ଓଡ଼ିଶା

ପ୍ରଦେଶ କଂଗ୍ରେସ କମିଟି ପକ୍ଷରୁ ମହାତ୍ମା ଗାନ୍ଧୀ ଜ୍ୟୋତି ରାଜ୍ୟସାରା ବୁଲିବ

ଭୁବନେଶ୍ୱର ୧୪.୭ (ଓଡ଼ିଆ ପୁଅ) – ମହାତ୍ମା ଗାନ୍ଧୀଙ୍କ ୧୫୦ତମ ପୂଣ୍ୟ ଜନ୍ମ ବର୍ଷ ଅବସରରେ ଓଡିଶା ପ୍ରଦେଶ କଂଗ୍ରେସ କମିଟି ଆନୁକୂଲ୍ୟରେ “ମହାତ୍ମା ଗାନ୍ଧୀ ଜ୍ୟୋତି” ସମଗ୍ର ରାଜ୍ୟରେ ପରିକ୍ରମା କରିବା ପାଇଁ ଗତକାଲି ପ୍ରଦେଶ କଂଗ୍ରେସ ସଭାପତି ଶ୍ରୀ ନିରଞ୍ଜନ ପଟ୍ଟନାୟକଙ୍କ ଅଧ୍ୟକ୍ଷତାରେ ପ୍ରାରମ୍ଭିକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇ ଯାଇଛି। ଏହି ଉପଲକ୍ଷେ ଗଠିତ ପ୍ରସ୍ତୁତି କମିଟିରେ ଶ୍ରୀ ପଟ୍ଟନାୟକ ଅଧ୍ୟକ୍ଷ ରହିଥିବା ବେଳେ ବିରୋଧିଦଳ ନେତା ଶ୍ରୀ ନରସିଂହ ମିଶ୍ର ସହଅଧ୍ୟକ୍ଷ ରହିଛନ୍ତି। କାର୍ଯ୍ୟକାରୀ ଅଧ୍ୟକ୍ଷ ରୂପେ ସର୍ବଶ୍ରୀ ଭକ୍ତ ଚରଣ ଦାସ, ଚିରଞ୍ଜିବ ବିଶ୍ୱାଳ, ନବ କିଶୋର ଦାସ, ପ୍ରଦୀପ ମାଝୀ ମନୋନୀତ ହୋଇଛନ୍ତି। ଉପାଧ୍ୟକ୍ଷ ରୂପେ ଅଧ୍ୟାପକ କୈଳାସ ଆଚାର୍ଯ୍ୟ ଓ ଶ୍ରୀ ଆର୍ଯ୍ୟକୁମାର ଜ୍ଞାନେନ୍ଦ୍ର ରହିଥିବା ବେଳେ ସଂପାଦକ ରୂପେ ଶ୍ରୀ ପଦ୍ମାକର ଗୁରୁ ଓ ସହ ସଂପାଦକ ରୂପେ ସର୍ବଶ୍ରୀ ରବିନ୍ଦ୍ର ପ୍ରସାଦ ଆଚାର୍ଯ୍ୟ ଏବଂ ନିରଦ ବରଣ ଖୁଂଟିଆ ଦାୟିତ୍ୱ ବହନ କରିଛନ୍ତି। ଏହା ସହିତ ପ୍ରସ୍ତୁତି କମିଟିର ପୃଷ୍ଠପୋଷକ ଭାବେ ପଦ୍ମଶ୍ରୀ ଭବାନୀ ଚରଣ ପଟ୍ଟନାୟକ ଓ ଶ୍ରୀ ଦୋଳଗୋବିନ୍ଦ ପ୍ରଧାନ ରହିଥିବା ବେଳେ ବହୁ ବିଶିଷ୍ଟ କଂଗ୍ରେସ ନେତା ଓ ସାମାଜିକ କର୍ମକର୍ତା ବିଜୟଲକ୍ଷ୍ମୀ ସାହୁ, ସୁମିତ୍ରା ଜେନା, ସସ୍ମିତା ବେହେରା, ଲୋକନାଥ ମହାରଥୀ, ଇତିଶ୍ ପ୍ରଧାନ, ବିରେନ୍ ମୋହନ ପଟ୍ଟନାୟକ, କୈଳାସ ସାହୁ, ପରମା ପୂଜାରୀ, ଗୌରାଙ୍ଗ ମହାପାତ୍ର, ପ୍ରଣବ ପାଟ୍ଟଯୋଶୀ, ଏହି ଆୟୋଜନ କମିଟିରେ ସଦସ୍ୟ ଭାବରେ ରହିଛନ୍ତି।

“ମହାତ୍ମା ଗାନ୍ଧୀ ଜ୍ୟୋତି” ପାଇଁ ତାଙ୍କର ଜନ୍ମସ୍ଥାନ ପୋରବନ୍ଦର ଓ କର୍ମକ୍ଷେତ୍ର ସାବରମତୀ ଆଶ୍ରମର ପବିତ୍ର ମୃତିକା ସଂଗ୍ରହ କରି ଜ୍ୟୋତି ପ୍ରଜ୍ଜ୍ୱଳନ କରିବା ପାଇଁ ନିଷ୍ପତି ହୋଇଛି। ଏହାପରେ ଅଗଷ୍ଟ ମାସ ପ୍ରଥମ ଭାଗରେ ବେରବୋଇ (ଡେଲାଙ୍ଗ) ଆଶ୍ରମରେ ଏକ ବିଶାଳ ମହାସମାରୋହରେ ପ୍ରଦେଶ କଂଗ୍ରେସ ସଭାପତି ଶ୍ରୀ ନିରଞ୍ଜନ ପଟ୍ଟନାୟକଙ୍କ ଦ୍ୱାରା ମହାତ୍ମା ଗାନ୍ଧୀ ଜ୍ୟୋତି ଯାତ୍ରାର ଉଦ୍ଘାଟନ ହେବ। ଏହାପରେ ରାଜ୍ୟର ସବୁ ଜିଲ୍ଲା ମୁଖ୍ୟାଳୟ ଠାରେ ଓ ପ୍ରମୁଖ ବ୍ଲକ କାର୍ଯ୍ୟାଳୟ ଠାରେ ମହାତ୍ମା ଗାନ୍ଧୀ ଜ୍ୟୋତିକୁ ଭବ୍ୟ ସମ୍ବର୍ଦ୍ଧନା ଦିଆଯିବ। ଏଥିରେ ସ୍ଥାନୀୟ କଂଗ୍ରେସ କର୍ମୀ, ଯୁବ ଓ ଛାତ୍ର ବର୍ଗ ଓ ସାଧାରଣ ଜନତା ବହୁ ସଂଖ୍ୟାରେ ଅଂଶଗ୍ରହଣ କରିବା ପାଇଁ ନିବେଦନ କରାଯାଇଛି।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top