ନୂଆପଡା- ଓଡ୍ରାପ୍ଟ ଟିମର ସହାୟତାରେ ଉଦ୍ଧାର ହେଲା ଶବ

ନୂଆପଡା- ୫/ ୧-( ଓଡିଆ ପୂଅ/ନନ୍ଦିଘୋଷ ଖମାରୀ)- ନୂଆପଡା ଜିଲ୍ଲା କୋମନା ବ୍ଲକ ସ୍ଥିତ ଟିକ୍ରାପଡା ଗାଁରେ ଥିବା ଗୋଟିଏ ପୋଖରୀରେ କୂଣିଆ ହୋଇ ଆସିଥିବା ଜଣେ ୫୦ ବର୍ଷୀୟ ବୃଦ୍ଧଙ୍କ ଶବକୁ ଓଡ୍ରାଫ୍ଟ ଟିମ ବାହାର କରିବାରେ ସଫଳ ହୋଇଛି । ପ୍ରକାଶ ଥାଉକି, ଗତ ୨ ତାରିଖରୁ ନୂଆପଡା ବ୍ଲକ ସେମରିଆ ଗାଁର ଦୁର୍ମୁତ ଲୋହାର ଗାଧୋଉଥିବା ବେଳେ ବୁଡିଯାଇଥିଲେ ।ଖବର ମିଲିବା ପରେ କୋମନା ଅଗ୍ନିଶମ ବିଭାଗ ୨ ତାରିଖ ଅପରାହ୍ନରୁ ଉଦ୍ଧାର କାର୍ଯ୍ୟ ଜାରି ରଖିଥିବା ବେଳେ ଶବ ହାତେଇ ପାରି ନ ଥିଲା । ଗତ କାଲି  ପୂର୍ବତନ ବିଧାୟକ ରାଜେନ୍ଦ୍ର ଧୋଲକିଆଙ୍କ ପ୍ରଚେଷ୍ଟାରେ ମାଛଧରା ଜାଳ ପକାଇ ଶବ ଖୋଜା ଯାଇଥିଲା । ତଥାପି ଶବ ନ ମିଲିବାରୁ ଆଜି ନୂଆପଡା ଏସ.ପି .ପି.ପରମାରଙ୍କ ସହାୟତାରେ ଓଡ୍ରାପ୍ଟ ଟିମ ପୋଖରୀରେ ପ୍ରବେଶ କରି ଶବ ଖୋଜି ବାହାର କରିବାରେ ସଫଳ ହୋଇଥିଲେ । ଫଳରେ ଗ୍ରାମବାସୀ ଓଡ୍ରାପ୍ଟ  ଟିମ,ଅଗ୍ନିଶମ ବିଭାଗ ଓ ପୋଲିସ ବିଭାଗକୁ ଧନ୍ୟବାଦ ଦେବା ସଂଗେ ରାଜ୍ୟ ସରକାର ଦୁର୍ମୁତଙ୍କ ପରିବାରଙ୍କୁ ଆର୍ଥିକ ସହାୟତା ଯୋଗାଇ ଦେବା ପାଇଁ ଦାବୀ କରିଛନ୍ତି ।

Leave a Reply

Your email address will not be published. Required fields are marked *