ad
ଜିଲ୍ଲା ପରିକ୍ରମା

ବର୍ଷା ବଦଳରେ ଆକାଶରୁ ଅଗ୍ନି ବର୍ଷା ; ଜିଲାବାସୀ ଡ଼ହଳବିକଳ

ଯାଜପୁର-୨୧/୬(ଓଡିଆ ପୁଅ/ଏ.ରାଉତ) ସକାଳ ୮ଟାରୁ ଆରମ୍ଭ ହୋଇ ଯାଉଛି ଖରା । ପ୍ରବଳ ଗରମ ଓ ଗୁଳୁଗୁଳିରେ ଘରେ ରହିବା ଅସମ୍ଭବ ହେଉଥିଲାବେଳେ ବାହାରକୁ ବାହାରିବା କଥା ଚିନ୍ତା କଲାବେଳକୁ ମନରେ ଭୟ ଆସୁଛି । ଦିନ ଯେତିକି ବଢୁଛି ତାତିର ପ୍ରକୋପ ସେତିକି ବଢିବଢି ଚାଲିଛି । ପ୍ରବଳ ଖରା ସହିତ ଗରମ ପବନ ପରିସ୍ଥିତିକୁ ଆହୁରି ବେହାଲ କରି ଦେଉଛି । ପ୍ରବଳ ଖରା ଓ ଗରମ ଜିଲାବାସୀଙ୍କୁ ଅସ୍ତବ୍ୟସ୍ତ କରି ପକାଇଛି । ଲଗାତାର ୫ ଦିନ ହେଲା ଲାଗି ରହିଥିବା ତାତି କମିବାରେ କୈାଣସି ଆଭାସ ଦେଖାଯାଉନଥିଲାବେଳେ ସ୍ଥିତି ଦିନକୁଦିନ ବିଗିଡି ଯାଉଛି । ରାସ୍ତା ଘାଟ ଦିନ ୧୧ଟା ପରେ ଶୁନସାନ ହୋଇ ଯାଉଥିଲାବେଳେ ଦୋକାନ ବଜାର ମଧ୍ୟ ବନ୍ଦ ହୋଇଯାଉଛି । ପ୍ରବଳ ଖରା ଓ ଗରମରେ ପଦାକୁ ଆସୁଥିବା ଲୋକମାନେ ନିଜର ତୃଷ୍ଣା ମେଂଟାଇବାକୁ ମୃଦୁ ପାନୀୟ ସହିତ ରାସ୍ତା କଡରେ ଥିବା ଆଖୁରସ ଦୋକାନ ନିକଟରେ ଭିଡ ଜମାଉଛନ୍ତି । ବିଭିନ୍ନ ସରକାରୀ କାର୍ଯ୍ୟାଳୟ ରଜ ଛୁଟି ପରେ ଖୋଲିଥିଲାବେଳେ କାର୍ଯ୍ୟାଳୟ ଗୁଡିକରେ ଜନସାଧାରଣଙ୍କ ଭିଡ ମଧ୍ୟ ଦେଖିବାକୁ ମିଳୁନାହିଁ । ଅତି ଗୁରୁତ୍ୱପୂର୍ଣ୍ଣ କାର୍ଯ୍ୟ ନଥିଲେ କେହି ପଦାକୁ ବାହାରିବାକୁ ସାହାସ ଜୁଟାଇ ପାରୁନାହାନ୍ତି । ଦିନକୁଦିନ ଖରା ଓ ଗରମର ପ୍ରକୋପ ବଢି ଚାଲିଥିଲାବେଳେ ଅଶୁଂଘାତର ଆଶଂକା ମଧ୍ୟ ବଢି ଯାଇଛି ଲୋକମାନଙ୍କ ମନରେ । ଜନସାଧାରଣ ଏହି ଭଳି ଗରମ ପରିବେଶରେ ଡହଳବିକଳ ହେଉଥିଲାବେଳେ ଜୀବଜନ୍ତୁ ମଧ୍ୟ କଲବଲ ହେଉଛନ୍ତି । ଜିଲାର ବିଭିନ୍ନ ସ୍ଥାନରେ ନିର୍ମାଣ କାର୍ଯ୍ୟ ଚାଲିଥିଲାବେଳେ ବର୍ଷା ଆରମ୍ଭ ପୂର୍ବରୁ କିଛି ଗୁରୁତ୍ୱପୂର୍ଣ୍ଣ ନିର୍ମାଣ କାର୍ଯ୍ୟକୁ ସାରିବାକୁ ଉଦ୍ୟମ ହେଉଥିଲାବେଳେ ଶ୍ରମିକମାନେ ଟାଣ ଖରାରେ କାର୍ଯ୍ୟ କରିବାକୁ ଅମଙ୍ଗ ହେଉଥିବାରୁ ସେହି ସବୁ କାର୍ଯ୍ୟ ମଧ୍ୟ ଠପ ହୋଇ ପଡିଛି । କିଛିକିଛି ସ୍ତାନରେ ଘରୋଇ କାର୍ଯ୍ୟ ଚାଲିଥିଲାବେଳେ ସୂର୍ଯ୍ୟ ମୁଣ୍ଡ ଉପରକୁ ଆସିଲେ ଶ୍ରମିକମାନେ ଆଉ କାମ କରିବାକୁ ରାଜି ହେଉନାହାନ୍ତି । ଏହି ଭଳି ଟାଣ ଖରାରେ ବସରେ ଯାତାୟତ କରୁଥିବା ଯାତ୍ରୀମାନେ ଗରମରେ କଲବଲ ହେଉଥିବା ଦେଖିବାକୁ ମିଳିଛି । କିଛି ଏସି ବସରେ ଯାତ୍ରୀମାନେ ବିଭିନ୍ନ ସ୍ଥାନକୁ ଗତାଗତ କରିବାକୁ ଉଚିତ ମଣୁଥିଲାବେଳେ ସାଧାରଣ ବସରେ ଯାତ୍ରୀ ବହୁ କଷ୍ଟରେ ଗତାଗତ କରୁଛନ୍ତି । ବିଶେଷ କରି ସାଧାରଣ ବସରେ ଗତାଗତ କଲାବେଳେ ଛୋଟ ପିଲାମାନେ ନାହିଁ ନଥିବା ଗରମକୁ ସମ୍ମୁଖିନ ହେଉଛନ୍ତି । ସ୍କୁଲ ଗୁଡିକୁ ସରକାର ୨୫ ତାରିଖ ପର୍ଯ୍ୟନ୍ତ ଛୁଟି ଘୋଷଣା କରିଥିଲାବେଳେ ୧୮ ତାରିଖରୁ କଲେଜ ଗୁଡିକ ଖୋଲିଥିବା କଲେଜକୁ କର୍ମଚାରୀଙ୍କ ବ୍ୟତିତ ହାତ ଗଣତି ଛାତ୍ରଛାତ୍ରୀ ଆସୁଥିବା ଦେଖିବାକୁ ମିଳିଛି । ଅପରପକ୍ଷେ ବିଦ୍ୟୁତ ସମସ୍ୟା ତାତି ଓ ଗରମ ସମସ୍ୟାକୁ ବଳି ଯାଇଛି । ଜିଲାଯାକ ଅଘୋଷିତ ବିଦ୍ୟୁତ କାଟ ଚାଲିଥିଲାବେଳେ ଯେତିକି ସମୟ ବିଦ୍ୟୁତ ରହୁଛି ଲୋ-ଭୋଲଟେଜ ସମସ୍ୟା ଫଳରେ ଫ୍ୟାନ ଚାଲିବା ମଧ୍ୟ କଷ୍ଟକର ହୋଇଯାଉଛି । ସଂଧ୍ୟାରେ ଆକାଶରେ ବାଦଲ ଦେଖିବାକୁ ମିଳୁଥିଲାବେଳେ ତାହା ବର୍ଷିବା ବଦଳରେ ମିଳାଇ ଯାଉଥିବା ଦେଖିବାକୁ ମିଳିଛି । ଯାହା ଜନସାଧାରଣଙ୍କୁ ହତାଶ କରିଦେଉଛି । ପ୍ରବଳ ଖରା ଓ ଗରମ ଯୋଗୁ ଅଶୁଂଘାତର ଆଶଂକା ବଢି ଯାଇଥିଲାବେଳେ ଜିଲାରେ ଅଶୁଂଘାତ ରୋଗୀଙ୍କ ଚିକିସôା ପାଇଁ ଜିଲା ଚିକିସôାଳୟରେ ସମସ୍ତ ପ୍ରକାର ବ୍ୟବସ୍ଥା ହୋଇଥିବା ଜିଲା ମୁଖ୍ୟ ଚିକିସôାଧିକାରୀ ଡାକ୍ତର ବାରିଶ କୁମାର ଦାଶ କହିଛନ୍ତ

Loading...
ad
Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top