ଭଦ୍ରକ କଲେଜ ପୁରାତନ ଛାତ୍ର ସଂଘରେ ନୂତନ କମିଟି ଗଠନରେ ବ୍ୟାପକ ଅନିୟମିତତା

ଭଦ୍ରକ, ୧୦ା୫ (ଓଡିଆ ପୁଅ / ପ୍ରମୋଦ ରାୟ) : ଭଦ୍ରକ କଲେଜର ପୁରାତନ ଛାତ୍ର ସଂଘର ସଭ୍ୟମାନେ ଆଜି ଜିଲ୍ଲାପାଳଙ୍କୁ ଭେଟି ଗତ ଏପ୍ରିଲ ମାସ ୮ତାରିଖରେ ତଥାକଥିତ ଭାବେ ଗଠିତ ହୋଇଥିବା ନୂତନ କମିଟିକୁ ବେଆଇନ ଦର୍ଶାଇ ଦାବିପତ୍ର ପ୍ରଦାନ କରିଛନ୍ତି। ପୁରାତନ ଛାତ୍ର ତଥା ସଂଘର ଆଜୀବନ ସଭ୍ୟମାନେ ଦାବି କରିଛନ୍ତି କି କେତେକ ନିର୍ଦ୍ଧିିଷ୍ଟ ବ୍ୟକ୍ତି ପୁରାତନ ଛାତ୍ର ସଂସଦକୁ ନିଜ ଅକ୍ତିଆରେ ରଖିବା ପାଇଁ ସେମାନଙ୍କର ପୂର୍ବ ଯୋଜନା ମୁତାବକ ନିିର୍ଦ୍ଧିଷ୍ଟ କେତେଜଣ ମୁଷ୍ଟିମେୟ ଛାତ୍ର ଓ ଅଣଛାତ୍ରମାନଙ୍କୁ ଭଦ୍ରକ କଲେଜ କ୍ୟାମ୍ପସରେ ପ୍ରବେଶ କରାଇ ସେମାନଙ୍କର ଆନୁଗତ୍ୟ ସ୍ୱୀକାର କରୁଥିବା ବ୍ୟକ୍ତିଙ୍କୁ ନେଇ ତଥାକଥି ଭାବେ ଏକ କମିଟି ଗଠନ କରିଛନ୍ତି। ଉକ୍ତଦିନ କୌଣସି ନିର୍ବାଚନ କରାଯାଇନାହିଁ କିମ୍ବା ପୁରାତନ ଛାତ୍ର ସଂଘର ସମ୍ବିଧାନରେ ଲିପିବଦ୍ଧ ଥିବା କୌଣସି ଉପଧାରାକୁ ଅନୁସରଣ କରାଯାଇନାହିଁ। ଏପରିକି ଜଣେ ଅଣଛାତ୍ରଙ୍କୁ ଉକ୍ତ କମିଟିରେ ସମ୍ପାଦକ ପଦବୀ ଦିଆଯାଇଛି। ଯାହାକି ତା୦୮.୦୫.୨୦୧୮ରିଖରେ ଭଦ୍ରକ ସ୍ୱୟଂଶାସିତ ମହାବିଦ୍ୟାଳୟର ଜନସୂଚନା ଅଧିକାରୀଙ୍କ ଦ୍ୱାରା ପ୍ରଦତ୍ତପତ୍ର ସଂଖ୍ୟା ୭୩/୨୨ରୁ ପ୍ରମାଣିତ ହୋଇଅଛି। ପ୍ରକାଶଥାଉକି ଉକ୍ତ ଆର.ଟି.ଆଇ ଆଇନ ମୁତାବକ ପ୍ରଦତ୍ତ ଚିଠିରେ ଜନସୂଚନା ଅଧିକାରୀ ଲେଖିଛନ୍ତି କି ଅଜୟ ନାୟକ (ନୂତନ ସମ୍ପାଦକ) ପି. ମନମୋହନ ନାୟକ, ସା:/ପୋ:ଗଳଗଣ୍ଡପୁର, ଥାନା:ତିହିଡି, ଜିଲ୍ଲା:ଭଦ୍ରକ। ଭଦ୍ରକ କଲେଜରେ ଛାତ୍ର ଥିଲେ କି ନଥିଲେ ତାହା ଜଣାପଡୁନାହିଁ। ଅପରପକ୍ଷରେ ଅନ୍ୟ ଯେଉଁମାନଙ୍କୁ ବେଆଇନ ଭାବେ ଗଠିତ କାର୍ଯ୍ୟନିର୍ବାହୀ କମିଟିରେ ରଖାଯାଇଛି। ସେମାନଙ୍କ ମଧ୍ୟରୁ ଅଧିକାଂଶ ସଭ୍ୟ ଉକ୍ତ ଜେନେରାଲ ବଡ଼ି ମିଟିଂରେ ଉପସ୍ଥିତ ନଥିଲେ। ଆହୁରି ଗୁରୁତର ଅଭିଯୋଗ ଅଣାଯାଇଛି କି ପୁରାତନ ଛାତ୍ର ସଂଘ ସମ୍ବିଧାନ ଅନୁସାରେ ପ୍ରତି ୩ବର୍ଷରେ ଥରେ ଜାନୁୟାରି ମାସରେ ନୂତନ କମିଟି ପାଇଁ ନିର୍ବାଚନ କରିବାର ବିଧି ଥିଲେ ହେଁ, କେତେକ ନିର୍ଦ୍ଧିଷ୍ଟ ବ୍ୟକ୍ତି ବିଗତ ୧୦ବର୍ଷ ଧରି ନିଜେ ନିଜେ କମିଟିରେ ରହି ଉକ୍ତ ପୁରାତନ ଛାତ୍ର ସଂଘକୁ ନିଜର ହସ୍ତମୁଦି ମାହାଲ କରି ସଂଘର ବିଧିବଦ୍ଧ ଭାବେ କମିଟି ଗଠନ କରିବା ପାଇଁ ଛାତ୍ର ସଂଘର ଆଜୀବନ ସଭ୍ୟ ତଥା ମହାବିଦ୍ୟାଳୟ ପୂର୍ବତନ କାର୍ଯ୍ୟନିର୍ବାହୀ ଅଧ୍ୟକ୍ଷ ପ୍ର.ଏମ.ଏ ନବୀ ଉକ୍ତ ଛାତ୍ର ସଂଘର ମୂଳ ଆଜୀବନ ସଭ୍ୟ ତଥା ଉତ୍ତର ଓଡ଼ିଶା ବିଶ୍ୱବିଦ୍ୟାଳୟର ପ୍ରାକ୍ତନ ପରୀକ୍ଷା ନିୟନ୍ତ୍ରକ ପ୍ର. ଅଟଳ ବିହାରୀ ନାୟକଙ୍କର ନାମ ସଭାପତି ପଦବୀ ପାଇଁ ପ୍ରସ୍ତାବ ଆଣିଥିଲେ ଏବଂ ଉପସ୍ଥିତ ଥିବା ସଭ୍ୟମାନେ ଦୃଢ଼ ସମର୍ଥନ ଜଣାଇଥିଲେ ମାତ୍ର ଚଞ୍ଚକତା କରି ଦାୟିତ୍ୱରେ ଥିବା ପୁରାତନ ସଭାପତି ଓ ସମ୍ପାଦକ ନିର୍ଦ୍ଧିଷ୍ଟ ନିଜ ଲୋକମାନଙ୍କୁ ନେଇ ଏକ କମିଟି ଗଠନ କରିବାକୁ ପ୍ରସ୍ତାବ ଦେବାରୁ ଏହାର ପ୍ରତିବାଦ ପୁରାତନ ଛାତ୍ରମାନେ କରିବାରୁ କମିଟି ଗଠନ ହୋଇ ପାରି ନଥିଲା। ମାତ୍ର ତା’ ପରଦିନ ଖବରକାଗଜରେ କମିଟି ଗଠନର ଖବର ପ୍ରକାଶ ପାଇଲା। ଉକ୍ତ କମିଟି ଏକ ବେଆଇନ ଓ ଚଞ୍ଚକପୂର୍ଣ୍ଣ ହୋଇଥିବାରୁ ଏହାକୁ ରଦ୍ଧ କରାଯାଇ ବିଧିବଦ୍ଧ ଭାବେ ନିର୍ବାଚନ ଜରିଆରେ ଛାତ୍ର ସଂସଦର କାର୍ଯ୍ୟ ନିର୍ବାହ କମିଟି ଗଠନ କରାଯିବାକୁ ସର୍ବାନ୍ତକରଣରେ ଦାବି କରାଯାଉଛି। ଜିଲ୍ଲାପାଳ ମହୋଦୟ ଘଟଣାର ତଦନ୍ତ କରି ଉପଯୁକ୍ତ କାର୍ଯ୍ୟପନ୍ଥା ଗ୍ରହଣ କରିବା ପାଇଁ ପୁରାତନ ଛାତ୍ର ସଂଘ ସଭ୍ୟ କମିଟି ଗଠନ ପ୍ରକ୍ରିୟାକୁ ନାପସନ୍ଦ କରିଛନ୍ତି ଏବଂ ଏକ ବିଧିବଦ୍ଧ କମିଟି ଗଠନ କରିବା ପାଇଁ ଦାବି କରିଛନ୍ତି।

Leave a Reply

Your email address will not be published. Required fields are marked *