ପୋଖରୀରେ ବୁଡି ଜଣେ ବ୍ୟକ୍ତିର ମୃତ୍ୟୁ

ପୁରୁଷୋତ୍ତମପୁର, ୫/୯ (ଓଡିଆ ପୁଅ/ସୁଦାମ ମହାରଣା) ପୁରୁଷୋତ୍ତମପୁର ଥାନା ଅନ୍ତର୍ଗତ ଅରଖପୁର ଗ୍ରାମର ମରଗାଡିଆ ପୋଖରୀରେ ବୁଡି ଜଣଙ୍କର ମୃତ୍ୟୁ ହୋଇଯାଇଛି। ମୃତକ ହେଲେ ସେହି ଗ୍ରାମର ଆଡୁଆସାହିର ସୁକାନ୍ତ ବେହେରା (୫୦)। ସୂଚନାନୁସାରେ, ସୁକାନ୍ତ ମଙ୍ଗଳବାର ସନ୍ଧ୍ୟାରେ ମରଗାଡିଆ ପୋଖରୀକୁ ସ୍ନାନ ନିମନ୍ତେ ଯାଇ ଆଉ ଫେରିନଥିଲେ। ଏହି ଖବର ଗ୍ରାମରେ ପ୍ରଘଟ ହେବା କ୍ଷଣି, ଗ୍ରାମବାସୀ ଉକ୍ତ ପୋଖରୀରେ ପହଞ୍ଚି ବହୁତ ଖୋଜାଖୋଜି କରିଥିଲେ ମଧ୍ୟ କୌଣସି ସୁରାକ ପାଇପାରିନଥିଲେ। ଖବରପାଇ ପୁରୁଷୋତ୍ତମପୁର ଦମକଳ ବାହିନୀ ପହଞ୍ଚି ଦୀର୍ଘ ଦୁଇ ଘଣ୍ଟା ଧରି ପୋଖରୀରେ ଖୋଜାଖୋଜି କରି ଉକ୍ତ ବ୍ୟକ୍ତିକୁ ରାତ୍ର ୧୦ ଟାରେ ଉଦ୍ଧାର କରି ପୁରୁଷୋତ୍ତମପୁର ମେଡିକାଲରେ ଭର୍ତ୍ତି କରିଥିଲେ। ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ। ଥାନାରେ ୧୭/୧୮ ରେ ଏକ ଅପମୃତ ମାମଲା ରୁଜ୍ଜୁ କରାଯାଇ, ଆଜି ଦିନ୧୧ଟାରେ ଶବଶ୍ୟବଛେଦ କରାଯାଇ ପରିବାର ବର୍ଗଙ୍କୁ ଶବ ହସ୍ତାନ୍ତର କରାଯାଇଛି।

Leave a Reply

Your email address will not be published. Required fields are marked *