ଜିଲ୍ଲା ପରିକ୍ରମା

ଭଦ୍ରକରେ କାଳବୈଶାଖୀର ତାଣ୍ଡବ ରୂପ ଉପୁଡିଲା ବିଶାଳ ବୃକ୍ଷ, ଅଳ୍ପକେ ବର୍ତ୍ତିଲେ ବାଇକ୍ ଚାଳକ

ଭଦ୍ରକ, ୧୪ା୪ (ଓଡ଼ିଆପୁଅ / ପ୍ରମୋଦ ରାୟ) : ଆଜି ସନ୍ଧ୍ୟା ୫ଟା ସମୟରେ ଭଦ୍ରକରେ କାଳବୈଶାଖୀର ତାଣ୍ଡବ ରୂପ ଦେଖିବାକୁ ମିଳିଥିଲା । ଏହି ସମୟରେ ପ୍ରବଳ ଧୂଳିଝଡ ସହ ବର୍ଷା, ଘଡଘଡି ଧନଜୀବନକୁ ଅସ୍ତବ୍ୟସ୍ତ କରିପକାଇଥିଲା । ଏପରିକି ଦୀର୍ଘଦିନରୁ  କଚେରୀ ବଜାରର ବଙ୍କବାସୁଳୀ ମନ୍ଦିର ନିକଟ ରାସ୍ତା ମଝିରେ ଥିବା ଏକ ବିଶାଳ ଗଛ ହଠାତ୍ ଉପୁଡିପଡିବା ଫଳରେ ଉକ୍ତ ରାସ୍ତା ଦେଇ ଅତିକ୍ରମ କରୁଥିବା ନଙ୍ଗାମହଲାର ସେକ୍ ରାଜା ନାମକ ଜଣେ ବାଇକ୍ ଚାଳକ ଅଳ୍ପକେ ମୃତୁ୍ୟମୁଖରୁ ବର୍ତ୍ତିଯାଇଛି । ତେବେ ସେ ଏହି ଦୁର୍ଘଟଣାରେ ସାମାନ୍ୟ ଆହତ ହୋଇଥିବାବେଳେ  ତାର ବାଇକ୍ଟି ଗଛତଳେ ଚାପିହୋଇ  ରହିଯାଇଥିଲା । ସ୍ଥାନୀୟ ଲୋକେ ବାଇକ୍ଟିକୁ ଉଦ୍ଧାର କରି ରାସ୍ତା ପରିସ୍କାର କରିବା ନିମନ୍ତେ ନିଜେ ଦା, ହାତୁଡି ଦ୍ୱାରା ଅପସାରଣ କରିବାର ଉଦ୍ୟମ ଚଳାଇଛନ୍ତି । ଏହି କାଳବୈଶାଖୀ ହେବା ଦ୍ୱାରା ସହରର ବିଭିନ୍ନ ଦୋକାନ ବଜାରର ବିଭିନ୍ନ ହୋଡିଂ ଉଡିଯିବା ସହ ବିଦୁ୍ୟତ ତାର ମଧ୍ୟ ଛିଣ୍ଡିଯାଇଥିବାର ଦେଖାଯାଇଥିଲା । ସହରର କିଛି ସ୍ଥାନରେ ମଧ୍ୟ ବିଦୁ୍ୟତ ସରବରାହ ବନ୍ଦ ରହିଛି । ସବୁଠାରୁ ଆଶ୍ଚର୍ଯ୍ୟର କଥା ଗୋଟିଏ ପଟେ ଉପୁଡିପଡିଥିବା ବୃକ୍ଷଟିକୁ ଲୋକେ ଅପସାରଣ କରୁଥିବାବେଳେ ଆଉ କେତେକ ଲୋକ ଟ୍ରଲି ଓ ରିକ୍ସା ଲଗାଇ ଡାଳଗୁଡିକୁ ଲୁଟିନେବାରେ ବ୍ୟସ୍ତ ରହିଥିବାର ଦୃଶ୍ୟ ସମସ୍ତଙ୍କୁ ବିସ୍ମିତ କରିଥିଲା । ଆଜିର ଏହି କାଳବୈଶାଖୀ ରାତି ପ୍ରାୟ ୭ଟା ପର୍ଯ୍ୟନ୍ତ ହୋଇଥିଲେ । ଏଠାରେ ସୂଚନାଯୋଗ୍ୟ ଏହି କାଳବୈଶାଖୀ ଭଦ୍ରକରେ ବିଗତ ୧୫ ଦିନ ହେବ ଏହି ସନ୍ଧ୍ୟା ସମୟରେ ଅନୁଭୂତ ହୋଇଆସୁଛି । ମିଳିଥିବା ସବିଶେଷ ସୂଚନା ଅନୁସାରେ ଏପର୍ଯ୍ୟନ୍ତ କାହାରି କୌଣସି କ୍ଷୟକ୍ଷତି ହୋଇନଥିବାର ଜଣାପଡିଛି ।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top