ମହାନଦୀ ସୁରକ୍ଷା ଅଭିଯାନର ଚତୁର୍ଥଦିନ: ନରସିଂହପୁର, ଦଶପଲ୍ଲାରେ ସଭା: କଣ୍ଟିଲୋ ନୀଳମାଧବ ପୀଠରେ ଆଳତି

ଭୁବନେଶ୍ୱର, ୧୯/୫/୨୦୧୮ (ଓଡ଼ିଆ ପୁଅ): ମହାନଦୀ ସୁରକ୍ଷା ଅଭିଯାନର ଆଜି ଥିଲା ଚତୁର୍ଥ ଦିବସ। ଉଭୟ ଦକ୍ଷିଣ ଓ ବାପ ପାଶ୍ୱର୍ରୁ ଦୁଇ ସୁରକ୍ଷା ଅଭିଯାନ ଟିମ୍‌ର ମୁଖ୍ୟ ତଥା ଉପ-ସଭାପତି ପ୍ରସନ୍ନ ଆଚାର୍ଯ୍ୟ ଓ ଦେବୀ ପ୍ରସାଦ ମିଶ୍ରଙ୍କ ନେତୃତ୍ୱରେ ଏହି ଯାତ୍ରା ବୌଦ୍ଧରୁ ଆରମ୍ଭ ହୋଇ କଣ୍ଟିଲୋରେ ପହଞ୍ଚିବା ପରେ ସମସ୍ତେ ରାତ୍ର ରହଣୀ କରିଥିଲେ।

ଶ୍ରୀ ଆଚାର୍ଯ୍ୟଙ୍କ ନେତୃତ୍ୱରେ ବୌଦ୍ଧରୁ ବାହାରି ଟିମ୍‌ପୁରୁଣା କଟକ, ଚାରିଛକ, ବାଣିଗୋଚ୍ଛା ଦେଇ ଦଶପଲ୍ଲାରେ ପହଞ୍ଚିବା ପରେ ସେଠାରେ ସାଧାରଣ ସଭା ହୋଇଥିଲା। ମହାନଦୀ ସୁରକ୍ଷା ଅଭିଯାନ ଟିମ୍‌କୁ ଦଶପଲ୍ଲା ବିଧାୟକ ପୂର୍ଣ୍ଣଚନ୍ଦ୍ର ନାଏକ ବାଣିଗୋଚ୍ଛା ଠାରେ ସ୍ୱାଗତ କରିଥିଲେ। ଦଶପଲ୍ଳାରେ ସାଧାରଣ ସଭା ହେବା ପରେ ଟିମ୍‌ସିଧାମୂଳା ଦେଇ ଗଣିଆ ଏବଂ କଣ୍ଟିଲୋରେ ପହଞ୍ଚି ସଭା କରିଥିଲେ। ଏହାପରେ ନୀଳମାଧବ ପୀଠସ୍ଥ ମହାନଦୀରେ ସମସ୍ତେ ଜଳ ଆଳତି କରି ମହାନଦୀର ସୁରକ୍ଷା କାମନା କରିଥିଲେ।

ମହାନଦୀର ବାମ ପାଶ୍ୱର୍ରେ ଦେବୀ ପ୍ରସାଦ ମିଶ୍ରଙ୍କ ନେତୃତ୍ୱରେ ଆସୁଥିବା ସୁରକ୍ଷା ଅଭିଯାନ ଟିମ୍‌ଅଇଡାରୁ ଯାତ୍ରାରମ୍ଭ କରି ମା’ବିନିକାଇ ମନ୍ଦିର, ଠାକୁରଗଡ଼, ପମ୍ପାସର, ବନ୍ତଳା ଦେଇ ହିନ୍ଦୋଳରେ ପହଞ୍ଚି ସାଧାରଣ ସଭା କରିଥିଲେ। କିଛି ସମୟ ପରେ ଉକ୍ତ ଟିମ୍‌ନରସିଂହପୁର ଆସିବା ସହ ଟାଉନ୍‌ସ୍ଥିତ କ୍ଲବ ପଡ଼ିଆରେ ବିରାଟ ସାଧାରଣ ସଭା ଅନୁଷ୍ଠିତ ହୋଇଥିଲା। ସ୍ଥାନୀୟ ବିଧାୟକ ତଥା ଦଳର ଉପ-ସଭାପତି ଶ୍ରୀ ମିଶ୍ର ଏଠାରେ କହିଥିଲେ ଯେ “ମହାନଦୀ ପାଇଁ ଶେଷ ନିଃଶ୍ୱାସ ପର୍ଯ୍ୟନ୍ତ ଲଢ଼େଇ ଜାରି ରହିବ ବୋଲି ଆମ ଦଳର ସଭାପତି ଶ୍ରୀଯୁକ୍ତ ନବୀନ ପଟ୍ଟନାୟକ ଯାହା କହିଛନ୍ତି, ତାହାକୁ ଆମେ ଅକ୍ଷରେ ଅକ୍ଷରେ ପାଳନ କରିବୁ। ମହାନଦୀକୁ ଶୁଖିଲା ରହିବାକୁ ଦିଆଯିବ ନାହିଁ ଓ ସେଥିଲାଗି ଚାଲିଛି ମହାନଦୀ ମହାସଂଗ୍ରାମର ଦ୍ୱିତୀୟ ପର୍ଯ୍ୟାୟରେ ସୁରକ୍ଷା ଅଭିଯାନ।” ସଭା ପରେ ଏହି ଟିମ୍‌ବାଲିଝରି-ରୟତିବାଡ଼ ଯାଇ ସେଠାରୁ ଗୋପପୁର, ବଡମ୍ବା, କରଡିବନ୍ଧ ଆଦି ସ୍ଥାନରେ ପଥପ୍ରାନ୍ତ ସଭା କରିଥିଲା। ଏଥିରେ ଉପସ୍ଥିତ ଦଳୀୟ ନେତୃବୃନ୍ଦମାନେ ମହାନଦୀ ସୁରକ୍ଷା ପାଇଁ ଡାକରା ଦେଇଥିଲେ। ଏହାପରେ ଭଟ୍ଟାରିକା ପୀଠରେ ଟିମ୍‌ର ସଦସ୍ୟମାନେ ରାତ୍ର ରହଣୀ କରିଥିଲେ।

ଆଜିର ଏହି ଚତୁର୍ଥ ଦିବସରେ ଦଳର ସାଧାରଣ ସଂପାଦକ ଅରୁଣ ସାହୁ, ବିଧାୟକ ଅନୁଭବ ପଟ୍ଟନାୟକ, ରବି ନାରାୟଣ ମହାପାତ୍ର, ସଂଜୀବ ସାହୁ, ରଜନୀକାନ୍ତ ସିଂହ, ବ୍ରଜକିଶୋର ପ୍ରଧାନ, ସୁଶାନ୍ତ ସିଂହ, ସୀମାରାଣୀ ନାଏକ, ମନ୍ତ୍ରୀ ପ୍ରତାପ ଜେନା, ନୃସିଂହ ସାହୁ, ସାଂସଦ ତଥାଗତ ସତପଥୀ, ଭର୍ତ୍ତୃହରି ମହତାବ, ପ୍ରସନ୍ନ ପାଟ୍ଟଶାଣୀ, ପିନାକୀ ମିଶ୍ର, ପ୍ରତ୍ୟୁଷା ରାଜେଶ୍ୱରୀ ସିଂହ, ପର୍ଯ୍ୟବେକ୍ଷକ ରଘୁନାଥ ମହାନ୍ତି, ମୁନ୍ନା ଖାଁ, ଯୁବ ବିଜେଡି ସଭାପତି ଅମରେଶ ପତ୍ରୀ, ଛାତ୍ର ବିଜେଡି ସଭାପତି ରାଣାପ୍ରତାପ ପାତ୍ର, ଯୁବ ବିଜେଡି କାର୍ଯ୍ୟକାରୀ ସଭାପତି ସଂଜୀତ ମହାନ୍ତିଙ୍କ ସମେତ ୧୦ ହଜାରରୁ ଊର୍ଦ୍ଧ୍ୱ ବୁଦ୍ଧିଜୀବୀ, କୃଷକ, ମହିଳା, ଯୁବକ-ଛାତ୍ର ପ୍ରମୁଖ ଏହି ଜନଜାଗରଣ ଯାତ୍ରା ଏବଂ କଣ୍ଟିଲୋ ଠାରେ ଅନୁଷ୍ଠିତ ଜଳ ଆଳତିରେ ସାମିଲ ହୋଇଥିଲେ।

Leave a Reply

Your email address will not be published. Required fields are marked *