ବେଲାଦୁଲାରେ ପଡ଼ୋଶୀ ଯୁବ ସଂସଦ କାର୍ଯ୍ୟକ୍ରମ

ଅନୁଗୋଳ, ୧୪/୮(ଓଡ଼ିଆ ପୁଅ/ଅଜିତ କୁମାର ବେହେରା): ଯୁବକ, ଯୁବତୀମାନଙ୍କର ନେତୃତ୍ୱରେ ବିକାଶ ତଥା ଭାରତ ନିର୍ମାଣରେ ସେମାନଙ୍କର ସକ୍ରିୟ ଭୂମିକା ଗ୍ରହଣର ମୂଳ ଉଦ୍ଦେଶ୍ୟ ନେଇ ଭାରତ ସରକାରଙ୍କର ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରଣାଳୟର ଯୋଜନା ପଡ଼ୋଶୀ ଯୁବ ସଂସଦର କାର୍ଯ୍ୟକ୍ରମ ଆଠମଲ୍ଲିକ ବ୍ଲକ ଅନ୍ତର୍ଗତ କନ୍ଧପଡ଼ା ପଂଚାୟତର ବେଲାଦୁଲା ଗ୍ରାମରେ ଅନୁଷ୍ଠିତ ହୋଇଯାଇଛି। ଗ୍ରାମର ହାଟପଦାଠାରେ ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ମା ମାଉଳୀ ଯୁବକ ସଂଘ ତଥା ନେହେରୁ ଯୁବ କେନ୍ଦ୍ର, ଅନୁଗୋଳର ସହଯୋଗରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଉପସ୍ଥିତ ଅତିଥିଗଣ ଦୀପ ପ୍ରଜ୍ଜ୍ୱଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ମାଁ ମାଉଲୀ ଯୁବକ ସଂଘର ଉପଦେଷ୍ଟା ପ୍ରତାପ ମେହେର ଏହି ପଡ଼ୋଶୀ ଯୁବ ସଂସଦର ଉଦ୍ଦେଶ୍ୟ ଓ ଆଭିମୁଖ୍ୟ ସମ୍ପର୍କରେ ଆଲୋକପାତ କରିବାସହ ଅନୁଷ୍ଠିତ ସଭାକାର୍ଯ୍ୟରେ ଅଧ୍ୟକ୍ଷତା କରିଥିଲେ। ଅନ୍ୟତମ ଅତିଥିଭାବେ ଇଂ ଆଭାସ କୁମାର କ୍ଷେତୀ, ଶିକ୍ଷକ ସରୋଜ କୁମାର ପ୍ରଧାନ, ବନ ବିଭାଗ ଅଧିକାରୀ ଲିଙ୍ଗରାଜ ବେହେରା, ଏମ୍.ବି.କେ.ସୁଫଳା ମାହାର ପ୍ରମୁଖ ଯୋଗ ଦେଇ ସୁସ୍ଥ ସମାଜ ଗଠନ ଦିଗରେ ଯୁବକମାନଙ୍କର ଭୂମିକା ଏବଂ ପଡ଼ୋଶୀ ଯୁବ ସଂସଦ କାର୍ଯ୍ୟକ୍ରମର ଉକ୍ରୃଷ୍ଟ ଦିଗ ଉପରେ ଆଲୋକପାତ କରିଥିଲେ। ଏହି କାର୍ଯ୍ୟକ୍ରମରେ ନେହେରୁ ଯୁବ କେନ୍ଦ୍ର, ଅନୁଗୋଳର କର୍ମକର୍ତା କୈାଶିକ ମେହେର, ପ୍ରଧାନମନ୍ତ୍ରୀ କୈାଶଳ ବିକାଶ କେନ୍ଦ୍ର ବୈାଦ୍ଧ ଶାଖାର ସାମର୍ଥ୍ୟ ଭୂବନ ମେହେର, ବେଲାଦୁଲାର ସମସ୍ତ ସ୍ୱଂୟ ସହାୟକ ଗୋଷ୍ଠୀ, ସରସ୍ୱତୀ ପୂଜା କମିଟି, ଶ୍ରୀ ଜଗନ୍ନାଥ ସାଂସ୍କୃତିକ ପରିଷଦ, ବାବା ସିଦ୍ଦେଶ୍ୱର କ୍ଲବ ଗୈାତମପୁର ତଥା ଗ୍ରାମର ବୁଦ୍ଧିଜୀବୀ ଏବଂ ଜନସାଧାରଣ ଯୋଗ ଦେଇଥିଲେ। ଏହି ଅବସରରେ ଗ୍ରାମର ମାଉଲୀ ଯୁବକ ସଂଘର ଆନୁକୂଲ୍ୟରେ ଏକ ପାଠାଗାର ପ୍ରତିଷ୍ଠା ନିମନ୍ତେ ଇଂ ଆଭାସ କୁମାର କ୍ଷେତୀ ପ୍ରସ୍ତାବ ଦେବାସହ ସହଯୋଗର ପ୍ରତିଶ୍ରୁତି ଦେଇଥିଲେ। ଏହି କାର୍ଯ୍ୟକ୍ରମରେ ସଂଘର ସଭାପତି ଇଶ୍ୱର ମେହେର, ଅକ୍ରୁର ମେହେର, ଦୁଖୀଶ୍ୟାମ ମେହେର, ପ୍ରଫୁଲ୍ଲ ମେହେର, ରାଜୀବ ମେହେର, ଧର୍ମୁଧର ମେହେର ପ୍ରମୁଖ ସକ୍ରିୟ ସହଯୋଗ କରିଥିବା ବେଳେ ନେହେରୁ ଯୁବ କେନ୍ଦ୍ରର ସଦସ୍ୟ କୈାଶିକ ମେହେର ଧନ୍ୟବାଦ ଅର୍ପଣ କରିଥିଲେ।

Leave a Reply

Your email address will not be published. Required fields are marked *