ବିଜେପିର ସାମ୍ବାଦିକ ସମ୍ମିଳନୀ

କୋରାପୁଟ ; ତା୧୩-୦୬-୧୮(ଓଡିଆ ପୁଅ/ରଂଜନ କୁମାର ଦାସ) ସ୍ଥାନୀୟ ଅତିଥିଭାବନ ସବାଗୃହଠାରେ ଜିଲ୍ଲା ବିଜେପିର ଏକ ସାମ୍ବାଦିକ ସମ୍ମିଳନୀ ଆୟୋଜିତ ହୋଇଯାଇଛି।ରତ୍ନଭଣ୍ଡାରରେ ଚାବି ହଜିବାକୁ ନେଇ ପୂର୍ବତନ ସାଂସଦ ଜୟରାମ ପାଙ୍ଗୀଙ୍କ ଅଧ୍ୟକ୍ଷତାରେ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା।ଏଥିରେ ଜିଲ୍ଲା ବିଜେପି ଉପସଭାପତି ପୂର୍ଣ୍ଣିମା ନାୟକ, ଅଶ୍ୱିନୀ ପଟନାୟକ, ସନ୍ତୋଷ ଦାସ, ବିଜୁ ଦଳେଇ ପ୍ରମୁଖ ସଦସ୍ୟ ଯୋଗଦେଇଥିଲେ। ଚାବି ହକିଛି ନା ଚାବିକୁ ହଜାଇ ଦିଆଯାଇଛି ବୋଲି ଜୟରାମ ପାଙ୍ଗୀ ପ୍ରଶ୍ନ କରିଥିଲେ।ତୁରନ୍ତ ରତ୍ନଭଣ୍ଡାରର ତାଲା ଭାଙ୍ଗୀ କେତେ କେତେ ଅଳଙ୍କାର ରହିଛି ତାହା ଜଗନ୍ନାଥ ପ୍ରେମୀ ଭକ୍ତମାନଙ୍କୁ ସରକାର ଜଣାନ୍ତୁ ବୋଲି ସେ ଦାବି କରିଥିଲେ। ରତ୍ନଭଣ୍ଡାରରେ ଅଳଙ୍କାର ସୁରକ୍ଷିତ ଅଛି କି ନାହିଁ ତାହା ପ୍ରଶାସନ ତଦାରଖ କରି ରାଜ୍ୟ ସରକାରଙ୍କୁ ଜଣାଇବାର ନିୟମ ରହିଥିଲେ ସୁଦ୍ଧା କାହିଁକି ଆଜି ପର୍ଯ୍ୟନ୍ତ ତାହା କରାଗଲା ନାହିଁ ବୋଲି ସେ ପ୍ରଶ୍ନ କରିଥିଲେ।ଏଥି ନିମନ୍ତେ ପୂର୍ବତନ କଂଗ୍ରେସ ସରକାର, ଜନତା ଦଳ, ବିଜେଡି ଓ ବିଜେପି ମିଳିତ ସରକାର ଏବଂ ବର୍ତମାନର ବିଜେଡି ସରକାର ଦାୟୀ ବୋଲି ସେ ପ୍ରକାଶ କରିଥିଲେ। ଏ ସବୁ ପାଇଁ ମୁଖ୍ୟମନ୍ତ୍ରୀ ଦାୟୀ ଅଟନ୍ତି ବୋଲି ସେ ଅଭିଯୋଗ କରିଥିଲେ।

Leave a Reply

Your email address will not be published. Required fields are marked *