ବିଦ୍ୟୁତ ଆଘାତରେ ଆହତ ଟେଲିଫୋନ କର୍ମଚାରୀଙ୍କ ମୃତ୍ୟୁ

ଭଦ୍ରକ, ୧୦ା୯ (ଓଡ଼ିଆ ପୁଅ / ପ୍ରମୋଦ ରାୟ) – ଗତ ୨୭ ତାରିଖ ଟେଲିଫୋନ ସଜାଡୁ ଥିବା ବେଳେ ଟେଲିଫୋନ ତାର ୧୩୨ କେଭିଏ ବିଦ୍ୟୁତ ତାର ସଂସ୍ପର୍ଶ ଆସିବାରୁ ବିଦ୍ୟୁତ୍ ଆଘାତରେ ଗୁରୁତର ଆହତ ହୋଇଥିବା ନବ କିଶୋର ନାୟକ (୬୫)ଙ୍କର ଗତକାଲି ଅଶ୍ୱିନୀ ହସ୍ପିଟାଲରେ ମୃତ୍ୟୁ ହୋଇ ଯାଇଛି। ନବ କିଶୋର ଭଦ୍ରକ ଟେଲିଫୋନ ବିଭାଗରେ ଟେକ୍ନିସିଆନ ଭାବେ କାର୍ଯ୍ୟ କରୁଥିଲେ। ଗତ ୨୭ ତାରିଖରେ ପ୍ରାଚୀନଗର ବିନାୟକ ବିଦ୍ୟା ମନ୍ଦିର ଠାରେ ଏକ ନୂତନ ଯେଲିଫୋନ ସଂଯୋଗ ପାଇଁ ତାର ଟାଣୁଥିବା ବେଳେ ଉକ୍ତ ତାର ବିଦ୍ୟୁତ ତାର ସହିତ ସଂଯୋଗ ହୋଇ ଯାଇଥିଲା। ତାଙ୍କ ଶରୀରର ବହୁ ଭାଗ ପୋଡି ହୋଇଯାଇଥିଲା। ତାଙ୍କୁ ପ୍ରଥମେ ଭଦ୍ରକ ମେଡିକାଲ ଓ ପରେ କଟକ ସ୍ଥାନାନ୍ତର କରାଯାଇଥିଲା। ସେଠାରେ ତାଙ୍କର ମୃତ୍ୟୁ ଘଟିଛି। ଆଜି ଭଦ୍ରକ ଟେଲିଫୋନ ଭବନରେ ସମସ୍ତ କର୍ମଚାରୀମାନେ ନୀରବ ପ୍ରାର୍ଥନା କରି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।

Leave a Reply

Your email address will not be published. Required fields are marked *