ଓଡ଼ିଶା

ବାରାଣସୀରେ ପ୍ରମୁଖ ବିକାଶ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କଲେ ପ୍ରଧାନମନ୍ତ୍ରୀ

ବାରାଣସୀ ୧୮-୯ (ଓଡ଼ିଆ ପୁଅ) ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ବାରାଣସୀସ୍ଥିତ ବନାରସ ହିନ୍ଦୁ ବିଶ୍ୱବିଦ୍ୟାଳୟଠାରେ ଏକ ଜନସମାବେଶରେ କେତେକ ପ୍ରମୁଖ ବିକାଶ ପ୍ରକଳ୍ପର ଉଦଘାଟନ ଏବଂ ଆଧାରଶିଳା ରଖିଥିଲେ।

ଉଦଘାଟିତ ହୋଇଥିବା ପ୍ରକଳ୍ପଗୁଡିକ ମଧ୍ୟରେ ପୁରୁଣା କାଶୀ ପାଇଁ ସମନ୍ୱିତ ଶକ୍ତି ବିକାଶ ଯୋଜନା ଏବଂ ବନାରସ ହିନ୍ଦୁ ବିଶ୍ୱବିଦ୍ୟାଳୟର ଅଟଳ ନବୋନ୍ୱେଷ କେନ୍ଦ୍ର ରହିଛି। ଆଧାରଶିଳା ସ୍ଥାପନ କରାଯାଇଥିବା ପ୍ରକଳ୍ପଗୁଡିକ ମଧ୍ୟରେ ହିନ୍ଦୁ ବିଶ୍ୱବିଦ୍ୟାଳୟରେ ଆଂଚଳିକ ଚକ୍ଷୁ ଚିକିତ୍ସା କେନ୍ଦ୍ର ରହିଛି।

ଆଜି ଉଦଘାଟନ ଏବଂ ଆଧାରଶିଳା ସ୍ଥାପନ କରାଯାଇଥିବା ମୋଟ ପ୍ରକଳ୍ପର ମୂଲ୍ୟ ୫୫୦ କୋଟି ଟଙ୍କା।

ଏହି ଅବସରରେ ସମ୍ବୋଧନ କରି ପ୍ରଧାନମନ୍ତ୍ରୀ କହିଥିଲେ ଯେ ବାରାଣସୀରେ ପରିବର୍ତ୍ତନ ଅଣାଯିବା ତଥା ସହରର ସମୃଦ୍ଧ ଐତିହ୍ୟକୁ ସଂରକ୍ଷିତ କରିବାର ପ୍ରଚେଷ୍ଟା କରାଯାଉଛି। ସେ କହିଥିଲେ ଯେ ସହରର ପ୍ରାଚୀନ ପରିଚୟକୁ ସୁରକ୍ଷିତ ରଖି ସହରର ବିକାଶ କରାଯାଉଛି। ସେ କହିଥିଲେ ଯେ କାଶୀର ଜନସାଧାରଣଙ୍କ ୪ ବର୍ଷର ସଂକଳ୍ପ ଦ୍ୱାରା ଯେଉଁ ପରିବର୍ତ୍ତନ ଅଣାଯାଇଛି ତାହା ଏବେ ପରିଲକ୍ଷିତ ହେଉଛି।

ଶ୍ରୀ ନରେନ୍ଦ୍ର ମୋଦୀ ବିଦ୍ୟୁତ, ସଡକ ତଥା ଅନ୍ୟ ଭିତ୍ତିଭୂମି କ୍ଷେତ୍ରରେ ଜାରି ରହିଥିବା ବିଭିନ୍ନ ପ୍ରକଳ୍ପଗୁଡିକର ଉଦାହରଣ ଦେଇ କହିଥିଲେ ଯେ ଏହି ପ୍ରକଳ୍ପଗୁଡିକରେ ଦୃତ ପ୍ରଗତି ପରିଲକ୍ଷିତ ହେଉଛି ଏବଂ ଏହାଦ୍ୱାରା ବାରାଣସୀ ତଥା ଆଖପାଖ ଅଂଚଳର ଲୋକମାନଙ୍କ ଜୀବନ ଶୈଳୀରେ ପରିବର୍ତ୍ତନ ହୋଇପାରିଛି। ଯେତେବେଳେ ଲୋକମାନେ ବାରାଣସୀ କ୍ୟାଣ୍ଟ ଷ୍ଟେସନର ଛବି ଅନଲାଇନ ପୋଷ୍ଟ କରିବାର ଦେଖିଥାନ୍ତି ସେତେବେଳେ ସେ ଅତ୍ୟନ୍ତ ଆନନ୍ଦ ଅନୁଭବ କରନ୍ତି। ପ୍ରଧାନମନ୍ତ୍ରୀ ପରିବହନ ସଂରଚନାର ଆଧୂନିକିକରଣ ଦିଗରେ କରାଯାଉଥିବା କାର୍ୟ୍ୟ ବିଷୟରେ ମଧ୍ୟ ଆଲୋକପାତ କରିଥିଲେ। ସେ ସ୍ୱଚ୍ଛତା ଦିଗରେ ଏବଂ ସହରର ସୌନ୍ଦର୍ୟ୍ୟକରଣ କ୍ଷେତ୍ରରେ କରାଯାଉଥିବା କାର୍ୟ୍ୟର ମଧ୍ୟ ଆଲୋଚନା କରିଥିଲେ। ସେ କହିଥିଲେ ଯେ ପର୍ୟ୍ୟଟନ କ୍ଷେତ୍ରରେ ପରିବର୍ତ୍ତନ ଆଣିବାର ପ୍ରଚେଷ୍ଟା ଏକ ନିରନ୍ତର ପ୍ରୟାସ। ଏହି ପରିପ୍ରେକ୍ଷୀରେ ସାରନାଥଠାରେ କରାଯାଉଥିବା କାର୍ୟ୍ୟ ବିଷୟରେ ମଧ୍ୟ ଆଲୋକପାତ କରିଥିଲେ।

ପ୍ରଧାନମନ୍ତ୍ରୀ କହିଥିଲେ ଯେ ସଡକ, ବିଜୁଳି ଏବଂ ପାନୀୟ ଜଳ ଭଳି ଅତ୍ୟାବଶ୍ୟକ ସୁବିଧାଗୁଡିକ ମଧ୍ୟ ବାରାଣସୀର ଆଖପାଖ ଗ୍ରାମୀଣ ଅଂଚଳ ପର୍ୟ୍ୟନ୍ତ ଉପଲବ୍ଧ। ସେ କହିଥିଲେ ଯେ କାଶୀ ଏବେ ସ୍ୱାସ୍ଥ୍ୟ କେନ୍ଦ୍ରର ପେଣ୍ଠସ୍ଥଳୀ ଭାବେ ପରିଚିତ। ଆଜି ଉଦଘାଟିତ ଅଟଳ ନବୋନ୍ୱେଷ କେନ୍ଦ୍ରର ଉଲ୍ଲେଖ କରି ସେ କହିଥିଲେ ଯେ ଷ୍ଟାର୍ଟ ଅପ ଏବେ ଏହାସହିତ ସଂଯୋଗ ହୋଇପାରିଛି। ସେ କହିଥିଲେ ଯେ ଦେଶର ବଚ୍ଛା ବଚ୍ଛା ସହର ମଧ୍ୟରେ ଏବେ ବାରାଣସୀ ଅନ୍ୟତମ ଯେଉଁଠାରେ ପାଇପ ମାଧ୍ୟମରେ ରୋଷେଇ ଗ୍ୟାସ ଉପଲବ୍ଧ କରାଯାଉଛି।

ସଂକଳ୍ପବଦ୍ଧ ହୋଇ ସହରର ଉନ୍ନତିକରଣରେ ସ୍ୱତଃପ୍ରବୃତ ଭାବେ ଯୋଗଦାନ କରିବାକୁ ପ୍ରଧାନମନ୍ତ୍ରୀ ବାରାଣସୀର ଜନସାଧାରଣଙ୍କୁ ନିବେଦନ କରିଥିଲେ।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top