କେନ୍ଦୁଝର

ବିପଦ ଶଙ୍କୁଳ ଗୃହରେ ଚାଲିଛି ବେଢାପାଳ ଅଙ୍ଗନୱାଡି କେନ୍ଦ୍ର

ଘଟଗାଁ, ତା୨୨ ଅଗଷ୍ଟ(ଓଡିଆ ପୁଅ/ଭବାନୀ ପ୍ରସାଦ)କେନ୍ଦୁଝର ଜିଲ୍ଲା ସମନ୍ନିତ ସମାଜ ମଙ୍ଗଳ ପ୍ରଶାସନଙ୍କ ଇଚ୍ଛାଶକ୍ତି ଓ ଆନ୍ତରିକତା ତଥା ତଦାରଖ ଅଭାବରୁ ଘସିପୁରା ନିର୍ବାଚନ ମଣ୍ଡଳୀ ଅଧିନସ୍ଥ ଘଟଗାଁ ବ୍ଲକ ସମନ୍ନିତ ଶିଶୁ ବିକାଶ ପ୍ରକଳ୍ପ କାର୍ଯ୍ୟାଳୟ (ଆଇ.ସି.ଡି.ଏସ) ପକ୍ଷରୁ ପରିଚାଳିତ ବେଢାପାଳ ଆମ ଅଙ୍ଗନୱାଡି କେନ୍ଦ୍ରଟି ଦୀର୍ଘ ଏକ ଦଶନ୍ଧି ହେବ ବିପଦ ଶଙ୍କୁଳ ଛାତ ଗୃହରେ ଚାଲିଥିବାକୁ ନେଇ ଗ୍ରାମବାସୀଙ୍କ ପକ୍ଷରୁ ଉଦବେଗ ପ୍ରକାଶ ପାଇଛି। ସୂଚନାରୁ ପ୍ରକାଶ ଯେ ସରକାରଙ୍କ ଲୋକାଭିମୁଖି ଯୋଜନା ଶିଶୁ ଓ ମାତୃ ମୃତ୍ୟୁହାର କମାଇବା ସହିତ ପୁଷ୍ଟିକର ଖାଦ୍ୟ ଯୋଗାଣ ସହିତ ପ୍ରାକ୍ ଶିକ୍ଷା ପାଇଁ ୧୯୮୬ ମସିହାରୁ ଘଟଗାଁ ବ୍ଲକରେ ଶିଶୁ ବିକାଶ ପ୍ରକଳ୍ପ ଆରମ୍ଭ କରିଛନ୍ତି। ଉକ୍ତ କେନ୍ଦ୍ର ପ୍ରକଳ୍ପ ଅଧିନରେ ୨୫୧ଟି ଅଙ୍ଗନୱାଡି କେନ୍ଦ୍ର ଥିବା ବେଳେ ବେଢାପାଳ ଆମ ଅଙ୍ଗନୱାଡି କେନ୍ଦ୍ରଟି ଅନ୍ୟତମ। ଏହି କେନ୍ଦ୍ରରୁ ୧୦୦ଜଣ ହିତାଧିକାରୀ ଉପକୃତ ହେବା ସହିତ ୨୦ରୁ ଉର୍ଦ୍ଧ୍ୱ ପ୍ରାକ୍ ଶିକ୍ଷା ପାଉଛନ୍ତି। କିନ୍ତୁ ଦୁଃଖ ଓ ପରିତାପର ବିଷୟ ୩ବର୍ଷରୁ ୫ବର୍ଷ ଭିତରେ ଛୋଟ ଛୋଟ ଶିଶୁ ମାନେ ଏହି ବିପଦ ଶଙ୍କୁଳ ଛାତ ତଳେ ଶିକ୍ଷା ନେଉଥିବା ବେଳେ କେଉଁ ମୂହୁର୍ତରେ କଣ ଅଘଟଣ ଘଟିବା ନେଇ ଅଭିଭାବକମାନେ ଆଶଙ୍କା କରିଛନ୍ତି। ତତ୍ ସହିତ ଶିଶୁମାନଙ୍କ ପାଇଁ ଖାଦ୍ୟ ରନ୍ଧନ ଓ ହସ୍ତପଦ ଧୈାକ ପାଇଁ ନିର୍ମିତ ନଳକୂପର ଚାଳିନି ନଥିବା ଫଳରେ ପାଣି କାଦୁଅରେ ପରିପୂର୍ଣ୍ଣ। କେନ୍ଦ୍ରରେ ବହୁ ସମସ୍ୟା ଲାଗି ରହିଥିବା ପ୍ରଶାସନ ଜାଣି ଅଜଣା ରହିଥିବା ଲୋକାଭିମୁଖୀ ଯୋଜନା ପ୍ରତି ଅଙ୍ଗୁଳି ନିର୍ଦ୍ଦେଶ କରିଛି। ଏଣୁ ଜିଲ୍ଲାପାଳ ଓ ବିଭାଗୀୟ ଉଚ୍ଚ କତୃପକ୍ଷ ଏଥିପ୍ରତି ଦୃଷ୍ଟି ଦେଇ ନୂତନ ଗୃହ ଯୋଗାଇ ଦେବାକୁ ତରା ଗ୍ରାମପଂଚାୟତ ପକ୍ଷରୁ ଦାବି ହୋଇଛି।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top