାରତୀ ସିଂହଙ୍କ ସମେତ ବହୁ କର୍ପୋରେଟର୍‌, ଦଳୀୟ କର୍ମୀ ଯୋଗ ଦେଇଥିଲେ।

 

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top