ଓଡ଼ିଶା

“ବନ୍ଦେ ଉତ୍କଳ ଜନନୀ…” କୁ ରାଜ୍ୟ ସଙ୍ଗୀତ ମାନ୍ୟତା ନଥିବା ପ୍ରସଙ୍ଗରେ: ନିଜକୁ ଆଂଚଳିକ ଦଳ ବୋଲି ପରିଚୟ ସୃଷ୍ଟି କରିଥିବା ଶାସକ ବିଜେଡିର ଓଡିଆ ଏବଂ ଓଡିଶା ପ୍ରତି ଆନ୍ତରିକତା ନାହିଁ : ବିଜେପି

ଭୁବନେଶ୍ୱର, ତା.୨୨/୦୬ (ଓଡ଼ିଆ ପୁଅ): ପ୍ରଥମ ଭାଷା ଭିତିକ ରାଜ୍ୟ ଭାବେ ସମଗ୍ର ଭାରତ ବର୍ଷରେ ଓଡିଶା ମାନ୍ୟତା ପାଇଛି। ୨୦୦୩ ମସିହାରୁ “ବନ୍ଦେ ଉତ୍କଳ ଜନନୀ…..” ଗୀତକୁ ପ୍ରଦେଶ ସଙ୍ଗୀତର ମର୍ଯ୍ୟାଦା ପ୍ରଦାନ କରିବା ପାଇଁ ବିଭିନ୍ନ ଅନୁଷ୍ଠାନ ପକ୍ଷରୁ ବହୁ ଥର ରାଜ୍ୟ ସରକାରଙ୍କ ସହ ଆଲୋଚନା ଏବଂ ବୈଠକ ଅନୁଷ୍ଠିତ ହୋଇସାରିଛି। ସେହିପରି ଆଂଚଳିକ ଦଳ ବୋଲି ନିଜର ପରିଚୟ ସୃଷ୍ଟି କରିଥିବା ଶାସକ ବିଜୁ ଜନତା ଦଳ ଦୀର୍ଘ ଦିନ ଧରି ଶାସନ କ୍ଷମତାରେ ରହିଛି। ଏହା ସତ୍ୱେ ବର୍ତମାନ ସୁଦ୍ଧା କାହିଁକି ଏହି ଗୀତକୁ ପ୍ରଦେଶ ସଙ୍ଗୀତ ମର୍ଯ୍ୟାଦା ପ୍ରଦାନ କରାଯାଇନାହିଁ ବୋଲି ରାଜ୍ୟ ମୁଖପାତ୍ର ଶ୍ରୀ ଗୋଲକ ପ୍ରସାଦ ମହାପାତ୍ର ପ୍ରଶ୍ନ କରିଛନ୍ତି।

ଶ୍ରୀ ମହାପାତ୍ର ଏହି ପ୍ରସଙ୍ଗରେ ରାଜ୍ୟ ସରକାରଙ୍କୁ ସମାଲୋଚନା କରି କହିଛନ୍ତି ଯେ, ନିଜକୁ ଆଂଚଳିକ ଦଳର ଭାବେ ବୋଲି କହି ନିଜର ପରିଚୟ ସୃଷ୍ଟି କରିଥିବା ଶାସକ ବିଜେଡି ଏହି ପ୍ରସଙ୍ଗରେ କାହିଁକି ପଛଘୁଂଚା ଦେଉଛି ? ବର୍ତମାନ ସୁଦ୍ଧା ଏହି ପ୍ରସଙ୍ଗରେ କାହିଁକି ଗେଜେଟ୍ ନୋଟିଫିକେସନ ପ୍ରକାଶ କରିନାହାନ୍ତି ? ସାଢେ ଚାରି କୋଟି ଓଡିଆଙ୍କ ଭାବାବେଗ ସହ ଖେଳିବାକୁ କିଏ ଅଧିକାର ଦେଇଛି ? ଏଭଳି ବହୁ ପ୍ରଶ୍ନର ଉତର ଶାସକ ବିଜେକୁ ଦେବାକୁ ପଡିବ ବୋଲି ଶ୍ରୀ ମହାପାତ୍ର କହିଛନ୍ତି।

ଓଡିଶା ଏବଂ ଓଡିଶାବାସୀଙ୍କ ପାଇଁ ଏହା ଏକ ନିଶ୍ଚିତ ଭାବେ ଦୁଃଖ ଏବଂ ପରିତାପର ବିଷୟ। ଆଜି ପର୍ଯ୍ୟନ୍ତ “ବନ୍ଦେ ଉତ୍କଳ ଜନନୀ…..” ଗୀତକୁ ପ୍ରଦେଶ ସଙ୍ଗୀତର ମର୍ଯ୍ୟାଦା ନଦେଇ ମୁଖ୍ୟମନ୍ତ୍ରୀ ଏବଂ ଶାସକ ବିଜେଡି ସମଗ୍ର ଓଡିଆ ଏବଂ ଓଡିଶାବାସୀଙ୍କ ପ୍ରତି ଥିବା ଆନ୍ତରିକତାକୁ ସ୍ପଷ୍ଟ କରିଛନ୍ତି ବୋଲି ଶ୍ରୀ ମହାପାତ୍ର କହିଛନ୍ତି।

ତିଳେ ମାତ୍ର ଆନ୍ତରିକତା ଥିଲେ ରାଜ୍ୟ ସରକାର ତୁରନ୍ତ ଗେଜେଟ୍ ନୋଟିଫିକେସନ ମାଧ୍ୟମରେ “ବନ୍ଦେ ଉତ୍କଳ ଜନନୀ…..” ଗୀତକୁ ପ୍ରଦେଶ ସଙ୍ଗୀତର ମର୍ଯ୍ୟାଦା ପ୍ରଦାନ କରିବାକୁ ଶ୍ରୀ ମହାପାତ୍ର ଦାବି କରିଛନ୍ତି।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top