ଓଡ଼ିଶା

ପୋଖରୀ ପୁନଃରୁଦ୍ଧାର କାର୍ଯ୍ୟରେ ଅନିୟମିତତା

କରଞ୍ଜିଆ ୨-୮ (ଓଡ଼ିଆ ପୁଅ/ଦୀପକ ମହାନ୍ତ) ମୟୁରଭଞ୍ଜ ଜିଲ୍ଲାରେ ଦିନକୁ ଦିନ ଦୃନୀତି ବଢି ବଢି ଚାଲିଛି, ସରକାର ବିଭିନ୍ନ ପ୍ରକାର ଜ୍ଞାନକୌଶଳ ପ୍ରୟୋଗ କରି ଦୁର୍ନିତି ରୋକିବା ପାଇଁ ଚେଷ୍ଟା କରିଥିଲେ ମଧ୍ୟ ବିଫଳ ହଇଛି। ଏପରି ଏକ ଘଟଣା ସାମ୍ନାକୁ ଆସିଛି କରଞ୍ଜିଆ ବ୍ଲକ ଅନ୍ତର୍ଗତ ତାଟ ଗ୍ରାମ ପଞ୍ଚାୟତ ନାକୁଡ଼ା ଗ୍ରାମରେ, ଉକ୍ତ ଗ୍ରାମରେ ଗୋଟିଏ ଆର୍ଥିକ ବର୍ଷରେ ଦୁଇ ଦୁଇଟି କାର୍ଯ୍ୟ ନ ସରୁଣୁ ପୁଣି ଏକ କାର୍ଯ୍ୟ ପୋଖରୀ ଖନନ ଏବଂ ପଙ୍କ ଉଦ୍ଧାର ସହିତ ଗାର୍ଡୱେଲ ପାଇଁ ଯଥା କ୍ରମେ-1.63,3.00,9.00 (13.63) ଲକ୍ଷ ଟଙ୍କା ଖର୍ଚ୍ଚ କରାଯାଇଥିବା ଉଲ୍ଲେଖ କରାଯାଇଛି। ହେଲେ ନାମ ଫଳକ ଅନୁସାରେ ଯେଉଁ କାମ କରିବା କଥା ତାହା ନ ହୋଇ ତାର ସମ୍ପୂର୍ଣ୍ଣ ଓଲଟା ହେଉଥିବା ଦେଖିବାକୁ ମିଳିଛି।

ସେହିପରି ଏଷ୍ଟିମେଟ ଅନୁସାରେ କାର୍ଯ୍ୟ ନ କରିବା ବିରାଟ ପ୍ରଶ୍ନବାଚି ସୃଷ୍ଟିକରିଛି। ତେବେ MGNREGS କାର୍ଯ୍ୟ ଜୁନ ୧୪ ପରେ ସରକାରଙ୍କ ନିୟମ ଅନୁଯାୟୀ ବନ୍ଦ ହବା କଥା କିନ୍ତୁ ତା ପରେ କିପରି ବିଭାଗୀୟ ସହକାରୀ ଯନ୍ତ୍ରୀ ଏବଂ ଗୋଷ୍ଟି ଉନ୍ନୟନ ଅଧିକାରୀ କାର୍ଯ୍ୟାଦେଶର ଅନୁମୋଦନ କଲେ ସେହିପିରି ସେଠାକୁ ଦୁଇ ଦୁଇ ଥର ଗସ୍ତ କରି ମଧ୍ୟ ଏଷ୍ଟିମେଟ ଅନୁସାରେ କାର୍ଯ୍ୟ ନ କରିବା ଗୋଷ୍ଟି ଉନ୍ନୟନ ଅଧିକାରୀ ଏବଂ ସହକାରୀ ଯନ୍ତ୍ରୀଙ୍କ କାର୍ଯ୍ୟ ମଧ୍ୟ ସନ୍ଦେହ ଘେରରେ। ସେମାନଙ୍କ ନିର୍ଦ୍ଦେଶ ଅନୁଯାୟୀ କାର୍ଯ୍ୟ ହଉ ନାହିଁ ତ ? ନଚେତ ବିନା ଫାଉଡେସନରେ କିପରି ଗାର୍ଡୱେଲ କାର୍ଯ୍ୟ ହେଉଛି, ସେହିପରି କଂକ୍ରିଟ ଢଳେଇ କରି କରିବା କଥା ହେଲେ ତାହା ନ କରି ଖାଲି ମାଙ୍କଡ଼ା ପଥରରେ ଜୁଲାଇ କାର୍ଯ୍ୟ କରୁଥିଲେ ମଧ୍ୟ ଅଧିକାରୀମାନେ ଚୁପ ରହିବା ଗ୍ରାମବାସୀଙ୍କ ମନରେ ଜମାରୁ ହଜମ ହୋଇ ନ ଥିଲା, ଯାହାକୁ ନେଇ ଜିଲ୍ଲାପାଳ, ଉପ-ଜିଲ୍ଲାପାଳ ଏବଂ ପି.ଡି.ଙ୍କୁ ଲିଖିତ ଅଭିଯୋଗ କରିଛନ୍ତି। ଏବଂ ଏହାର ସର ଜମିନ ତଦନ୍ତ କରି ବିଭାଗୀୟ ଅଧିକାରୀଙ୍କ ବିରୁଦ୍ଧରେ ବିହିତ କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛନ୍ତି। ଉକ୍ତ ଘଟଣା ସମ୍ପର୍କରେ ବିଭାଗୀୟ ସହକାରୀ ଯନ୍ତ୍ରୀ ଏବଂ ଗୋଷ୍ଟି ଉନ୍ନୟନ ଅଧିକାରୀଙ୍କ ପତ୍ରିକ୍ରିୟା ନେବା ପାଇଁ ଚେଷ୍ଟା କରିଥିଲେ ବି କିଛି କହିବା ପାଇଁ ମନା କରିଦେଇଥିଲେ।

Click to comment

Leave a Reply

Your email address will not be published. Required fields are marked *

ବହୁ ଚର୍ଚ୍ଚିତ ଖବର

Odia Pua is the first Odia News paper which is printed & Published from New Delhi & first Odia mobile news site.

© 2018 | Odiapua.com, All Rights Reserved. | Powered By Suryanandan.net

To Top