ଜିଲ୍ଲା ପରିକ୍ରମା

ବିଜେପି ଯୁବମୋର୍ଚ୍ଚା ପକ୍ଷରୁ ୨୦ରେ ସିଡିଏମଓ କାର୍ଯ୍ୟାଳୟ ଘେରାଓ

ଭଦ୍ରକ, ୧୮ା୭ (ଓଡ଼ିଆ ପୁଅ / ପ୍ରମୋଦ ରାୟ) : ଧାମନଗର ବ୍ଳକ ଦଇପୁର ପଞ୍ଚାୟତର ଚୁଡାକୁଟି ଗ୍ରାମର ଅଭିମନ୍ୟୁ ମଳିକଙ୍କ ନାବାଳିକା ଝିଅ ଦେବସ୍ମିତାଙ୍କୁ ଚିକିତ୍ସାରେ ଅବହେଳା ଜନିତ ମୃତ୍ୟୁରେ ସଂପୃକ୍ତ ଥିବା ଡାକ୍ତର, ନର୍ସ ଓ ଆଟେଣ୍ଡାଣ୍ଟଙ୍କ ନିଲମ୍ବନ ଓ ମିଥ୍ୟା ମାମଲାରେ ପୁଲିସ ଗିରଫ କରିଥିବା ଯୁବକଙ୍କ ଉପରୁ ମାମଲା ପ୍ରତ୍ୟାହାର ଦାବି ନେଇ ଆସନ୍ତା ୨୦ ତାରିଖ ବିଜେପି ଯୁବମୋର୍ଚ୍ଚା ପକ୍ଷରୁ ଜିଲ୍ଲା ମୁଖ୍ୟ ଚକିତ୍ସାଧିକାରୀଙ୍କ କାର୍ଯ୍ୟାଳୟ ଘେରାଓ କରାଯିବା ସହିତ ବିକ୍ଷୋଭ ପ୍ରଦର୍ଶନ କରାଯିବ। ଏ ନେଇ ଆଜି ଏକ ପ୍ରସ୍ତୁତି ବୈଠକ ଜିଲ୍ଳା ବିଜେପି କାର୍ଯ୍ୟାଳୟରେ ମୋର୍ଚ୍ଚାର ସଭାପତି ସୁରେଶ ସାମଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ମୃତ ଦେବସ୍ମିତାଙ୍କ ପରିବାର ପ୍ରତି ଉପଯୁକ୍ତ ନ୍ୟାୟ ଦେବା ପାଇଁ ମୋର୍ଚ୍ଚା ପକ୍ଷରୁ ଜିଲ୍ଲା ପ୍ରଶାସନକୁ ଅନୁରୋଧ କରାଯାଇ ୭ ଦିନ ସମୟ ଦିଆ ଯାଇଥିଲା। ଏହି ସମୟ ଅତିକ୍ରାନ୍ତ ହୋଇଥିଲେ ମଧ୍ୟ ଚିକିତ୍ସାରେ ଅବହେଳା କରିଥିବା ଡାକ୍ତର, ନର୍ସ, ଆଟେଣ୍ଡାଣ୍ଟଙ୍କ ବିରୁଦ୍ଧରେ କୌଣସି ଦୃଷ୍ଟାନ୍ତ ମୂଳକ ପଦକ୍ଷେପ ନିଆଯିବା ବଦଳରେ ଧର୍ମକୁ ଆଖିଠାର ମାରିଲା ଭଳି ସିଡିଏମଓଙ୍କ ପକ୍ଷରୁ କାରଣ ଦର୍ଶାଅ ନୋଟିସ ଦିଆଯାଇଥିବା ଜଣା ପଡିଛି। ଜଣେ ନୀରିହ ନିଷ୍ପାପ ନାବାଳିକାଙ୍କ ମୃତ୍ୟୁର କାରଣ ସାଜିଥିବା ଡାକ୍ତର ଓ ମେଡିକାଲ କର୍ମଚାରୀଙ୍କ ପାଇଁ ଏହି ଦଣ୍ଡ କଣ ପର୍ଯ୍ୟାପ୍ତ ବୋଲି ଶ୍ରୀ ସାମଲ ଆରୋପ କରିବା ସହିତ ଉପଯୁକ୍ତ ନ୍ୟାୟ ଦାବିରେ ଆସନ୍ତା ୨୦ ତାରିଖ ଶୁକ୍ରବାର ସିଡିଏମଓଙ୍କ କାର୍ଯ୍ୟାଳୟ ଘେରାଓ କରି ବିକ୍ଷୋଭ ପ୍ରଦର୍ଶନ କରାଯିବାକୁ ଆଜିର ବୈଠକରେ ନିଷ୍ପତି ନିଆ ଯାଇଥିବା ବିଷୟ ସୂଚନା ଦେଇଛନ୍ତି।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top