କୋରାପୁଟ

ମିନାକ୍ଷୀ ହେଲେ ପୁନର୍ବାର ଡିସିସି ସଭାନେତ୍ରୀ

କୋରାପୁଟ; ତା୦୯-୦୬-୧୮(ଓଡିଆ ପୁଅ/ରଂଜନ କୁମାର ଦାସ) ଅଖିଳ ଭାରତୀୟ କଂଗ୍ରେସ କମିଟି(ଏଆଇସିସି)ର ଅନୁମୋଦନ ପରେ ଓଡିଶା ପ୍ରଦେଶ କଂଗ୍ରେସ କମିଟି ସଭାପତି ନିରଂଜନ ପଟ୍ଟନାୟକ ଓ ଓଡିଶା ପ୍ରଭାରୀ ଜୀତେନ୍ଦ୍ର ସିଂହ ସାର୍ବଜନୀନ କରିଥିବା ଜିଲା ସଭାପତି ତାଲିକା ଅନୁଯାୟୀ ମିନାକ୍ଷୀ ବାହିନୀପତି ପୁନର୍ବାର ଜିଲା କଂଗ୍ରେସ କମିଟି ସଭାନେତ୍ରୀ ପଦ ବଜାୟ ରଖିଥିବା ଜଣା ପଡିଛି। ଜୟପୁର ବିଧାୟକ ତଥା ବିରୋଧି ଦଳ ମୁଖ୍ୟ ସଚତେକ ତାରା ପ୍ରସାଦ ବାହିନୀପତିଙ୍କ ସହ ଧର୍ମିଣୀ ମିନାକ୍ଷୀ ଏକ ଦଶନ୍ଧିରୁ ଅଧିକ ସମୟ ସକ୍ରିୟ ରାଜନୀତିରେ ରହିଥିବାବେଳେ କୋରାପୁଟ ଏନଏସିରେ ଦୁଇଥର ଅଧ୍ୟକ୍ଷା ରହିଥିଲେ ଏବଂ ୨୦୧୨ରୁ ସେ ଜିଲା କଂଗ୍ରେସ କମିଟି ସଭାନେତ୍ରୀ ଦାୟିତ୍ୱ ତୁଲାଇ ଆସିଛନ୍ତି। ୨୦୧୪ ସାଧାରଣ ନିର୍ବାଚନରେ କଂଗ୍ରେସ ଶ୍ରୀମତି ବାହିନୀପତିଙ୍କ ନେତୃତ୍ୱରେ ଲଢି ଜିଲାର ୫ଟି ବିଧାନସଭା ଆସନରୁ ୪ଟିରେ ବିଜୟ ଲାଭ କରିଥିଲା। ଅନ୍ୟ ପକ୍ଷରେ ଜିଲାର ଟାଣୁଆ ଯୁବନେତା ତଥା ଯୁବ କଂଗ୍ରେସର ରାଜ୍ୟ ସମ୍ପାଦକ ରୂପକ କୁମାର ତୁରୂକଙ୍କୁ ଜିଲା କଂଗ୍ରେସ କମିଟିର କାର୍ଯ୍ୟକାରୀ ସଭାପତି ଭାବେ ଏଆଇସିସି ନିଯୁକ୍ତ କରିଛି। ଛାତ୍ର ଜୀବନରୁ ଶ୍ରୀ ତୁରୁକ କଂଗ୍ରେସ ଦଳରେ ରହି ବିଭିନ୍ନ ଦାୟିତ୍ୱ ତୂଲାଇଛନ୍ତି। ଜୟପୁର ବିଧାୟକ ତାରା ପ୍ରସାଦ ବାହିନୀପତି, କୋଟପାଡ ବିଧାୟକ ଚନ୍ଦ୍ର ଶେଖର ମାଝି, ପୂର୍ବତନ ବିଧାୟକ ରାମଚନ୍ଦ୍ର କାଡାମ, ନିମାଁଇ ସରକାର, ପିସିସି ସଭ୍ୟ ଜଗଦିଶ ଖୋସ୍ଲା, ସଦର ବ୍ଲକ କଂଗ୍ରେସ ସଭାପତି ବାବୁଲା ବେନ୍ୟା, ନଗର ସଭାପତି ଭବାନୀ ଶଙ୍କର ମିଶ୍ର, ବରିଷ୍ଠ କଂଗ୍ରେସ ନେତା ତ୍ରିପତି ପାଣିଗ୍ରାହି, ଗୋପିନାଥ ପଲେଇ, ରମେଶ ବାଙ୍କିଆ, ପ୍ରିତମ ପାଢି, କୋରାପୁଟ ବ୍ଲକ ଅଧ୍ୟକ୍ଷା ନମିତା ମାଝି ପ୍ରମୁଖ ନବ ନିଯୁକ୍ତ ଜିଲା ସଭାନେତ୍ରୀ ଓ କାର୍ଯ୍ୟକାରୀ ସଭାପତିଙ୍କୁ ଅଭିନନ୍ଦନ ଜଣାଇଛନ୍ତି। ଅଖିଳ ଭାରତୀୟ କଂଗ୍ରେସ କମିଟି(ଏଆଇସିସି) ସଭାପତି ରାହୁଲ ଗାନ୍ଧି, ଓଡିଶା ପ୍ରଦେଶ କଂଗ୍ରେସ କମିଟି ସଭାପତି ନିରଂଜନ ପଟ୍ଟନାୟକ ଓ ଓଡିଶା ପ୍ରଭାରୀ ଜୀତେନ୍ଦ୍ର ସିଂହଙ୍କୁ କୋରାପୁଟ ଜିଲ୍ଲା କଂଗ୍ରେସ କମିଟି ସଭାନେତ୍ରୀ ଶ୍ରୀମତୀ ବାହିନିପତି ଧନ୍ୟବାଦ ଅର୍ପଣ କରିଛନ୍ତି।ଆସନ୍ତା ସାଧାରଣ ନିର୍ବାଚନରେ କୋରାପୁଟ ଜିଲ୍ଲାର ୫ ଟି ବିଧାନସଭା ନିର୍ବାଚନ ମଣ୍ଡଳୀ ଓ ଗୋଟିଏ ଲୋକସଭା ମଣ୍ଡଳୀରେ କଂଗ୍ରେସ ବିଜୟୀ ହେବ ଓ ରାଜ୍ୟରେ କଂଗ୍ରେସ ସରକାର ଗଢିବ ବୋଲି ଶ୍ରୀମତୀ ବାହିନିପତି ଆମ୍ଭ ପ୍ରତିନିଧିଙ୍କୁ ସ୍ୱତନ୍ତ୍ର ସାକ୍ଷାତକାରରେ ପ୍ରକାଶ କରିଥିଲେ।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top