ଓଡ଼ିଶା

ପ୍ରଧାନମନ୍ତ୍ରୀ ବୟୋ ବନ୍ଦନ ଯୋଜନା ଅନ୍ତର୍ଗତ ବରିଷ୍ଠ ନାଗରିକମାନଙ୍କ ପାଇଁ ନିବେଶ ସୀମା ୭.୫ ଲକ୍ଷରୁ ୧୫ ଲକ୍ଷ ଟଙ୍କାକୁ ବୃଦ୍ଧି

– ବରିଷ୍ଠ ନାଗରିକମାନଙ୍କୁ ମାସିକ ୧୦, ୦୦୦ ଟଙ୍କା ପର୍ଯ୍ୟନ୍ତ ପେନସନ ସୁବିଧା
– ପିଏମଭିଭିୱାଇ ଅଧୀନରେ ଗ୍ରାହକ ହେବାର ସମୟ ସୀମା ୪ ମେ, ୨୦୧୮ରୁ ବଢ଼ି ୩୧ ମାର୍ଚ୍ଚ, ୨୦୨୦ ହେଲା
– ଆର୍ଥିକ ଅନ୍ତର୍ଭୂକ୍ତିକରଣ ଏବଂ ସାମାଜିକ ସୁରକ୍ଷା ଲାଗି ସରକାରଙ୍କ ସଂକଳ୍ପର ପ୍ରତିଫଳନ

ନୂଆ ଦିଲ୍ଲୀ ୩-୫ (ଓଡ଼ିଆ ପୁଅ) ଆର୍ଥିକ ଅନ୍ତର୍ଭୂକ୍ତିକରଣ ଏବଂ ସାମାଜିକ ସୁରକ୍ଷା ପାଇଁ ସରକାରଙ୍କ ସଂକଳ୍ପର ପ୍ରତିଫଳନ ସ୍ୱରୂପ ପ୍ରଧାନମନ୍ତ୍ରୀ ବୟୋ ବନ୍ଦନ ଯୋଜନା (ପିଏମଭିଭିୱାଇ) ଅନ୍ତର୍ଗତ ବରିଷ୍ଠ ନାଗରିକମାନଙ୍କ ପାଇଁ ନିବେଶ ସୀମା ୭.୫ ଲକ୍ଷରୁ ୧୫ ଲକ୍ଷ ଟଙ୍କାକୁ ବୃଦ୍ଧି କରାଯିବା ପ୍ରସ୍ତାବକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ମଞ୍ଜୁରି ମିଳିଛି। ଏଥିସହିତ ପିଏମଭିଭିୱାଇ ଅଧୀନରେ ଗ୍ରାହକ ହେବାର ସମୟ ସୀମା ୪ ମେ, ୨୦୧୮ରୁ ବଢ଼ାଯାଇ ୩୧ ମାର୍ଚ୍ଚ, ୨୦୨୦ କରିଦିଆଯାଇଛି।

ଆହୁରି ବରିଷ୍ଠ ନାଗରିକମାନଙ୍କୁ ସାମାଜିକ ସୁରକ୍ଷା ପ୍ରଦାନ କରାଯିବାର ପ୍ରୟାସ କ୍ରମେ ସଂଶୋଧିତ ପିଏମଭିଭିୱାଇ ଅନ୍ତର୍ଗତ ପ୍ରତ୍ୟେକ ପରିବାର ପାଇଁ ବର୍ତମାନର ନିବେଶ ସୀମା ୭.୫ ଲକ୍ଷ ଟଙ୍କାକୁ ବୃଦ୍ଧି କରାଯାଇ ୧୫ ଲକ୍ଷ ଟଙ୍କା କରିଦିଆଯାଇଛି। ଏହାଦ୍ୱାରା ବରିଷ୍ଠ ନାଗରିକମାନଙ୍କୁ ଅଧିକ ସାମାଜିକ ସୁରକ୍ଷା କବଚ ମିଳିପାରିବ। ଏହା ବରିଷ୍ଠ ନାଗରିକଙ୍କ ପାଇଁ ମାସିକ ୧୦ ହଜାର ଟଙ୍କା ପର୍ଯ୍ୟନ୍ତ ପେନସନ ସୁନିଶ୍ଚିତ କରିପାରିବ।

ମାର୍ଚ୍ଚ ୨୦୧୮ ସୁଦ୍ଧା ସର୍ବମୋଟ ୨.୨୩ ଲକ୍ଷ ବରିଷ୍ଠ ନାଗରିକ ପିଏମଭିଭିୱାଇ ଦ୍ୱାରା ଲାଭାନ୍ୱିତ ହୋଇସାରିଛନ୍ତି। ପୂର୍ବରୁ ବରିଷ୍ଠ ପେନସନ ବୀମା ଯୋଜନା ୨୦୧୪ ଦ୍ୱାରା ମୋଟ ୩.୧୧ ଲକ୍ଷ ବରିଷ୍ଠ ନାଗରିକ ଲାଭାନ୍ୱିତ ହୋଇଥିଲେ।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top