ଓଡ଼ିଶା

ବେଟି ବଚାଓ, ବେଟି ପଢାଓ ଯୋଜନାକୁ ନେଇ ଗୁଜବ: ଥାନାରେ ଏତଲା

ଭଦ୍ରକ, ୧୦ା୪ (ଓଡ଼ିଆ ପୁଅ / ପ୍ରମୋଦ ରାୟ) : ପ୍ରଧାନମନ୍ତ୍ରୀ ପ୍ରତ୍ୟେକ ପରିବାରକୁ ୨ଲକ୍ଷ ଟଙ୍କା ଦେଉଛନ୍ତି ମିଥ୍ୟା ଖବର ପାଇ ଭଦ୍ରକ ଜିଲ୍ଲାରେ ସବୁ ପୋଷ୍ଟ ଅଫିସ ଆଗରେ ଜନସାଧାରଣଙ୍କ ଭିଡ଼। ପ୍ରକାଶ ଥାଉକି ଆଜି ସକାଳ ୧୦ଟା ଠାରୁ ଜିଲ୍ଲାର ପ୍ରାୟ ପୋଷ୍ଟ ଆଗରେ ପ୍ରବଳ ଭିଡ଼ ଦେଖିବାକୁ ମିଳିଥିଲା। ଏହାର କାରଣ ବୁଝିବାରୁ ଜଣା ପଡ଼ିଲା ଭଦ୍ରକ ଜିଲ୍ଲାରେ କେହି ଜଣେ ମିଛ ଖବର ପ୍ରଚାର କରିଛି। ଆମ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରତ୍ୟେକ ପରିବାରର ପ୍ରତ୍ୟେକ ଝିଅଙ୍କ ଆକାଉଂଟକୁ ୨ଲକ୍ଷ ଟଙ୍କା ବେଟି ବଚାଓ, ବେଟି ପଢାଓ ଯୋଜନାରେ ଟଙ୍କା ପଠାଉଛନ୍ତି। ଏହି ଖବର ପ୍ରଚାରିତ ହେବା ପରେ ସବୁ ପୋଷ୍ଟ ଅଫିସରେ ସକାଳୁ ଭିଡ଼ ଜମିଯାଇଥିଲା। ଆମେ କିଛି ଲୋକଙ୍କୁ ପଚାରି ବୁଝିଥିଲୁ ସେମାନେ କହିଲେ ଆଜି ଡ଼ିପୋଯିଟର ଶେଷ ଦିନ ଥିବା ଦୃଷ୍ଟିରୁ ଖବର ପାଇ ଚଢା ଦରରେ ଜେରକ୍ସ ଫର୍ମ ଆବେଦନ କରିଛନ୍ତି। ଭାରତୀୟ ଜନତା ପାର୍ଟିର ଜିଲ୍ଲା ସାଧାରଣ ସମ୍ପାଦକ ବାମଦେବ ଦାସ ଏହି ବିଷୟରେ ଭଦ୍ରକ ଟାଉନ ଥାନାରେ ଏତଲା ଦାୟର କରିଛନ୍ତି। ତାଙ୍କୁ ପଚରା ଯିବାରୁ ସେ କହିଲେ ମୁ ସାଧାରଣ ନାଗରିକ ହିସାବରେ ଯେତେବେଳେ ମିଥ୍ୟା ନ୍ୟୁଜ ଖବର ଶୁଣି ପୋଷ୍ଟ ଅଫିସ କର୍ମଚାରୀଙ୍କୁ ପଚାରିବା ଓ ଗୁଗୁଲରେ ସର୍ଚ୍ଚ କରିବା ପରେ ଜଣା ପଡ଼ିଲା ଏହା ଏକ ମିଥ୍ୟା ଖବର ଏଥିରେ ଲୋକଙ୍କର ବ୍ୟାଙ୍କ ଆକାଉଂଟ ନଂ ଓ ଆଧାରକାର୍ଡ଼ ନଂ ସଂଯୋଗ କରୁଥିବା ଦୃଷ୍ଟିରୁ ଲୋକଙ୍କ ଗୋପନିୟତା ନଷ୍ଟ ହେବାର ସମ୍ଭାବନା ଅଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲୋକାଭିମୁଖି ଯୋଜନାକୁ ବଦନାମ କରାନଯାଉ। ବେଟି ବଚାଓ, ବେଟି ପଢାଓ ଯୋଜନାର ଉଦ୍ଦେଶ୍ୟ ଅଲଗା ଅଛି ଏହି ଖବରକୁ ମିଥ୍ୟା ଢଙ୍ଗରେ ପ୍ରକାଶ ପାଇ ଲୋକ ହଇରାଣ ହରକତ ହୋଇଥିବାରୁ ଉକ୍ତ ଘଟଣାକୁ ତଦନ୍ତ କରି ଦୋଷୀ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବା ପାଇଁ ଅନୁରୋଧ କରିଛନ୍ତି।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

To Top