ନୂତନ ୟୁରିଆ ନୀତି ଅନ୍ତର୍ଗତ ଶକ୍ତି ମାନଦଣ୍ଡ ପରିବର୍ତ୍ତନକୁ କ୍ୟାବିନେଟ ମଞ୍ଜୁରି

ନୂଆଦିଲ୍ଲୀ ୨୨-୩ (ଓଡ଼ିଆ ପୁଅ) ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆର୍ଥିକ ବ୍ୟାପାର ସଂକ୍ରାନ୍ତ କେନ୍ଦ୍ର କ୍ୟାବିନେଟ କମିଟି (ସିସିଇଏ) ବୈଠକରେ କୃଷି ସାର ବିଭାଗର ପ୍ରସ୍ତାବକୁ ମଞ୍ଜୁରି ପ୍ରଦାନ କରାଯାଇଛି।

୧. ନୂଆ ଶକ୍ତି ନୀତି-୨୦୧୫ ଅନ୍ତର୍ଗତ ୧୧ଟି ୟୁରିଆ ଉଦ୍ୟୋଗ ଲାଗି ଲକ୍ଷ୍ୟ ଧାର୍ଯ୍ୟ ହୋଇଥିବା ଶକ୍ତି ନିୟମକୁ ୧ ଏପ୍ରିଲ ୨୦୧୮ ଠାରୁ ପ୍ରଭାବୀ କରି କାର୍ଯ୍ୟାନ୍ୱୟନ କରାଯିବ।

୨. ସାଂକେତିକ ଜରିମାନା ସହିତ ବର୍ତମାନର ଶକ୍ତି ମାନଦଣ୍ଡର ସମ୍ପ୍ରସାରଣକୁ ନୂଆ ୟୁରିଆ ନୀତି ୨୦୧୫ ଅନ୍ତର୍ଗତ ଦୁଇ ବର୍ଷ ଲାଗି ବୃଦ୍ଧି କରାଯିବ।

୩. ବର୍ତମାନର ଶକ୍ତି ମାନଦଣ୍ଡର ତିନୋଟି ନାଫଥା ଆଧାରିତ ଶକ୍ତି ସଂସ୍ଥା ସମ୍ପର୍କରେ ପରବର୍ତ୍ତୀ ଦୁଇ ବର୍ଷ/ଗ୍ୟାସ ପାଇପ ଲାଇନ ଯୋଗାଯୋଗ ଉପଲବ୍ଧ କରାଇବା ପାଇଁ ଅନୁମୋଦନ କରାଯାଇଛି।

୪. ନୂଆ ଶକ୍ତି ନୀତି ୨୦୧୫ ଅନୁରୂପ ଧାର୍ଯ୍ୟ ଲକ୍ଷ୍ୟ ଶକ୍ତି ମାନଦଣ୍ଡକୁ ୧ ଏପ୍ରିଲ ୨୦୨୦ରୁ ଲାଗୁ କରି ପାଂଚ ବର୍ଷ ଲାଗି ଜାରି ରଖାଯିବ।

ଦୁଇ ବର୍ଷ ବାଦ ଅବଧି ଲାଗି ବର୍ତମାନର ଶକ୍ତି ମାନଦଣ୍ଡର ସମ୍ପ୍ରସାରଣ ଦ୍ୱାରା ସାରା ଦେଶରେ କୃଷକମାନଙ୍କୁ ୟୁରିଆର ସହଜ ଉପଲବ୍ଧତା ସୁନିଶ୍ଚିତ ହେବ। ଏହାଦ୍ୱାରା ଘରୋଇ ୟୁରିଆ ଉତ୍ପାଦନକୁ ସର୍ବାଧିକ କ୍ଷମତା ପର୍ଯ୍ୟନ୍ତ ବଢ଼ାଇବାରେ ସହାୟତା ମିଳିପାରିବ ଏବଂ ୟୁରିଆର ଆମଦାନୀ ହ୍ରାସ ପାଇବ।

ଏହି ମଞ୍ଜୁରି ଫଳରେ ଶକ୍ତି ୟୁରିଆ ଉତ୍ପାଦନ ଉଦ୍ୟୋଗ ଦ୍ୱାରା ନିବେଶ କରାଯାଉଥିବା ସିଏପିଇଏକ୍ସର କେତେକ ଭାଗକୁ କାର୍ଯ୍ୟକ୍ଷମ କରିବାରେ ସହାୟତା ମିଳିପାରିବ, ଯାହାଦ୍ୱାରା ୟୁରିଆ ଉତ୍ପାଦନ ଉଦ୍ୟୋଗ ନିଜ ଶକ୍ତି କ୍ଷମତାକୁ ବଢ଼ାଇବାରେ ଲାଗିଛନ୍ତି। ଶକ୍ତି କୁଶଳ ୟୁରିଆ ଉତ୍ପାଦନ ଉଦ୍ୟୋଗ କାର୍ବନ ହ୍ରାସ କରିବେ ଏବଂ ଅଧିକ ପରିବେଶ ଉପଯୋଗୀ ହେବ।

ରାସାୟନିକ ସାର ଖାଦ୍ୟଶସ୍ୟ ଉତ୍ପାଦନରେ ଦେଶକୁ ଆତ୍ମନିର୍ଭରଶୀଳ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇଛି। ଏହା ଭାରତୀୟ କୃଷି ବିକାଶ ଲାଗି ଗୁରୁତ୍ୱପୂର୍ଣ୍ଣ ଯୋଗଦାନ କରିଥାଏ।

ବିଭାଗ ଦ୍ୱାରା ବର୍ଷ ୨୦୧୮-୧୯ ଲାଗି ଶକ୍ତି କୁଶଳ ମାନଦଣ୍ଡର ଅଧିସୂଚନା ପୁଞ୍ଜି ଗହନତା ଉପରେ ଆଧାରିତ। କମ୍ପାନୀର ବ୍ୟୟ ଆର୍ଥିକ ବ୍ୟବସ୍ଥା ଶକ୍ତି ସଂଚୟ ଯୋଜନା କାର୍ଯ୍ୟାନ୍ୱୟନର ସମର୍ଥନ କରିନଥାଏ କାରଣ ନିବେଶ ଉପରେ ସାଧାରଣ ପୁନଃ ପରିଶୋଧ ପ୍ରକ୍ରିୟା ବହୁ ଲମ୍ବା ହୋଇଥାଏ।

Leave a Reply

Your email address will not be published. Required fields are marked *